ധോണി അച്ഛനെ പോലെയെന്ന് മതീഷ പതിരാന; ദൈവത്തെ പോലെയെന്ന് അമ്മ

MS Dhoni, Matheesha Pathirana IPL 2025 Chennai Super Kings: എം എസ് ധോണി തന്റെ അച്ഛനെ പോലെയാണ് എന്ന് ചെന്നൈ സൂപ്പർ കിങ്സിന്റെ ശ്രീലങ്കൻ ഫാസ്റ്റ് ബോളർ മതീഷ പതിരാന. ചെന്നൈ സൂപ്പർ കിങ്സ് പങ്കുവെച്ച ഡോക്യുമെന്ററിയിലാണ് ധോണി തന്റെ പിതാവിനെ പോലെയാണ് എന്ന് മതീഷ പതിരാന പറയുന്നത്. 

2022ൽ ആണ് മതീഷ പതിരാന ചെന്നൈ സൂപ്പർ കിങ്സിനായി അരങ്ങേറ്റം കുറിച്ചത്. "ചെന്നൈ സൂപ്പർ കിങ്സിൽ ആയിരിക്കുമ്പോൾ ധോണിയിൽ നിന്ന് എനിക്ക് ലഭിക്കുന്ന പിന്തുണ, മാർഗനിർദേശങ്ങൾ എന്നിവയെല്ലാം നോക്കുമ്പോൾ എനിക്ക് എന്റെ അച്ഛനെ പോലെയാണ് ധോണി. വീട്ടിൽ അച്ഛൻ ചെയ്യുന്നത് പോലെയാണ് ധോണിയിൽ നിന്ന് എന്നോടുള്ള സമീപനവും പെരുമാറ്റവും. അതുകൊണ്ടാണ് ധോണിയെ ഞാൻ എന്റെ അച്ഛനെ പോലെ കാണുന്നത്," മതീഷ പതിരാന പറഞ്ഞു. 

ധോണിയെ ആദ്യമായി കണ്ടപ്പോൾ എങ്ങനെയാണ് തന്നോട് സംസാരിച്ചത് എന്നും മതീഷ പതിരാന പറയുന്നു. " ഹായ്, മലി, സുഖമാണോ എന്ന് ചോദിച്ചു. ശ്രീലങ്കയിൽ മലി എന്നാൽ ഇളയ സഹോദരൻ എന്നാണ് അർഥം. ധോണിയെ പോലൊരു ഇതിഹാസം എന്നെ മലി എന്ന് വിളിക്കുമ്പോൾ അതിന് അപ്പുറം നമുക്ക് എന്താണ് വേണ്ടത്,"പതിരാന ചോദിക്കുന്നു. 

 മലിംഗയുടെ ബോളിങ് ആക്ഷനോട് സാമ്യമുള്ളതിനാൽ പതിരാനയ്ക്ക് ക്രിക്കറ്റ് ലോകത്ത് മലി എന്ന പേരും ഉണ്ട്. ധോണി ദൈവത്തെ പോലെയാണ് എന്നാണ് പതിരാനയുടെ അമ്മ വിഡിയോയിൽ പറയു്നത്. അച്ഛനെ പതിരാന എങ്ങനെയാണ് ബഹുമാനിക്കുന്നത് അതുപോലെയാണ് ധോനിയേയും ബഹുമാനിക്കുന്നത് എന്ന് അമ്മ പറഞ്ഞു. 

Read More

• ഗുജറാത്തിന് കനത്ത തിരിച്ചടി; 10 കോടിക്ക് സ്വന്തമാക്കിയ സൂപ്പർതാരം നാട്ടിലേക്ക് മടങ്ങി
• സിറാജിൽ ആ തീക്ഷ്ണത കണ്ടു; എന്തോ അവനെ വേദനിപ്പിച്ചു: വിരേന്ദർ സെവാഗ്
• RCB vs GT: ബട്ട്ലറിന്റെ വെടിക്കെട്ട്; ബെംഗളൂരുവിനെതിരെ ഗുജറാത്തിന് അനായാസ ജയം
• സൂര്യകുമാർ യാദവും ഗോവ ടീമിലേക്ക്? പ്രതികരണവുമായി താരം