MS Dhoni: ധോണി ഇന്ന് വിരമിക്കുന്നു? ഗ്യാലറിയിൽ മാതാപിതാക്കൾ; ആശങ്കയിൽ ആരാധകർ

ഡൽഹി ക്യാപിറ്റൽസിന് എതിരായ മത്സരത്തിൽ ചെന്നൈ സൂപ്പർ കിങ്സ് ക്യാപ്റ്റൻ ഋതുരാജ് ഗയ്ക്വാദ് കളിക്കുമോ എന്ന ആശങ്ക ഉയർന്നിരുന്നു. ഇതോടെ ചെന്നൈ സൂപ്പർ കിങ്സിനെ ഡൽഹിക്കെതിരെ എം എസ് ധോണി നയിച്ചേക്കും എന്ന വിലയിരുത്തലും ശക്തമായി. പക്ഷേ ഋതുരാജ് ഗയ്ക്വാദ് തന്നെയാണ് ഡൽഹിക്ക് എതിരെ ചെന്നൈയെ നയിച്ച് ഇറങ്ങിയത്. എന്നാൽ ഇന്ന് ധോണി വിരമിക്കൽ പ്രഖ്യാപിക്കുമോ എന്ന ചോദ്യം ആണ് ഡൽഹിക്കെതിരായ മത്സരത്തിന് ഇടയിൽ ഇപ്പോൾ ശക്തമായത്. 

എം എസ് ധോണിയുടെ മാതാപിതാക്കൾ മത്സരം കാണാൻ ചെപ്പോക്കിൽ എത്തിയത് ആരാധകരുടെ ശ്രദ്ധയിൽപ്പെട്ടതോടെയാണ് ഇത് ധോണിയുടെ വിരമിക്കൽ മത്സരമാണോ എന്ന ചോദ്യം ഉയരുന്നത്. എന്നാൽ ടൂർണമെന്റിന്റെ മധ്യത്തിൽ വെച്ച് ധോണി വിരമിക്കൽ പ്രഖ്യാപിക്കുമോ എന്ന മറുചോദ്യവും ആരാധകരിൽ നിന്ന് തന്നെ ഉയരുന്നുണ്ട്. 

ധോണിയുടെ ഭാര്യ സാക്ഷിയും മകൾ സിവയും ചെന്നൈയുടെ മത്സരങ്ങൾ കാണാൻ എത്തുക പതിവാണ്. എന്നാൽ ധോണിയുടെ മാതാപിതാക്കൾ ഗ്യാലറിയിൽ അങ്ങനെ പ്രത്യക്ഷപ്പെട്ടിട്ടില്ല. അതുകൊണ്ട് തന്നെയാണ് ഇന്നത്തെ മത്സരത്തിന് എന്തെങ്കിലും പ്രത്യേകത ഉണ്ടോ എന്ന ചോദ്യം ഉയരുന്നത്. 

MS DHONI's PARENTS AT CHEPAUK 💛 pic.twitter.com/VyVEqZYS8b

— Johns. (@CricCrazyJohns) April 5, 2025

സീസണിൽ ബാറ്റിങ് പൊസിഷനിൽ ഒൻപതാം സ്ഥാനത്തേക്ക് വരെ ധോണി ഇറങ്ങിയത് വലിയ വിമർശനത്തിന് ഇടയാക്കിയിരുന്നു. ആർസിബിക്കെതിരായ കളിയിലാണ് ധോണി ഒൻപതാമത് ബാറ്റിങ്ങിന് ഇറങ്ങിയത്. 10 ഓവറോളം ബാറ്റ് ചെയ്യുക എന്നത് ധോണിക്ക് പ്രയാസമായിരിക്കും എന്ന് ചെന്നൈ സൂപ്പർ കിങ്സ് പരിശീലകൻ ഫ്ളെമിങ്ങും സൂചിപ്പിച്ചിരുന്നു. 

The end of an era?

— Varun Pandey (@varpa2010) April 5, 2025

Read More

• MI vs LSG: ലക്നൗവിനെ കണ്ടാൽ മുംബൈ വിറയ്ക്കും; ത്രില്ലറിൽ 12 റൺസ് ജയം
• Vighnesh Puthur IPL: യാ മോനെ! വിഘ്നേഷിന്റെ കിടിലൻ ഗൂഗ്ലിയും തകർപ്പൻ ഡൈവിങ് ക്യാച്ചും
• Rohit Sharma IPL: മുംബൈ പ്ലേയിങ് ഇലവനിൽ രോഹിത് ശർമ ഇല്ല; കാരണം പറഞ്ഞ് ഹർദിക് പാണ്ഡ്യ
• ധോണി അച്ഛനെ പോലെയെന്ന് മതീഷ പതിരാന; ദൈവത്തെ പോലെയെന്ന് അമ്മ