SRH vs DC: 4.1 ഓവറിൽ നാല് വിക്കറ്റ്; പുലിയായി വന്ന ഹൈദരാബാദ് എലിയായി മടങ്ങുമോ

SRH vs DC IPL 2025: പുലിയായി വന്ന സൺറൈസേഴ്സ് ഹൈദരാബാദ് എലിയായി മടങ്ങുമോ? സീസണിലെ ആദ്യ മത്സരത്തിന് പിന്നാലെ ലക്നൗവിന് എതിരായ പ്രകടനവും ഡൽഹിക്ക് എതിരായ ആദ്യ ഓവറുകളിലെ ഹൈദരാബാദിന്റെ വിക്കറ്റ് വീഴ്ച്ചയും കണ്ട് ആരാധകരുടെ ചോദ്യം ഇങ്ങനെയാണ്. ഡൽഹി ക്യാപിറ്റൽസിന് എതിരായ കളിയിൽ ആദ്യ നാല് ഓവറിൽ ഹൈദരാബാദിന്റെ അപകടകാരികളായ നാല് ബാറ്റർമാരാണ് ഡ്രസ്സിങ് റൂമിലേക്ക് മടങ്ങിയത്. 14 ഓവറിലേക്ക് കളി എത്തുമ്പോൾ ഏഴ് വിക്കറ്റ് നഷ്ടത്തിൽ 123 എന്ന നിലയിലാണ് ഹൈദരാബാദ്.

മിസ്റ്റൽ സ്റ്റാർക്കിന്റെ ഒരോവറിലെ ഇരട്ട പ്രഹരങ്ങളാണ് ഹൈദരാബാദിനെ പ്രതിസന്ധിയിലേക്ക് തള്ളിയിട്ടത്. ഇന്നിങ്സിലെ ആദ്യ ഓവറിലെ അഞ്ചാമത്തെ പന്തിൽ ഓപ്പണർ അഭിഷേക് ശർമ ഒരു റൺസിൽ നിൽക്കെ റൺഔട്ടായി. പിന്നാലെ ഹൈദരാബാദിന്റെ നെഞ്ചുതകർത്ത് സ്റ്റാർക്കിന്റെ വരവായിരുന്നു. 

ഹൈദരാബാദിന്റെ മൂന്നാം ഓവറിലെ ആദ്യ പന്തിൽ മിച്ചൽ സ്റ്റാർക്ക് ഇഷാൻ കിഷനെ മടക്കി. ആദ്യ മത്സരത്തിൽ രാജസ്ഥാന് എതിരെ സെഞ്ചുറി നേടിയ ഇഷാൻ രണ്ട് റൺസ് മാത്രം എടുത്താണ് ഇന്ന് മടങ്ങിയത്. അതേ ഓവറിലെ മൂന്നാമത്തെ പന്തിൽ നിതീഷ് കുമാർ റെഡ്ഡിയേയും സ്റ്റാർക്ക് പുറത്താക്കി. 12 പന്തിൽ നിന്ന് 22 റൺസ് എടുത്ത് നിന്ന ട്രാവിസ് ഹെഡ്ഡിനെ കൂടി സ്റ്റാർക്ക് വീഴ്ത്തിയതോടെ 37-4ലേക്ക് ഹൈദരാബാദ് വീണു. 

എന്നാൽ ആദ്യ നാല് ഓവറിൽ നാല് വിക്കറ്റ് നഷ്ടപ്പെട്ടിട്ടും കുലുങ്ങാതെയാണ് അനികേത് വർമയും ക്ലാസനും ബാറ്റ് വീശിയത്. ഇരുവരും ചേർന്ന് ഒൻപത് ഓവറിൽ ഹൈദരാബാദ് സ്കോർ 98ൽ എത്തിച്ചു.. എന്നാൽ ക്ലാസൻ 19 പന്തിൽ നിന്ന് 32 റൺസ് എടുത്ത് മടങ്ങി. മനോഹർ നാല് റൺസിനും കമിൻസ് രണ്ട് റൺസിനും കൂടാരം കയറി. 34 പന്തിൽ നിന്ന് അനികേത് അർധ ശതകം കണ്ടെത്തി.

View this post on Instagram

A post shared by IPL (@iplt20)

300ന് മുകളിൽ സ്കോർ കണ്ടെത്താൻ ഐപിഎല്ലിൽ സാധിക്കുന്ന ടീം ഹൈദരാബാദ് ആണെന്നാണ് കൂടുതലും വിലയിരുത്തൽ. എന്നാൽ ഓരോ മത്സരത്തിലും സാഹചര്യത്തിന് അനുസരിച്ച് കളിക്കാതെ ഹൈദരാബാദ് എന്തിനാണ് 250ന് മുകളിൽ എല്ലാ മത്സരത്തിലും സ്കോർ കണ്ടെത്താൻ ലക്ഷ്യം വയ്ക്കുന്നത് എന്ന ചോദ്യവും ഉയരുന്നുണ്ട്. ലക്നൗവിന് എതിരെ 200ൽ താഴെ സ്കോർ കണ്ടെത്താനാണ് ഹൈദരാബാദിന് സാധിച്ചത്. മത്സരത്തിൽ തോൽവിയിലേക്ക് വീഴുകയും ചെയ്തു. 

Read More

• Sanju Samson: സഞ്ജു സാംസൺ ഇന്ന് ധോണിക്കെതിരെ? ആര് വീഴും? മത്സരം എവിടെ കാണാം?
• MI Vs GT: ഇന്ന് വിഘ്നേഷ് പുത്തൂർ കളിക്കുമോ? സാധ്യത ഇങ്ങനെ
• MI Vs GT: മുംബൈക്ക് രണ്ടാം തോൽവി; ഓൾറൗണ്ട് മികവിൽ ഗുജറാത്തിന് ജയം
• Vighnesh Puthur : എന്തുകൊണ്ട് വിഘ്നേഷിനെ ഇന്ന് ഒഴിവാക്കി? കാരണം