'16 ഇന്നിങ്സ് 166 റൺസ്;' കരകയറാനാകാതെ രോഹിത്

ഇംഗ്ലണ്ടിനെതിരായ ഒന്നാം ഏകദിനത്തിൽ വെറും രണ്ട് റൺസിന് പുറത്തായതോടെ ഫോം കണ്ടെത്താനുള്ള ഇന്ത്യൻ നായകൻ രോഹിത് ശർമ്മയുടെ ഏറ്റവും ഒടുവിലെ ശ്രമവും പരാജയപ്പെട്ടു. ഏഴ് പന്തുകൾ നേരിട്ട രോഹിത്, സാഖിബ് മഹ്മൂദിന്റെ പന്തിൽ ഫ്ലിക് ഷോട്ടിനായി ശ്രമിക്കുന്നതിനിടെ ലിയാം ലിവിങ്സ്റ്റണിന് ക്യാച്ച് നൽകി പുറത്താവുകയായിരുന്നു. 

ഒന്നാം ഏകദിനത്തിലെ പുറത്താകൽ ഇന്ത്യൻ നായകനെ സംബന്ധിച്ച് സാഹചര്യം കൂടുതൽ സങ്കീർണമാക്കുകയാണ്. കഴിഞ്ഞ 16 ഇന്നിംഗ്‌സുകളിൽ നിന്ന് എല്ലാ ഫോർമാറ്റുകളിലുമായി രാഹിതിന് ആകെ നേടാനായത് 166 റൺസ് മാത്രമാണ്. വരും മത്സരങ്ങളിലും ഫോം വീണ്ടെടുക്കാനായില്ലെങ്കിൽ കാര്യങ്ങൾ കൂടുതൽ വഷളാകും.

ഇംഗ്ലണ്ട് പരമ്പരയ്ക്ക് മുന്നോടിയായി ബുധനാഴ്ച നടന്ന പത്രസമ്മേളനത്തിൽ രോഹിതിന്റെ ഫോമിനെക്കുറിച്ചും ഐസിസി ചാമ്പ്യൻസ് ട്രോഫിക്ക് ശേഷമുള്ള ഭാവിയെക്കുറിച്ചും ചോദ്യം ഉയർന്നിരുന്നു. ചോദ്യങ്ങളിൽ താൻ തൃപ്തനല്ലെന്ന് അദ്ദേഹത്തിന്റെ ഉത്തരങ്ങളിൽ വ്യക്തമായിരുന്നു.

എന്തൊരു ചോദ്യമാണിതെന്നും ഇത് വ്യത്യസ്തമായ ഒരു ഫോർമാറ്റും, വ്യത്യസ്തമായ സമയവുമാണെന്ന് ആയിരുന്നു അദ്ദേഹത്തിന്റെ പ്രതികരണം. 'ഒരു ക്രിക്കറ്ററെന്ന നിലയിൽ ഉയർച്ച താഴ്ചകൾ ഉണ്ടാകും. അത് ഞാൻ എന്റെ കരിയറിൽ നിരവധി തവണ നേരിട്ടിട്ടുണ്ട്. അതുകൊണ്ടുതന്നെ ഇതെനിക്ക് പുതിയതല്ല. എല്ലാ ദിവസവും എല്ലാ പരമ്പരയും പുതുമയുള്ളതാണ്.

പിന്നോട്ട് നോക്കാതെ പുതിയ വെല്ലുവിളികളെ നേരിടാനാണ് ശ്രമിക്കുന്നത്. എനിക്ക് തിരിഞ്ഞുനോക്കേണ്ട കാര്യമില്ല. നിങ്ങൾക്കും. നല്ല കാര്യങ്ങളും ഒരുപാട് സംഭവിച്ചിട്ടുണ്ട്. വരാനിരിക്കുന്നതിലും മുന്നിലുള്ളതിലും ശ്രദ്ധ കേന്ദ്രീകരിക്കേണ്ടത് പ്രധാനമാണ്. പരമ്പര മികച്ച രീതിയിൽ ആരംഭിക്കാനാണ് ശ്രമിക്കുന്നത്,' രോഹിത് ശർമ്മ പറഞ്ഞു.

Read More

• ബ്രാവോയെ വീഴ്ത്തി; ടി20 ക്രിക്കറ്റിലെ ആ ചരിത്ര നേട്ടം ഇനി റാഷിദ് ഖാന്
• Sports Cricketindiavs Pakistan: ഒരു ലക്ഷവും കടന്ന് ടിക്കറ്റ് വില; ഇന്ത്യ-പാക്കിസ്ഥാൻ ടിക്കറ്റ് മിനിറ്റുകൾക്കുള്ളിൽ കാലി
• പവൻ ശ്രീധർ 'പവറായി'; കർണ്ണാടകയ്ക്കെതിരെ കേരളത്തിന് മികച്ച ലീഡ്
• KeralaBlasters: കേരള ബ്ലാസ്റ്റേഴ്സ് താരത്തെ വീഴ്ത്തി; വിൽമറിന്റെ ചുവപ്പു കാർഡ് മഞ്ഞ കാർഡായി ചുരുക്കി
• Sanju Samson Injury: സഞ്ജു സാംസണിന്റെ കൈവിരലിന് പൊട്ടൽ; ആറ് ആഴ്ച വിശ്രമം; കേരളത്തിനും തിരിച്ചടി