രോഹിത്തിനെ വെട്ടി; ഗിൽ ഏകദിന ക്യാപ്റ്റൻ; കടുത്ത തീരുമാനവുമായി സെലക്ടർമാർ

india T20, ODI Squad for Australia Tour 2025 Announced:: ശുഭ്മാൻ ഗിൽ ഇന്ത്യയുടെ ഏകദിന ക്യാപ്റ്റൻ. രോഹിത് ശർമയെ ഏകദിന ക്യാപ്റ്റൻ സ്ഥാനത്ത് നിന്ന് മാറ്റിയാണ് ഓസ്ട്രേലിയക്കെതിരായ ഏകദിന പരമ്പരയ്ക്കുള്ള ഇന്ത്യൻ ടീമിനെ പ്രഖ്യാപിച്ചിരിക്കുന്നത്. 2027ലെ ഏകദിന ലോകകപ്പ് മുൻപിൽ കണ്ടാണ് ഗില്ലിന് ക്യാപ്റ്റൻസി നൽകിയത് എന്നാണ് സെലക്ടർമാരുടെ വിശദീകരണം.

നിലവിൽ രോഹിത് ശർമയും വിരാട് കോഹ്ലിയും ട്വന്റി20യിൽ നിന്നും ഏകദിനത്തിൽ നിന്നും വിരമിച്ച് കഴിഞ്ഞു. ഏകദിന ലോകകപ്പ് കളിക്കുകയാണ് 37കാരനായ കോഹ്ലിയുടേയും 38കാരനായ രോഹിത് ശർമയും ലക്ഷ്യമിടുന്നത്. എന്നാൽ ഓസ്ട്രേലിയൻ പര്യടനത്തിൽ ഉൾപ്പെടെയുള്ള കോഹ്ലിയുടേയും രോഹിത്തിന്റേയും പ്രകടനം നോക്കിയാവും ഇവരുടെ ഏകദിനത്തിലെ ഭാവി നിർണയിക്കുക. 

Also Read: 600 റൺസ്; ബാറ്റിങ് ശരാശരി 50; 2025 രാഹുലിന്റെ വർഷം; വമ്പൻ നേട്ടങ്ങൾ മുൻപിൽ

ചാംപ്യൻസ് ട്രോഫി ജയിച്ചതോടെ രോഹിത് ശർമയെ ഇന്ത്യയുടെ ഏകദിന ക്യാപ്റ്റൻ സ്ഥാനത്ത് തുടരാൻ സമ്മതിച്ചേക്കും എന്ന റിപ്പോർട്ടുകൾ ഉണ്ടായിരുന്നു. എന്നാൽ രോഹിത്തിന്റെ കൈകളിൽ നിന്ന് ക്യാപ്റ്റൻ സ്ഥാനം തിരികെ വാങ്ങിയുള്ള ശക്തമായ തീരുമാനമാണ് സെലക്ടർമാരുടെ ഭാഗത്ത് നിന്ന് വന്നത്. രോഹിത്തിനെ ഏകദിന ക്യാപ്റ്റൻ സ്ഥാനത്ത് നിന്ന് മാറ്റിയ രീതിക്കെതിരെ ആരാധകരുടെ വിമർശനം ശക്തമാകുമെന്ന് ഉറപ്പാണ്. 

Also Read: രാഷ്ട്രീയം മാറ്റിവെക്കൂ; കാണുമ്പോൾ സങ്കടം തോന്നുന്നു; ഡിവില്ലിയേഴ്സ്

ഇംഗ്ലണ്ട് പര്യടനത്തിന് മുൻപ് രോഹിത് ശർമയുടെ കൈകളിൽ നിന്ന് ടെസ്റ്റ് ക്യാപ്റ്റൻസി മാറ്റിയതും വലിയ വിമർശനത്തിന് ഇടയാക്കിയിരുന്നു. ഇംഗ്ലണ്ട് പര്യടനം കളിച്ച് ടെസ്റ്റിൽ നിന്ന് വിരമിക്കാൻ രോഹിത്തിനെ അനുവദിക്കണം എന്ന നിലയിലും ആരാധകർ ആവശ്യപ്പെട്ടിരുന്നു. എന്നാൽ ഇംഗ്ലണ്ട് പര്യടനത്തിന് മുൻപ് തന്നെ രോഹിത്തും കോഹ്ലിയും ടെസ്റ്റിൽ നിന്ന് വിരമിക്കൽ പ്രഖ്യാപിക്കുകയായിരുന്നു. കോഹ്ലിയേയും രോഹിത്തിനേയും ബിസിസിഐ നല്ല രീതിയിൽ അല്ല ട്രീറ്റ് ചെയ്തത് എന്ന വിമർശനം ആരാധകരുടെ ഭാഗത്ത് നിന്നുണ്ട്. 

ഇന്ത്യയുടെ ഓസ്ട്രേലിയക്കെതിരായ ഏകദിന പരമ്പരയ്ക്കുള്ള സ്ക്വാഡ്: ശുഭ്മാൻ ഗിൽ (ക്യാപ്റ്റൻ), രോഹിത് ശർമ, വിരാട് കോഹ്ലി, ശ്രേയസ് അയ്യർ(വൈസ് ക്യാപ്റ്റൻ), അക്ഷർ പട്ടേൽ, കെ എൽ രാഹുൽ, നിതീഷ് കുമാർ റെഡ്ഡി, വാഷിങ്ടൺ സുന്ദർ, കുൽദീപ് യാദവ്, ഹർഷിത് റാണ, മുഹമ്മദ് സിറാജ്, അർഷ്ദീപ് സിങ്, പ്രസിദ്ധ് കൃഷ്ണ, ധ്രുവ് ജുറൽ, യശസ്വി ജയ്സ്വാൾ

ഇന്ത്യയുടെ ഓസ്ട്രേലിയക്കെതിരായ ട്വന്റി20  പരമ്പരയ്ക്കുള്ള സ്ക്വാഡ്: സൂര്യകുമാർ യാദവ്(ക്യാപ്റ്റൻ), അഭിഷേക് ശർമ, ശുഭ്മാൻ ഗിൽ, തിലക് വർമ, നിതീഷ് കുമാർ റെഡ്ഡി, ശിവം ദുബെ, അക്ഷർ പട്ടേൽ, ജിതേഷ് ശർമ, വരുൺ ചക്രവർത്തി, ബുമ്ര, അർഷ്ദീപ് സിങ്, കുൽദീപ് ദായവ്, ഹർഷിത് റാണ, സഞ്ജു സാംസൺ(വിക്കറ്റ് കീപ്പർ), റിങ്കു സിങ്, വാഷിങ്ടൺ സുന്ദർ

Read More: ഇന്ത്യൻ താരങ്ങളുടെ തൂക്കിയടി; 413 റൺസ് ചെയ്സ് ചെയ്ത ഓസ്ട്രേലിയ എയ്ക്ക് കൂറ്റൻ തോൽവി