Mumbai Indians: ചെന്നൈക്കെതിരെ രോഹിത് മുംബൈ ക്യാപ്റ്റനാവും? ഹർദിക്കിന് വിലക്ക്

കഴിഞ്ഞ സീസണിൽ രോഹിത് ശർമയെ ക്യാപ്റ്റൻ സ്ഥാനത്ത് നിന്ന് മാറ്റി ഹർദിക് പാണ്ഡ്യയെ കൊണ്ടുവന്നത് വലിയ അലയൊലിയാണ് മുംബൈ ഇന്ത്യൻസിൽ സൃഷ്ടിച്ചത്. ടീമിനുള്ളിൽ വിഭാഗിയത ഉണ്ടായി എന്ന റിപ്പോർട്ടുകൾ ശക്തമായിരുന്നു. മാത്രമല്ല ഹർദിക് പാണ്ഡ്യയെ കൂവലോടെയാണ് ആരാധകർ നേരിട്ടത്. എന്നാൽ ഇത്തവണ എല്ലാം സുഗമമായിരിക്കും എന്നാണ് മുംബൈയുടെ പ്രതീക്ഷ. 

അതേസമയം, രോഹിത് ശർമ മുംബൈ ഇന്ത്യൻസിന്റെ സീസണിന്റെ ആദ്യ മത്സരത്തിൽ ടീമിന്റെ ക്യാപ്റ്റനായേക്കുമോ എന്ന ചോദ്യമാണ് ഉയരുന്നത്. ഹർദിക് പാണ്ഡ്യക്ക് സീസണിലെ മുംബൈയുടെ ആദ്യ മത്സരം നഷ്ടമാവുന്നതിനെ തുടർന്നാണ് ഇത്. മാർച്ച് 23ന് ചെന്നൈ സൂപ്പർ കിങ്സിന് എതിരെയാണ് മുംബൈയുടെ ആദ്യ മത്സരം. 

കഴിഞ്ഞ സീസണിലെ മുംബൈ ഇന്ത്യൻസിന്റെ ഗ്രൂപ്പ് ഘട്ട മത്സരത്തിലെ അവസാന കളിയിലെ കുറഞ്ഞ ഓവർ നിരക്കിന്റെ പേരിൽ ക്യാപ്റ്റൻ ഹർദിക് പാണ്ഡ്യക്ക് നേരെ നടപടി വന്നിരുന്നു. 30 ലക്ഷം രൂപ ഫൈനും ഒരു മത്സരത്തിൽ നിന്ന് വിലക്കുമാണ് ഹർദിക്കിന് ശിക്ഷയായി വിധിച്ചത്. ലക്നൌ സൂപ്പർ ജയന്റ്സിന് എതിരായ മത്സരമായിരുന്നു ഇത്. 

രോഹിത്തിന് പകരം മറ്റൊരു താരത്തെ ക്യാപ്റ്റനാക്കുമോ?

ഈ മത്സരത്തിന് ശേഷം ഈ സീസണിൽ മുംബൈ ആദ്യം കളിക്കുന്നത് ചെന്നൈക്ക് എതിരെയാണ്. കഴിഞ്ഞ സീസണിലെ അവസാന മത്സരത്തിൽ കുറഞ്ഞ ഓവർ നിരക്കിന്റെ പേരിൽ വന്ന വിലക്കിനെ തുടർന്ന് ഈ സീസണിലെ ആദ്യ മത്സരം ഹർദിക്കിന് നഷ്ടമാവാനാണ് സാധ്യതകൾ എല്ലാം. 

ചെന്നൈ സൂപ്പർ കിങ്സിന് എതിരായ മത്സരത്തിൽ നിന്ന് മാറി നിന്നതിന് ശേഷം അടുത്ത മത്സരത്തിൽ ഗുജറാത്ത് ടൈറ്റൻസിന് എതിരെ ഹർദിക് ക്യാപ്റ്റൻ സ്ഥാനത്തേക്ക് മടങ്ങി എത്തും. മാർച്ച് 29നാണ് സീസണിലെ മുംബൈയുടെ രണ്ടാമത്തെ മത്സരം. ആദ്യ മത്സരത്തിൽ ചെന്നൈക്കെതിരെ ഹർദിക് അല്ലാതെ രോഹിത്തിന് പകരം മറ്റൊരു താരത്തെ ക്യാപ്റ്റൻ സ്ഥാനത്തേക്ക് മുംബൈ കൊണ്ടുവരുമോ എന്നും വ്യക്തമല്ല. 

Read More

• IPL Schedule Announced: ആദ്യ കൊമ്പുകോർക്കൽ കൊൽക്കത്തയും ആർസിബിയുമായി; ഐപിഎൽ ഷെഡ്യൂൾ പ്രഖ്യാപിച്ചു
• IPL Schedule: ആർസിബിയുടെ ഷെഡ്യൂൾ; മുംബൈയുമായി ഒരു മത്സരം മാത്രം
• Women Premier League: അവസാന പന്ത് വരെ ആവേശം; സജനയ്ക്ക് പിടിച്ചുകെട്ടാനായില്ല; ഡൽഹിക്ക് ത്രില്ലങ് ജയം
• Kerala Blasters: വീണ്ടും വമ്പ് കാണിച്ച് മോഹൻ ബഗാൻ; 3-0ന് തോറ്റ് കേരള ബ്ലാസ്റ്റേഴ്സ്