Rajasthan Royals Schedule: സഞ്ജുവിന്റെ പടയാളികൾ റെഡി; മത്സരക്രമം ഇങ്ങനെ

ഐപിഎൽ ഷെഡ്യൂൾ പ്രഖ്യാപിക്കുമ്പോൾ രാജസ്ഥാൻ റോയൽസിന്റെ ആരാധകർ ആശങ്കയിലാണ്. കൈവിരലിന് പരുക്കേറ്റ് ശസ്ത്രക്രിയക്ക് വിധേയനായ ക്യാപ്റ്റൻ സഞ്ജു സാംസൺ ഐപിഎൽ തുടങ്ങുമ്പോഴേക്കും ഫിറ്റ്നസ് വീണ്ടെടുത്ത് ടീമിനൊപ്പം ചേരുമോ എന്നറിയാനുള്ള ആകാംക്ഷയിലാണ് ആരാധകർ. 

മാർച്ച് 22ന് ഐപിഎൽ ആരംഭിക്കുമ്പോൾ മാർച്ച് 23നാണ് രാജസ്ഥാൻ റോയൽസിന്റെ സീസണിലെ ആദ്യ മത്സരം. സൺറൈസേഴ്സ് ഹൈദരാബാദ് ആണ് രാജസ്ഥാന്റെ സീസണിലെ ആദ്യ എതിരാളികൾ. വൈകുന്നേരും 3.30നാണ് ഈ മത്സരം. മാർച്ച് 26ന് രാജസ്ഥാൻ നിലവിലെ ചാംപ്യന്മാരായ കൊൽക്കത്ത നൈറ്റ്റൈഡേഴ്സിനെ നേരിടും. രാജസ്ഥാന്റെ തട്ടകത്തിലാണ് മത്സരം. 

മാർച്ച് 30ന് ഗുവാഹത്തിയിൽ ചെന്നൈ സൂപ്പർ കിങ്സിനേയും രാജസ്ഥാൻ റോയൽസ് നേരിടും. ഏപ്രിൽ അഞ്ചിന് പഞ്ചാബ് കിങ്സിനേയും ഏപ്രിൽ ഒൻപതിന് ഗുജറാത്ത് ടൈറ്റൻസിനേയും നേരിടും. ഏപ്രിൽ 13നാണ് റോയൽ ചലഞ്ചേഴ്സ് ബാംഗ്ലൂരിന് എതിരായ മത്സരം. ഏപ്രിൽ 16ന് ഡൽഹി ക്യാപിറ്റൽസിനേയും നേരിടും. 

View this post on Instagram

A post shared by Rajasthan Royals (@rajasthanroyals)

മെയ് ഒന്നിനാണ് മുംബൈ ഇന്ത്യൻസിന് മുൻപിലേക്ക് സഞ്ജുവും കൂട്ടരും എത്തുന്നത്. മെയ് നാലിന് വീണ്ടും കൊൽക്കത്തയുടെ മുൻപിലേക്ക് രാജസ്ഥാൻ എത്തും. മെയ് 12ന് ചെന്നൈ സൂപ്പർ കിങ്സിന് എതിരായ രണ്ടാമത്തെ മത്സരം. മെയ് 16നാണ് രാജസ്ഥാൻ റോയൽസിന്റെ സീസണിലെ അവസാന മത്സരം. പഞ്ചാബ് കിങ്സ് ആണ് എതിരാളികൾ. 

കഴിഞ്ഞ ഐപിഎൽ സീസണിൽ രാജസ്ഥാന് മികച്ച തുടക്കം ലഭിച്ചിരുന്നു. എന്നാൽ രണ്ടാം പകുതിയിലേക്ക് എത്തിയപ്പോൾ വിജയ വഴികളിലേക്ക് തിരികെ എത്താനായില്ല. ക്വാളിഫയർ രണ്ടിൽ ഹൈദരാബാദിനോട് തോറ്റ് പുറത്തായി. താര ലേലത്തിന് മുൻപ് സഞ്ജു സാംസൺ, യശസ്വി ജയ്സ്വാൾ, ധ്രുവ് ജുറൽ, ഹെറ്റ്മയർ, റയാൻ പരാഗ്, സന്ദീപ് ശർമ എന്നിവരെയാണ് രാജസ്ഥാൻ നിലനിർത്തിയത്. 

Read More

• IPL Schedule Announced: ആദ്യ കൊമ്പുകോർക്കൽ കൊൽക്കത്തയും ആർസിബിയുമായി; ഐപിഎൽ ഷെഡ്യൂൾ പ്രഖ്യാപിച്ചു
• IPL Schedule: ആർസിബിയുടെ ഷെഡ്യൂൾ; മുംബൈയുമായി ഒരു മത്സരം മാത്രം
• Women Premier League: അവസാന പന്ത് വരെ ആവേശം; സജനയ്ക്ക് പിടിച്ചുകെട്ടാനായില്ല; ഡൽഹിക്ക് ത്രില്ലങ് ജയം
• Kerala Blasters: വീണ്ടും വമ്പ് കാണിച്ച് മോഹൻ ബഗാൻ; 3-0ന് തോറ്റ് കേരള ബ്ലാസ്റ്റേഴ്സ്