MS Dhoni IPL: വരുണിനേയും നരെയ്നേയും നേരിടാൻ ധോണിക്കുണ്ടോ സാങ്കേതിക തികവ്? ഇന്നും വിറച്ച് വീണേക്കും

MS Dhoni Chennai Super Kings IPL 2025: കൊൽക്കത്ത നൈറ്റ്റൈഡേഴ്സിനെതിരായ മത്സരത്തിൽ എം എസ് ധോണി കളിക്കുമോ എന്ന കാര്യത്തിൽ അനിശ്ചിതത്വം തുടരുകയാണ്. മത്സരത്തിന് മുൻപ് തുടരെ രണ്ട് ദിവസം ധോണി പരിശീലനം നടത്താതിരുന്നതാണ് ഇതിന് കാരണം. എന്നാൽ ധോണി കളിക്കാൻ ഇറങ്ങിയാൽ കൊൽക്കത്ത നൈറ്റ്റൈഡേഴ്സിന്റെ സ്പിൻ കെണി അതിജീവിക്കുക വെല്ലുവിളിയാണ്. 

വരുൺ ചക്രവർത്തിയും സുനിൽ നരെയ്നും തന്നെയാണ് ചെന്നൈ സൂപ്പർ കിങ്സിന് ഇന്ന് പ്രധാനമായും ഭീഷണിയാവുന്നത്. അതിൽ ധോണി ഇവരെ എങ്ങനെ അതിജീവിക്കും എന്നതിലേക്ക് ആരാധകർ ആകാംക്ഷയോടെ നോക്കുന്നു. സീസണിൽ ഇതിന് മുൻപ് ഏറ്റുമുട്ടിയപ്പോൾ ധോണി ക്രീസിൽ വന്ന ഉടനെ കൊൽക്കത്ത ക്യാപ്റ്റൻ രഹാനെ പന്ത് ഉടനെ സുനിൽ നരെയ്ന്റെ കൈകളിലേക്ക് നൽകിയിരുന്നു. നരെയ്ന് മുൻപിൽ ധോണി വീഴുകയും ചെയ്തു. 

അഞ്ച് ഐപിഎൽ മത്സരങ്ങളിൽ മൂന്ന് വട്ടം ധോണിയുടെ വിക്കറ്റ് വീഴ്ത്താൻ വരുൺ ചക്രവർത്തിക്ക് കഴിഞ്ഞിട്ടുണ്ട്. 19 പന്തുകൾ ധോണിക്കെതിരെ വരുൺ എറിഞ്ഞപ്പോൾ 12 റൺസ് ആണ് ചെന്നൈ ക്യാപ്റ്റന് കണ്ടെത്താനായത്. വരുണിനെതിരെ ധോണിയുടെ ശരാശരി നാല് മാത്രമാണ്. സ്ട്രൈക്ക്റേറ്റ് 63.15. 

ധോണിക്കായി രഹാനെ ആയുധം കരുതി വയ്ക്കും

ധോണിയുടെ അവസാന ഓവറുകളിലെ വെടിക്കെട്ട് തടയാൻ വേണ്ടി വരുണിന്റേയോ സുനിൽ നരെയ്ന്റേയോ ഓവർ രഹാനെ റിസർവ് ചെയ്തുവെക്കുമെന്ന് ഉറപ്പ്. സുനിൽ നരെയ്ന് എതിരെ 16 ഐപിഎൽ മത്സങ്ങളിൽ നിന്ന് 39 റൺസ് മാത്രമാണ് ധോണിക്ക് കണ്ടെത്താനായത്. ബാറ്റിങ് ശരാശരി 19.50 മാത്രം. സ്ട്രൈക്ക്റേറ്റ് 52. ക്ലോസ് ഫീൽഡ് സെറ്റും വേരിയേഷനുകളുള്ള പന്തുകളുമായി ധോണിയെ കുഴപ്പിക്കാൻ നരെയ്ന് സാധിക്കും. 

View this post on Instagram

A post shared by Chennai Super Kings (@chennaiipl)

സീസണിൽ ഇതിന് മുൻപ് ചെന്നൈയും കൊൽക്കത്തയും ഏറ്റുമുട്ടിയപ്പോൾ നാല് പന്തിൽ നിന്ന് ഒരു റൺസ് മാത്രം എടുത്താണ് നരെയ്ന് മുൻപിൽ കുടുങ്ങി ധോണി വീണത്. ചെന്നൈ ഇന്നിങ്സിലെ 16ാം ഓവറിലെ മൂന്നാമത്തെ പന്തിൽ നരെയ്ന്റെ ഡെലിവറിയിലെ സ്പിൻ കണക്ക് കൂട്ടുന്നതിൽ ധോണിക്ക് പിഴച്ചു. ധോണി റിവ്യു എടുത്തിട്ടും ഫലമുണ്ടായില്ല. ഇന്നും അങ്ങനെയൊന്ന് ആവർത്തിക്കുമോ അതോ കൊൽക്കത്തയുടെ സ്പിന്നർമാരെ ധോണി അടിച്ചുപറത്തുമോ എന്നാണ് അറിയേണ്ടത്. 

Read More

• രോഹിത്തിനെ വീഴ്ത്തിയ തകർപ്പൻ തന്ത്രം; ബുദ്ധി ഗില്ലിന്റേയോ നെഹ്റയുടേയോ?
• രണ്ട് ദിവസം കൊണ്ട് 18 ലക്ഷം ഫോളോവേഴ്സ്; അവ്നീതിന്റെ ബ്രാൻഡ് മൂല്യം കുത്തനെ കൂടി
• മാരകം എന്ന് പറഞ്ഞാൽ അതിമാരകം; ഞെട്ടിക്കും കണക്കുമായി അഞ്ച് ടീമുകളുടെ ടോപ് 3 ബാറ്റർമാർ
• ഒരു സീസൺ തന്നെ ധാരാളം! ദാ ഈ അഞ്ച് പേർ ഇന്ത്യൻ കുപ്പായം അണിയാൻ വൈകില്ല