/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/kakTZ7CHzBQU5Egp6uPR.jpg)
MS Dhoni (File Photo)
MS Dhoni Chennai Super Kings IPL 2025: വിരമിക്കൽ അഭ്യൂഹം പ്രചരിക്കുന്നതിന് ഇടയിൽ മൗനം വെടിഞ്ഞ് ചെന്നൈ സൂപ്പർ കിങ്സ് താരം എം എസ് ധോണി. മറ്റ് ആളുകളുടെ അഭിപ്രായത്തെ ആശ്രയിച്ചല്ല, മറിച്ച് തന്റെ ശരീരത്തെ ആശ്രയിച്ചാണ് തന്റെ വിരമിക്കൽ തീരുമാനം വരിക എന്ന് ധോണി വ്യക്തമാക്കി. രാജ് ഷമാനി ഹോസ്റ്റ് ചെയ്ത ഒരു പോഡ്‌കാസ്റ്റിൽ സംസാരിക്കുമ്പോഴാണ് വിരമിക്കൽ മുറവിളികൾക്ക് ധോണി മറുപടി നൽകിയത്.
"ഞാൻ ഇപ്പോഴും ഐപിഎൽ കളിക്കുന്നു. ഓരോ വർഷം എങ്ങനെ എന്നത് എന്നാണ് ഞാൻ നോക്കുന്നത്. അതല്ലാതെ അടുത്ത വർഷങ്ങളിൽ എന്താവും എന്ന് ആലോചിക്കുന്നില്ല. എനിക്ക് 43 വയസായി. ഈ സീസണിന്റെ അവസാനം എനിക്ക് 44 വയസാവും. അടുത്ത സീസൺ കളിക്കണമോ എന്ന് തീരുമാനിക്കാൻ എനിക്ക് 10 മാസം കൂടിയുണ്ട്." ധോണി വ്യക്തമാക്കുന്നു.
"വിരമിക്കുന്നത് സംബന്ധിച്ച് ഞാൻ അല്ല തീരുമാനിക്കുന്നത്. എന്റെ ശരീരം ആണ്. ഇനിയും കളിക്കണോ വേണ്ടയോ എന്ന് തീരുമാനിക്കുന്നത് എന്റെ ശരീരമാണ്. വളരെ ലളിതമായാണ് ഞാൻ കാര്യങ്ങളെ കാണുന്നത്," ധോണി പറഞ്ഞു.
ഡൽഹി ക്യാപിറ്റൽസിന് എതിരായ കളിയിൽ 183 റൺസ് ചെയ്സ് ചെയ്ത ചെന്നൈ സൂപ്പർ കിങ്സ് 25 റൺസിന് തോറ്റിരുന്നു. ധോണിയുടേയും വിജയ് ശങ്കറിന്റേയും മെല്ലെപ്പോക്ക് ഇന്നിങ്സ് ആണ് ചെന്നൈയെ തോൽവിയിലേക്ക് നയിച്ചത്. 26 പന്തിൽ നിന്നാണ് ധോണി 30 റൺസ് എടുത്തത്. ധോണിയുടെ ബാറ്റിൽ നിന്ന് വന്നത് ഒരു ഫോറും സിക്സും മാത്രം. 115 ആണ് കളിയിലെ ധോണിയുടെ സ്ട്രൈക്ക്റേറ്റ്.
10 ഓവർ ബാറ്റ് ചെയ്യാൻ ധോണിക്ക് സാധിക്കില്ല എന്ന ചെന്നൈ സൂപ്പർ കിങ്സ് കോച്ച് ഫ്ളെമിങ്ങിന്റെ വാക്കുകളും വിവാദമായിരുന്നു. 10 ഓവർ ബാറ്റ് ചെയ്യാൻ സാധിക്കാത്ത കളിക്കാരനെ പ്ലേയിങ് ഇലവനിൽ ഉൾപ്പെടുത്തുന്നത് എന്തിനെന്ന വിമർശനം ആണ് ഉയർന്നത്. 20 ഓവറും ഫീൽഡ് ചെയ്യാനാവുന്ന ധോണിക്ക് എന്തുകൊണ്ട് 10 ഓവർ ബാറ്റ് ചെയ്യാനാവില്ല എന്ന ചോദ്യവും ഉയരുന്നുണ്ട്.
Read More
Stay updated with the latest news headlines and all the latest Lifestyle news. Download Indian Express Malayalam App - Android or iOS.