Kerala Blasters: കേരള ബ്ലാസ്റ്റേഴ്സിന് സന്തോഷ വാർത്ത; മോഹൻ ബഗാൻ സൂപ്പർ താരത്തിന് സസ്പെൻഷൻ

പ്ലേഓഫ് സാധ്യതകൾ നിലനിർത്താൻ കേരളാ ബ്ലാസ്റ്റേഴ്സിന് ഇനിയുള്ള അഞ്ച് കളികളും ജയിക്കണം. എന്നാൽ അടുത്ത കളിയിൽ മോഹൻ ബഗാൻ ആണ് കേരള ബ്ലാസ്റ്റേഴ്സിന്റെ എതിരാളികൾ. മോഹൻ ബഗാനാവട്ടെ സീസണിലെ ടേബിൾ ടോപ്പർമാരും. മോഹൻ ബഗാനെതിരായ മത്സരം കടുപ്പമേറിയതാവും എന്നിരിക്കെ ബ്ലാസ്റ്റേഴ്സ് ആരാധകരെ സന്തോഷിപ്പിക്കുന്നൊരു വാർത്തയാണ് ഇപ്പോൾ വരുന്നത്. 

കേരള ബ്ലാസ്റ്റേഴ്സിന് എതിരായ കളിയിൽ മോഹൻ ബഗാന്റെ മുന്നേറ്റ നിരയിലെ വിദേശ താരം ഗ്രെഗ് സ്റ്റുവാർട്ടിന് കളിക്കാനാവില്ല. പഞ്ചാബ് എഫ്സിക്ക് എതിരായ മോഹൻ ബഗാന്റെ മത്സരത്തിൽ ഗ്രെഗ് സ്റ്റുവാർട്ടിന് മഞ്ഞ കാർഡ് ലഭിച്ചിരുന്നു. ഈ സീസണിലെ സ്റ്റുവർട്ടിന്റെ നാലാമത്തെ മഞ്ഞ കാർഡായിരുന്നു അത്. 

സീസണിൽ നാല് മഞ്ഞ കാർഡുകൾ കിട്ടുന്ന കളിക്കാരന് പിന്നെ വരുന്ന മത്സരത്തിൽ നിന്ന് സസ്പെൻഷൻ ലഭിക്കും. ഇതോടെയാണ് സ്റ്റുവർട്ടിന് കേരള ബ്ലാസ്റ്റേഴ്സിന് എതിരായ മത്സരം നഷ്ടമാവുന്നത്. ഈ സീസണിൽ 15 മത്സരങ്ങളാണ് മോഹൻ ബഗാന് വേണ്ടി സ്റ്റുവർട്ട് കളിച്ചത്. നേടിയത് ഒരു ഗോഴും അഞ്ച് അസിസ്റ്റും. 

View this post on Instagram

A post shared by Greg stewart (@gregstewart_24)

സ്റ്റുവർട്ടിന് മോഹൻ ബഗാന്റെ ടീമിൽ ഇടം ഇല്ലാതെ വരുന്നത് കേരള ബ്ലാസ്റ്റേഴ്സിന് ആശ്വാസം നൽകുന്ന കാര്യമാണ്. നിലനിൽ പോയിന്റ് പട്ടികയിൽ എട്ടാം സ്ഥാനത്താണ് കേരള ബ്ലാസ്റ്റേഴ്സ്. 19 കളിയിൽ നിന്ന് നേടിയത് ഏഴ് ജയവും മൂന്ന് സമനിലയും ഒൻപത് തോൽവിയും. 

ഫെബ്രുവരി 15നാണ് മോഹൻ ബഗാന് എതിരായ മത്സരം. ഫെബ്രുവരി 22ന് ഗോവയെ നേരിടും. മാർച്ച് ഒന്നിനാണ് ബ്ലാസ്റ്റേഴ്സിന്റെ ജംഷഡ്പൂരിന് എതിരായ കളി. മാർച്ച് ഏഴിന് മുംബൈ സിറ്റിയെ നേരിടും. മാർച്ച് 12ന് ഹൈദരാബാദിന് എതിരെയാണ് ബ്ലാസ്റ്റേഴ്സിന്റെ ലീഗ് ഘട്ടത്തിലെ അവസാന മത്സരം. 

Read More

• ഒന്നാം ഏകദിനം; ഇംഗ്ലണ്ടിനെതിരെ ഇന്ത്യക്ക് വിജയത്തുടക്കം
• '16 ഇന്നിങ്സ് 166 റൺസ്;' കരകയറാനാകാതെ രോഹിത്
• 'ബേസിലിന്റെ സിനിമകളൊന്നും മിസ് ചെയ്യാൻ പറ്റില്ല; പൊൻമാൻ കാണാൻ ആകംഷയോടെ സഞ്ജു സാംസൺ
• ബ്രാവോയെ വീഴ്ത്തി; ടി20 ക്രിക്കറ്റിലെ ആ ചരിത്ര നേട്ടം ഇനി റാഷിദ് ഖാന്