പ്രീമിയർ ലീഗ്; കിരീടത്തിനായി ലിവർപൂളിന് എത്ര മത്സരങ്ങൾ കൂടി കാത്തിരിക്കണം?

Liverpool Premier League: 2019ന് ശേഷം പ്രീമിയർ ലീഗ് കിരീടം എന്ന നേട്ടത്തിന് അടുത്തെത്തി നിൽക്കുകയാണ് ലിവർപൂൾ. ബ്രെൻ്റഫോർഡിനെതിരെ ആഴ്സണൽ സമനില വഴങ്ങുക കൂടി ചെയ്തതോടെ ലിവർപൂളിന് വേഗത്തിൽ കിരീടം ഉറപ്പിക്കാനുള്ള വഴി തെളിയുന്നു. പ്രീമിയർ ലീഗ് കിരീടം ഉറപ്പിക്കാൻ എത്ര മത്സരങ്ങൾ കൂടിയാണ് ലിവർപൂളിന് ജയിക്കേണ്ടത്? 

ഇംഗ്ലീഷ് ചാംപ്യന്മാരാവാൻ അർനെ സ്ലോട്ടിനും സംഘത്തിനും ഇനി ഏതാനും മത്സരങ്ങൾ കൂടി മാത്രമേ കാത്തിരിക്കേണ്ടതുള്ളു. ആഴ്സണൽ ഉയർത്തിയ ഭീഷണിയേയും അതിജീവിച്ചാണ് കിരീടത്തിന് തൊട്ടടുത്തെത്തി ലിവർപൂൾ നിൽക്കുന്നത്. ബ്രെന്റ്ഫോർഡിന് എതിരെ ജയിക്കാൻ ആഴ്സണലിന് സാധിക്കാതെ വന്നതോടെ അടുത്ത മൂന്ന് മത്സരങ്ങളിൽ അനുകൂല ഫലമുണ്ടായാൽ ലിവർപൂളിന് പ്രീമിയർ ലീഗ് കിരീടം ഉറപ്പിക്കാം. 

വെസ്റ്റ്ഹാം യുണൈറ്റഡ്, ലെസ്റ്റർസിറ്റി, ടോട്ടനം എന്നിവർക്കെതിരെയാണ് ലിവർപൂളിന്റെ അടുത്ത മൂന്ന് പ്രീമിയർ ലീഗ് മത്സരങ്ങൾ. വെസ്റ്റ് ഹാമിനും ലെസ്റ്ററിനും ജയിച്ചതിന് പിന്നാലെ ടോട്ടനത്തിനെതിരേയും ജയിച്ചാൽ ആൻഫീൽഡിൽ വെച്ച് പ്രീമിയർ ലീഗ് കിരീടം ഉറപ്പിച്ചത് ലിവർപൂളിന് ആഘോഷിക്കാം. 

ഇപ്സ്വിച്ചിന് എതിരെ ആഴ്സണൽ തോൽക്കുകയും ലിവർപൂൾ രണ്ട് ജയങ്ങളിലേക്ക് എത്തുകയും ചെയ്താൽ പിന്നെ ആർതെറ്റയുടെ സംഘത്തിന് ലിവർപൂളിനെ മറികടന്ന് പ്രീമിയർ ലീഗ് കിരീടത്തിലേക്ക് എത്താനാവില്ല. നിലവിൽ പോയിന്റ് പട്ടികയിൽ ലിവർപൂളിനേക്കാൾ 10 പോയിന്റ് പിന്നിലാണ് ആഴ്സണൽ. ആറ് മത്സരങ്ങൾ കൂടിയാണ് ലീഗിൽ ഇനി ആഴ്സണലിന് മുൻപിലുള്ളത്. 

മുഹമ്മദ് സലയും വാൻഡൈക്കും ആൻഫീൽഡിൽ തുടരാൻ തീരുമാനിച്ചതിന് പിന്നാലെ പ്രീമിയർ ലീഗ് കിരീടത്തിലേക്ക് റെഡ്സ് എത്തുന്നത് ഇരുവർക്കും ക്ലബിനും ഇരട്ടി മധുരമാകും. പ്രീമിയർ ലീഗിൽ ഈ സീസണിൽ 32 കളിയിൽ നിന്ന് 27 ഗോളുകളു 17 അസിസ്റ്റുമാണ് സലയുടെ അക്കൗണ്ടിലുള്ളത്. 

Read More

• ബെംഗളൂരുവിന്റെ നെഞ്ചുപിളർത്തി മക്ലാരന്റെ ഗോൾ; ഐഎസ്എൽ കിരീടം മോഹൻ ബഗാന്
• ആക്ഷൻ സിനിമകളുമായി ക്രിസ്റ്റ്യാനോ റൊണാൾഡോ; 'എക്സ്-മെൻ' സംവിധായകനൊപ്പം വമ്പൻ തുടക്കം
• 'വേട്ട അവസാനിപ്പിച്ചു എന്ന് ഇരയെ വിശ്വസിപ്പിച്ച ശേഷം ഒരു തിരിച്ചുവരവുണ്ട്'; വിട്ടുകൊടുക്കില്ലെന്ന് എംബാപ്പെ
• ഒരൊറ്റ സീസണിൽ 100 സേവ്; ബ്ലാസ്റ്റേഴ്സ് കൈവിട്ട ഗോൾകീപ്പറുടെ മാസ് തിരിച്ചുവരവ്