Diogo Jota Death: ലിവർപൂൾ താരം ഡിയാഗോ ജോട്ട വാഹനാപകടത്തിൽ മരിച്ചു

 Diogo Jota death news: ലിവർപൂളിന്റെ പോർച്ചുഗൽ മുന്നേറ്റനിര താരം ഡിയാഗോ ജോട്ട(28) കാർ അപകടത്തിൽ മരിച്ചു. വിവാഹം കഴിഞ്ഞ് രണ്ടാഴ്ച മാത്രം പിന്നിടുമ്പോഴാണ് വാഹനാപകടത്തിൽ ഡിയാഗോ ജോട്ടയ്ക്ക് ജീവൻ നഷ്ടമായി എന്ന ഞെട്ടിക്കുന്ന വാർത്ത എത്തുന്നത്. കാറിൽ ജോട്ടയ്ക്കൊപ്പം ഉണ്ടായിരുന്ന സഹോദരൻ ആന്ദ്രേയും അപകടത്തിൽ മരിച്ചു. 

സ്പെയ്നിലെ സമോറയ്ക്ക് സമീപം എ-52 പ്രവിശ്യയിലാണ് വാഹനാപകടം ഉണ്ടായത്. പോർച്ചുഗലിന്റെ വടക്കൻ ഭാഗത്തേക്ക് പോകാനുള്ള വഴിയാണ് ഇത്. അപകടത്തിൽപ്പെട്ടതിന് പിന്നാലെ കാർ പൂർണമായും കത്തി നശിച്ചു. 

Also Read: Lionel Messi: മെസി തോറ്റിട്ടില്ല; തോൽക്കില്ല; പ്രതിമകളാണ് കൂടെ കളിച്ചത്: സ്ലാട്ടൻ ഇബ്രാഹിമോവിച്ച്

കുട്ടിക്കാലം മുതലുള്ള തന്റെ കൂട്ടുകാരി റുതെ കാർഡോസോയെയാണ് രണ്ടാഴ്ച മുൻപ് ഡിയാഗോ ജോട്ട വിവാഹം കഴിച്ചത്. ഇരുവർക്കും മൂന്ന് കുട്ടികളുണ്ട്. ലോകത്തിലെ ഏറ്റവും സന്തോഷവാനായ മനുഷ്യൻ ഞാനാണ് എന്ന് ഡിയാഗോ ജോട്ട വിവാഹത്തിന് ശേഷം പറയുന്ന വിഡിയോ ഇന്നലെയാണ് പുറത്തു വന്നത്. അതിന് പിന്നാലെ താരത്തിന്റെ ഈ അപ്രതീക്ഷിത വിയോഗം ഫുട്ബോൾ ആരാധകർക്ക് വിശ്വസിക്കാനാവുന്നില്ല. 

Also Read: Cristiano Ronaldo: റൊണാൾഡോയുടെ ലക്ഷ്യം ലോകകപ്പ്; ഈ നീക്കം അതിനായി

ഡിയാഗോ ജോട്ടയുടെ മരണ വാർത്ത പോർച്ചുഗൽ ഫുട്ബോൾ ഫെഡറേഷൻ സ്ഥിരീകരിച്ചു. ഡിയാഗോ ജോട്ടയുടെ വിയോഗം പോർച്ചുഗലിനെ ഒന്നാകെ ഉലച്ചതായി പോർച്ചുഗൽ ഫുട്ബോൾ ഫെഡറേഷൻ പങ്കുവെച്ച പ്രസ്താവനയിൽ പറയുന്നു. 

അതിവേഗത്തിൽ പാഞ്ഞ് ഫിനിഷിങ്ങിൽ പിഴവുകളില്ലാതെ പന്ത് വലയിലാക്കുന്ന ഡിയാഗോ ജോട്ട തന്റെ ഡ്രിബ്ലിങ് മികവ് കൊണ്ടും ഫുട്ബോൾ ലോകത്തെ വിസ്മയിപ്പിച്ചിട്ടുണ്ട്. പോർട്ടോയിൽ ജനിച്ച ജോട്ട 2016ൽ അത്ലറ്റിക്കോ മാഡ്രിഡിലേക്ക് എത്തി. എന്നാൽ അതേ വർഷം ലോണിൽ അത്ലറ്റിക്കോ മാഡ്രിഡിൽ നിന്ന്  ജോട്ടയെ പോർട്ടോയിലേക്ക് ലോണിൽ കളിക്കാൻ പോയി. 

Also Read: Cristiano Ronaldo Contract: അൽ നസറുമായി കരാർ പുതുക്കി റൊണാൾഡോ; നീക്കം മറ്റ് വഴികൾ അടഞ്ഞതോടെയോ?

2020ൽ ആണ് ലിവർപൂളിലേക്ക് വരുന്നത് 123 മത്സരങ്ങൾ ലിവർപൂളിന് വേണ്ടി കളിച്ചുകഴിഞ്ഞു. 47 ഗോളുകളാണ് നേടിയത്. 2019ൽ ആണ് പോർച്ചുഗൽ ദേശിയ ടീമിൽ അരങ്ങേറ്റം കുറിക്കുന്നത്. 49 കളിയിൽ നിന്ന് 14 ഗോളുകൾ പോർച്ചുഗൽ കുപ്പായത്തിൽ നേടി. 

Read More: Lamine Yamal: 'അമ്മേ, നോക്കൂ..' ലാമിൻ യമാലിനെ ഞെട്ടിച്ച് നെയ്മർ; ഹൃദയം നിറഞ്ഞ് ബാഴ്സ ആരാധകർ