KKR vs RCB IPL 2025: ക്യാപ്റ്റന് ഉഴപ്പോ? ടീം ബസ് പിടിക്കാൻ രഹാനെയുടെ ഓട്ടം വൈറൽ

Kolkata Knight Riders IPL 2025: മുൻപിൽ നിന്ന് നയിക്കേണ്ടതും സഹതാരങ്ങൾക്ക് മാതൃകയാവേണ്ടതും ക്യാപ്റ്റൻ ആണ്. എന്നാൽ സമയകൃത്യത പാലിക്കുന്നതിൽ ക്യാപ്റ്റൻ തന്നെ പരാജയപ്പെട്ടാലോ? കൊൽക്കത്ത നൈറ്റ്റൈഡേഴ്സ് ക്യാപ്റ്റൻ അജിങ്ക്യാ രഹാനെയെ ചൂണ്ടി ആരാധകരിൽ നിന്ന് വരുന്ന ചോദ്യം ഇതാണ്. രഹാനെയുടെ ഒരു വിഡിയോ ഇന്റർനെറ്റിൽ വൈറലായതോടെയാണ് ഇത്. 

പരിശീലനത്തിനായി പുറപ്പെടുന്ന രഹാനെയെയാണ് വിഡിയോയിൽ കാണുന്നത്. ടീം ബസിലേക്ക് എത്താൻ വേണ്ടി ഹോട്ടൽ ലോബിയിൽ നിന്ന് തന്റെ ക്രിക്കറ്റ് കിറ്റുമായി ഓടുകയാണ് രഹാനെ. രഹാനെയ്ക്ക് വേണ്ടി കൊൽക്കത്ത ടീം ബസ് കാത്തിരിക്കുകയായിരുന്നു എന്നാണ് റിപ്പോർട്ട്. എന്നാൽ വൈറലായ ഈ വിഡിയോയുടെ ആധികാരികത സ്ഥിരീകരിക്കാൻ സാധിച്ചിട്ടില്ല. 

KKR team bus leaving without their captain Rahane 😭😭 pic.twitter.com/j9GjlqyKcl

— Pick-up Shot (@96ShreyasIyer) March 21, 2025

രഹാനെയെ ആദ്യം ടീമിലെടുക്കാൻ ഐപിഎൽ ഫ്രാഞ്ചൈസികൾ ആരും തയ്യാറായിരുന്നില്ല. എന്നാൽ പിന്നാലെ കൊൽക്കത്ത നൈറ്റ്റൈഡേഴ്സ് രഹാനെയെ ടീമിലെത്തിക്കുകയും ക്യാപ്റ്റൻസി നൽകുകയും ചെയ്തു. വെങ്കടേഷ് അയ്യർ ഉൾപ്പെടെയുള്ള കളിക്കാർ കൊൽക്കത്തയുടെ ക്യാപ്റ്റനായേക്കും എന്ന് വിലയിരുത്തപ്പെട്ട് നിൽക്കെയാണ് രഹാനെയെ കെകെആർ ക്യാപ്റ്റനായി പ്രഖ്യാപിക്കുന്നത്. 

ഐപിഎൽ പതിനെട്ടാം സീസണിലെ ഉദ്ഘാടന മത്സരത്തിൽ ജയത്തോടെ തുടങ്ങുകയാണ് കൊൽക്കത്തയുടേയും രഹാനെയുടേയും ലക്ഷ്യം. ഇന്ത്യൻ ക്രിക്കറ്റ് ടീമിലേക്ക് മടങ്ങി എത്താൻ രഹാനെയ്ക്ക് സാധിച്ചിട്ടില്ല എങ്കിലും ഡൊമസ്റ്റിക് ക്രിക്കറ്റിൽ ക്യാപ്റ്റൻസിയിലും ബാറ്റിങ്ങിലും മോശമല്ലാത്ത പ്രകടനമാണ് രഹാനെയിൽ നിന്ന് വന്നിട്ടുള്ളത്. 

185 ഐപിഎൽ മത്സരങ്ങളാണ് രഹാനെ ഇതുവരെ കളിച്ചിട്ടുള്ളത്. 30 എന്ന ബാറ്റിങ് ശരാശരിയിൽ നേടിയത് 4642 റൺസും. 105 ആണ് രഹാനെയുടെ ഐപിഎല്ലിലെ ഉയർന്ന സ്കോർ. സ്ട്രൈക്ക്റേറ്റ് 123. രണ്ട് സെഞ്ചുറിയും 30 അർധ ശതകവും ഐപിഎല്ലിൽ നിന്ന് രഹാനെ നേടിയിട്ടുണ്ട്. 

Read More

• Virat Kohli IPL: നെറ്റ്സിൽ കോഹ്ലിയുടെ ബാറ്റിങ്; നോക്കി നിന്ന് റസലും വരുണും
• IPL 2025: ക്യാപ്റ്റനായി റിയാൻ തിളങ്ങുമോ? മുൻപിൽ വമ്പൻ റെക്കോർഡ്
• ബിഗ് സ്ക്രീനിൽ ഐപിഎൽ ആസ്വദിക്കാം; ഫാൻ പാർക്കുകൾ കൊച്ചിയിലും പാലക്കാടും
• നായ ഗ്രൗണ്ടിൽ; ഹർദിക്കിന്റെ പേര് വിളിച്ച് കാണികൾ; അധിക്ഷേപങ്ങൾ ചില്ലറയായിരുന്നില്ല