ഒമാൻ ദേശിയ ടീമിനെതിരെ കേരളത്തിന്റെ ട്വന്റി20 പോര്; ക്യാപ്റ്റൻ സാലി സാംസൺ

രഞ്ജി ട്രോഫി ആരംഭിക്കുന്നതിന് മുൻപ് ഐസിസി റാങ്കിങ്ങില്‍ ഉള്‍പ്പെട്ട ഒമാന്‍ ദേശീയ ടീമുമായി കേരള ക്രിക്കറ്റ് ടീം കളിക്കുന്നു. ടി20 പരിശീന മത്സരമാണ് കളിക്കുന്നത്. മത്സരത്തിനുള്ള കേരള ക്രിക്കറ്റ് ടീമിനെ പ്രഖ്യാപിച്ചു. കേരള ക്രിക്കറ്റ് ലീഗിൽ കൊച്ചി ബ്ലൂ ടൈഗേഴ്സിനെ കിരീടത്തിലക്ക് നയിച്ച ക്യാപ്റ്റൻ സാലി സാംസൺ ആണ് ക്യാപ്റ്റന്‍. 

സഞ്ജു സാംസന്റെ സഹോദരനാണ് സാലി. സാലി കൊച്ചി ബ്ലൂ ടൈഗേഴ്സിന്റെ ക്യാപ്റ്റനായപ്പോൾ സഞ്ജു വൈസ് ക്യാപ്റ്റനായിരുന്നു. സെപ്റ്റംബർ 22ന് ആണ് കേരളത്തിന്റെ ഒമാനെതിരെയുള്ള ആദ്യ ട്വന്റി20 മത്സരം. മൂന്ന് മത്സരങ്ങളാണ് കളിക്കുക. 25ന് ആണ് അവസാന മത്സരം.

Also Read: പാക്കിസ്ഥാനെതിരായ ആധികാരിക വിജയം; സൈനികർക്ക് സമർപ്പിച്ച് ടീം ഇന്ത്യ

ഒമാനെതിരായ പരമ്പരയ്ക്ക് മുന്നോടിയായി കേരള ക്രിക്കറ്റ് ടീമിന്റെ ക്യാംപ് ഈ മാസം 16 മുതല്‍ 19 വരെ തൊടുപുഴ കെസിഎ സ്റ്റേഡിയത്തില്‍ നടക്കും. സെപ്റ്റംബര്‍ 20 ന് കൊച്ചി രാജ്യാന്തര വിമാനത്താവളത്തില്‍നിന്നു ടീം അംഗങ്ങള്‍ ഒമാനിലേയ്ക്ക് പറക്കുമെന്നും കേരള ക്രിക്കറ്റ് അസോസിയേഷൻ വ്യക്തമാക്കി.

Also Read: ദയനീയമായി തോറ്റ് പാക്കിസ്ഥാൻ; സിക്സടിച്ച് സൂര്യയുടെ ഫിനിഷ്; ഇന്ത്യക്ക് 7 വിക്കറ്റ് ജയം

ഒമാനെതിരായ ട്വന്റി20 മത്സരത്തിനുള്ള കേരളത്തിന്റെ ടീം അംഗങ്ങള്‍: സാലി സാംസൺ, കൃഷ്ണ പ്രസാദ്‌, വിഷ്ണു വിനോദ്, അജ്നാസ് എം, വിനൂപ് എസ് മനോഹരന്‍, അഖില്‍ സ്കറിയ, സിബിന്‍ പി. ഗിരീഷ്‌, അന്‍ഫല്‍ പി.എം, കൃഷ്ണ ദേവന്‍ ആര്‍.ജെ, ജെറിന്‍ പി.എസ്, രാഹുല്‍ ചന്ദ്രന്‍,സിജോമോന്‍ ജോസഫ്, മുഹമ്മദ്‌ ആഷിക്, ആസിഫ് കെ.എം, അബ്ദുള്‍ ബാസിത് പി.എ, അര്‍ജുന്‍ എ.കെ, അജയഘോഷ് എന്‍.എസ്, കോച്ച് - അഭിഷേക് മോഹന്‍

Read More: അടുത്ത ബിസിസിഐ പ്രസിഡന്റ് സച്ചിൻ? ഗാംഗുലിക്ക് പിന്നാലെ മാസ്റ്റർ ബ്ലാസ്റ്ററും? മൗനം വെടിഞ്ഞ് താരം