India vs Bangladesh: ആദ്യം ബംഗ്ലാദേശ് ബാറ്റ് ചെയ്യും; അർഷ്ദീപിന് പകരം ഹർഷിത് റാണ ടീമിൽ

ചാംപ്യൻസ് ട്രോഫിയിൽ ഇന്ത്യക്കെതിരെ ടോസ് ജയിച്ച് ബംഗ്ലാദേശ്. ടോസ് നേടിയ ബംഗ്ലാദേശ് ഇന്ത്യക്കെതിരെ ബാറ്റിങ് തിരഞ്ഞെടുത്തു. അർഷ്ദീപ് സിങ്ങിന് പകരം ഹർഷിത് റാണ ചാംപ്യൻസ് ട്രോഫിയിലെ ഇന്ത്യയുടെ ആദ്യ മത്സരത്തിൽ തന്നെ പ്ലേയിങ് ഇലവനിൽ ഇടം നേടി എന്നത് പ്രത്യേകതയാണ്. 

ചാംപ്യൻസ് ട്രോഫി ആരംഭിക്കും മുൻപ് ബുമ്രയുടെ അഭാവത്തിൽ അർഷ്ദീപ് സിങ്ങിനെയാവും മുഹമ്മദ് ഷമിക്കൊപ്പം ഇന്ത്യ പരിഗണിക്കുക എന്നാണ് ക്യാപ്റ്റൻ രോഹിത് ശർമ പറഞ്ഞിരുന്നത്. എന്നാൽ ആദ്യ മത്സരത്തിൽ ഇന്ത്യ മുഹമ്മദ് ഷമിക്കൊപ്പം ഹർഷിതിനെ ഇറക്കി. 

ടോസ് നേടിയാൽ തങ്ങൾ ആദ്യം ഫീൽഡിങ് തിരഞ്ഞെടുക്കും എന്നാണ് ഇന്ത്യൻ ക്യാപ്റ്റൻ രോഹിത് ശർമയും പ്രതികരിച്ചത്. വരുൺ ചക്രവർത്തിക്ക് പകരം രവീന്ദ്ര ജഡേജയാണ് ചാംപ്യൻസ് ട്രോഫിയിലെ ഇന്ത്യയുടെ ആദ്യ മത്സരത്തിൽ പ്ലേയിങ് ഇലവനിൽ ഇടം കണ്ടെത്തിയത്. മുഹമ്മദ് ഷമി പ്ലേയിങ് ഇലവനിലേക്ക് എത്തിയതോടെയാണ് അർഷ്ദീപിന് പുറത്തേക്ക് പോകേണ്ടി വന്നതെന്നാണ് രോഹിത് ശർമയുടെ വാക്കുകൾ. 

View this post on Instagram

A post shared by Team india (@indiancricketteam)

മത്സരത്തിൽ മഞ്ഞിന്റെ സാന്നിധ്യം ഉണ്ടാവില്ലെന്നാണ് വിലയിരുത്തപ്പെടുന്നത്. 2019ലാണ് ദുബായി രാജ്യാന്തര സ്റ്റേഡിയത്തിൽ അവസാനമായി ഫുൾ മെമ്പർ രാജ്യങ്ങൾ ഏകദിനം കളിക്കുന്നത്. ഇവിടെ 300ന് മുകളിൽ സ്കോർ വന്നിട്ടുള്ളത് രണ്ട് വട്ടം മാത്രം. ഇവിടുത്തെ ശരാശരി ഫസ്റ്റ് ഇന്നിങ്സ് സ്കോർ 200ന് മുകളിൽ നിൽക്കുന്നു. എങ്കിലും കൂറ്റൻ സ്കോർ പ്രതീക്ഷിക്കാനാവില്ല. 

ബംഗ്ലാദേശും ഇന്ത്യയും ഏറ്റുട്ടിയതിന്റെ മുൻതൂക്കം ഇന്ത്യക്കാണ് കഴിഞ്ഞ 10 മത്സരങ്ങളിൽ ഇന്ത്യ ജയിച്ചത് ഏഴ് വട്ടം. ബംഗ്ലാദേശ് മൂന്ന് വട്ടവും. എന്നാൽ 2022ൽ ഇന്ത്യക്കെതിരെ പരമ്പര നേടിയതിന്റെ ഓർമയിൽ നിന്ന് ബംഗ്ലാദേശിന് ആത്മവിശ്വാസം കണ്ടെത്താനാവും. 

Read More

• India Vs Bangladesh: ഇന്ത്യ-ബംഗ്ലാദേശ് മത്സരം ഇന്ന്? എവിടെ കാണാം?
• Women Premier League: ക്യാച്ചുകൾ നഷ്ടപ്പെടുത്തി യുപി; ഒരു പന്ത് ശേഷിക്കെ ജയിച്ച് ഡൽഹി
• Pakistan Vs New Zealand: സ്വന്തം മണ്ണിൽ 'പവറില്ലാതെ' പാക്കിസ്ഥാൻ; ന്യൂസിലൻഡിന് 60 റൺസ് ജയം
• Pakistan Vs New Zealand: 2,237 ദിവസത്തിന് ശേഷം അത് സംഭവിച്ചു; വില്യംസണിന്റെ വിക്കറ്റിന്റെ വില!