തോൽവി അംഗീകരിക്കാനായില്ല; സൂര്യയോട് ക്ഷുഭിതനായി ഗൗതം ഗംഭീർ

ഓസ്ട്രേലിയക്കെതിരായ രണ്ടാം ട്വന്റി20 മത്സരത്തിൽ ഇന്ത്യൻ ബാറ്റർമാർ പാടെ നിരാശപ്പെടുത്തിയിരുന്നു.മെൽബണിലെ തോൽവിക്ക് പിന്നാലെ ഇന്ത്യൻ ക്യാപ്റ്റൻ സൂര്യകുമാർ യാദവും കോച്ച് ഗൗതം ഗംഭീറും തമ്മിൽ സംസാരിക്കുന്ന വിഡിയോ സമൂഹമാധ്യമങ്ങളിൽ വൈറലാവുകയാണ്. ഗംഭീർ സൂര്യകുമാർ യാദവിനോട് ക്ഷുഭിതനായി സംസാരിക്കുന്നു എന്നാണ് ആരാധകർ പറയുന്നത്.

മെൽബണിലെ തോൽവിയിലെ നിരാശ പ്രകടിപ്പിക്കുകയാണ് ഗംഭീർ. ശാന്തമായാണ് സൂര്യകുമാർ യാദവ് ഗംഭീറിന് മറുപടി നൽകുന്നത്. ഗംഭീർ ക്ഷുഭിതനായി സംസാരിക്കുമ്പോൾ അസിസ്റ്റന്റ് കോച്ചുമാരായ മോൺ മോർക്കൽ, റയാൻ ടെൻ ദോഷെറ്റ് എന്നിവരും സൂര്യക്കൊപ്പം ഉണ്ടായിരുന്നു. മെൽബണിൽ നാല് വിക്കറ്റിനായിരുന്നു ഇന്ത്യയുടെ തോൽവി.

pic.twitter.com/ttRqoY7fpJ

— Drizzyat12Kennyat8 (@45kennyat7PM) October 31, 2025

Also Read: തകർപ്പൻ ചെയ്സ്; ചരിത്ര ജയം; ഓസ്ട്രേലിയയെ വീഴ്ത്തി ഇന്ത്യൻ പെൺപട ഫൈനലിൽ

ആദ്യം ബാറ്റ് ചെയ്ത ഇന്ത്യ 18.4 ഓവറിൽ 125ന് പുറത്തായിരുന്നു. ഓസ്ട്രേലിയ 13.2 ഓവറിൽ 6 വിക്കറ്റ് നഷ്ടത്തിൽ വിജയ ലക്ഷ്യം മറികടന്നു. 3 വിക്കറ്റ് വീഴ്ത്തിയ ഓസീസ് പേസർ ജോഷ് ഹെയ്സൽവുഡാണ് ഇന്ത്യൻ ബാറ്റിങ് നിരയെ വിറപ്പിച്ച് വീഴ്ത്തിയത്. ഇന്ത്യൻ നിരയിൽ അഭിഷേക് ശർമ മാത്രമാണ് മികച്ച പ്രകടനം പുറത്തെടുത്തത്. ഓസ്ട്രേലിയൻ സാഹചര്യങ്ങളോട് ഇണങ്ങാൻ ഇന്ത്യൻ കളിക്കാർക്ക് കഴിഞ്ഞിട്ടില്ല.

Also Read: സഞ്ജു സാംസൺ ഇപ്പോഴും ചെന്നൈയുടെ റഡാറിൽ; റാഞ്ചാൻ മറ്റ് ഫ്രാഞ്ചൈസികളും

37 പന്തിൽ നിന്ന് 68 റൺസ് ആണ് അഭിഷേക് ശർമ അടിച്ചെടുത്തത്. ഹർഷിത് റാണ 33 റൺസും നേടിയിരുന്നു. ഞായറാഴ്ച ഹൊബാർട്ടിലാണ് മൂന്നാം മത്സരം. ഇതിൽ ജയിച്ച് പരമ്പരയിൽ 1-1ന് ഒപ്പത്തിനൊപ്പം എത്തിക്കുകയാവും ഇന്ത്യയുടെ ലക്ഷ്യം. മൂന്നാം ട്വന്റി20യിൽ ഗ്ലെൻ മാക്സ് വെൽ ഓസീസ് ടീമിലേക്ക് തിരിച്ചെത്തും. കയ്യിലെ പരുക്കിനെ തുടർന്ന് വിശ്രമത്തിലായിരുന്നു മാക്സ് വെൽ. മാക്സ് വെൽ വരുന്നതോടെ ഇന്ത്യൻ സ്പിന്നർമാരെ നേരിടുന്നതിൽ ഓസ്ട്രേലിയക്ക് കൂടുതൽ ആത്മവിശ്വാസം ലഭിക്കും. 

Also Read: ഇന്ത്യൻ പെൺപട കിരീടം ഉയർത്തുന്ന നിമിഷം കാത്ത് രാജ്യം; വനിതാ ലോകകപ്പ് ഫൈനൽ എവിടെ കാണാം? IND W vs SA W

സഞ്ജുവിനെ മൂന്നാം ട്വന്റി20യിൽ ഏത് പൊസിഷനിൽ ബാറ്റിങ്ങിന് ഇറക്കും എന്നതും ചോദ്യമാണ്. മെൽബണിൽ മൂന്നാമതായാണ് സഞ്ജു ബാറ്റ് ചെയ്തത്. എന്നാൽ റൺസ് ഉയർത്താനായില്ല. ഇനി മൂന്നാം ട്വന്റി20യിൽ സഞ്ജുവിനെ അഞ്ചാം സ്ഥാനത്തേക്ക് മാറ്റിയാൽ സഞ്ജുവിനെ ഇങ്ങനെ തട്ടിക്കളിക്കുന്നതിന് എതിരെ വിമർശനം ശക്തമാവും എന്ന് ഉറപ്പാണ്.

Read More: ഉച്ചഭക്ഷണത്തിന് മുൻപ് ചായ; വിചിത്ര മാറ്റം ഇന്ത്യ-ദക്ഷിണാഫ്രിക്ക ടെസ്റ്റിൽ ; india Vs South Africa Test