'ഏത് മൂഡ്... സുരാജ് വെഞ്ഞാറമൂട്...' ഒരേസമയം രണ്ടു വമ്പൻ ചിത്രങ്ങൾ, കൈയ്യടിച്ച് ആരാധകർ

കോമഡി വേഷങ്ങളിലൂടെ സിനിമയിലെത്തി, നിരവധി മികച്ച കഥാപാത്രങ്ങളിലൂടെ തന്റേതായ സ്ഥാനം മലയാളത്തിൽ സൃഷ്ടിച്ച നടനാണ് സുരാജ് വെഞ്ഞാറമൂട്. കോമഡിയാണെങ്കിലും സീരിയസ് ആണെങ്കിലും നായക കഥാപാത്രമാണെങ്കിലും സുരാജിന്റെ കൈകളിൽ ഭദ്രമാണ്.

ചിയാൻ വിക്രമിനെ നായകനാക്കി എസ്.യു അരുൺ കുമാർ സംവിധാനം ചെയ്ത 'വീര ധീര ശൂരൻ' എന്ന ചിത്രത്തിലൂടെ തമിഴിലും വരവറിയിച്ചിരിക്കുകയാണ് സുരാജ്. മോഹൻലാൻ- പൃഥ്വിരാജ് കൂട്ടുകെട്ടിൽ പിറന്ന എമ്പുരാന്റെ അതേ ദിവസമായിരുന്നു വീര ധീര ശൂരനു തിയേറ്ററുകളിലെത്തിയത്. എമ്പുരാനിലും സുരാജ് ഒരു സുപ്രധാന കഥാപാത്രത്തെ അവതരിപ്പിക്കുന്നുണ്ട് എന്നതാണ് ശ്രദ്ധേയം.

View this post on Instagram

A post shared by 𝕋ℝ𝕆𝕃𝕃 𝕄𝕆𝕍𝕀𝔼𝕊 (@trollmovies)

എമ്പുരാൻ മലയാളത്തിലെ എക്കാലത്തെയും വലിയ വിജയമാകുമ്പോൾ, വീര ധീര ശൂരനും തിയേറ്ററുകളിൽ തകർത്ത് ഓടിക്കൊണ്ടിരിക്കുകയാണ്. ഇപ്പോഴിതാ ഒരുമിച്ച് തിയേറ്ററുകളിലെത്തി വിജയകരമായി പ്രദർശനം തുടരുന്ന രണ്ടു വലിയ ചിത്രങ്ങളിലും അഭിനയിച്ചതിന് സുരാജിനെ പ്രശംസിക്കുകയാണ് സോഷ്യൽ മീഡിയ.

സുരാജിന്റെ നിരവധി ട്രോളുകളും സൈബറിടത്ത് പ്രത്യക്ഷപ്പെടുന്നുണ്ട്. 'നിലവിൽ തകർത്ത് ഓടുന്ന രണ്ടു സിനിമകളിലും പ്രധാനവേഷം. ഏത് മൂഡ്... സുരാജ് വെഞ്ഞാറമൂട്' എന്ന വാചകത്തോടെ ട്രോൾ മൂവീസ് പങ്കുവച്ച ഒരു പോസ്റ്റാണ് ഇപ്പോൾ ശ്രദ്ധനേടുന്നത്.

നിരവധി കമന്റുകളും പോസ്റ്റിനു ലഭിക്കുന്നുണ്ട്. "മലയാള സിനിമക്ക് മികച്ചൊരു കോമേഡിയൻ നഷ്ട്ടമായെങ്കിലും നിലവാരമുള്ള ഒരു നടനെ കിട്ടി. കാലത്തിനൊപ്പം മാറി റേഞ്ച് മാറ്റിയവൻ" എന്നാണ് പോസ്റ്റിൽ ഒരു ആരാധകൻ കുറിച്ചത്. 

Read More

• 'അപ്പച്ചൻ സുന്ദരനാർന്ന്, നല്ല ചെരുപ്പൊക്കെ ഇട്ട് മുണ്ടൊക്കെ ഉടുത്ത് ഫ്രിഡ്ജിൽ കേറി കിടക്കുവാ'
• 'അതിപ്പോ ഖുറേഷി അബ്രാം ആണേലും വിളിക്കാം,' എമ്പുരാൻ തരംഗത്തിൽ കേരള പൊലീസും
• മുട്ടയ്ക്കും മാംസത്തിനും വൻ ഡിമാൻഡ്; പാലക്കാട്ടെ 'ദിനോസർ' കൃഷി വൈറൽ
• പിള്ളേർക്കൊപ്പം ഫുട്ബോൾ കളിക്കുന്ന, തേങ്ങയിട്ടു കൊടുക്കുന്ന ദിനോസർ: വൈറൽ വീഡിയോയ്ക്ക് പിന്നിലെ കഥ
• ഉഷ മിസ്സിന്റെ പിറന്നാളിന് പാതിരാത്രി അസംബ്ലി കൂടി പിള്ളേർ; വൈറൽ വീഡിയോ