പോക്കറ്റിലിരുന്ന ഫോൺ പൊട്ടിത്തെറിച്ച് യുവതിക്ക് ഗുരുതര പൊള്ളൽ; വീഡിയോ

പോക്കറ്റിൽ സൂക്ഷിച്ചിരുന്ന സ്മാർട്ട്ഫോൺ പൊട്ടിത്തെറിച്ച് യുവതിക്ക് ഗുരുതരമായി പൊള്ളലേറ്റു. ബ്രസീലിലെ അനാപൊളിസിലാണ് സംഭവം. സൂപ്പർ മാർക്കറ്റിൽ സാധനം വാങ്ങാൽ പോയപ്പോൾ പിൻ പോക്കറ്റിലിട്ടിരുന്ന ഫോൺ പൊട്ടത്തെറിച്ച് കത്തുകയായിരുന്നു. 

സംഭവത്തിന്റെ സിസിടിവി ദൃശ്യങ്ങൾ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്. ഭർത്താവിനൊപ്പം സൂപ്പർ മാർക്കറ്റിൽ നിന്ന് സാധനങ്ങൾ വാങ്ങുന്നതിനിടെ സ്ത്രീ ധരിച്ചിരുന്ന ജീൻസിൽ നിന്ന് പുക ഉയരാൻ തുടങ്ങി. നിമിഷങ്ങൾക്കുള്ളിൽ ജീൻസിന്റെ പോക്കറ്റിൽ നിന്ന് തീ ഉയരുകായിരുന്നു.

View this post on Instagram

A post shared by KIDDAAN (@kiddaan)

തീ കെടുത്താൻ ശ്രമിക്കുന്നതിനിടെ സ്ത്രീ പരിഭ്രാന്തയാകുന്നതും, പെട്ടന്നു തന്നെ ഭർത്താവ് സഹായത്തിനായി ഓടിയെത്തുന്നതും വീഡിയോയിൽ കാണാം. ദി ഇൻഡിപെൻഡന്റ് റിപ്പോർട്ട് അനുസരിച്ച്, യുവതിയെ ഉടൻ സമീപത്തെ ആൽഫ്രെഡോ അബ്രാവു എന്ന ആശുപത്രിയിൽ പ്രവേശിപ്പിച്ചു.

യുവതിയുടെ കൈയ്യിലും ശരീരത്തിന്റെ പിന്ഭാഗത്തും ഗുരുതരമായി പൊള്ളലേറ്റതായി ഡോക്ടർമാർ അറിയിച്ചു. മോട്ടറോളയുടെ മോട്ടോ ഇ32 എന്ന മോഡൽ സ്മാർട്ട്ഫോൺ ആണ് പൊട്ടിത്തെറിച്ചത്. ഫോൺ വാങ്ങി ഒരു വർഷം തികഞ്ഞിട്ടില്ലെന്നാണ് വിവരം.

അതേസമയം, സംഭവത്തെ കുറിച്ച് അന്വേഷണം ആരംഭിക്കുന്നതിനായി യുവതിയെ ബന്ധപ്പെട്ടിട്ടുണ്ടെന്ന് മോട്ടറോള പ്രസ്താവനയിൽ പ്രതികരിച്ചു. ഉപഭോക്താക്കളുടെ സുരക്ഷയാണ് തങ്ങളുടെ പ്രധാന മുൻ‌ഗണനയെന്നും ഉപകരണങ്ങൾ കർശനമായ പരിശോധനയ്ക്ക് വിധേയമാകുമെന്നും കമ്പനി കൂട്ടിച്ചേർത്തു.

Read More

• പാചകത്തിന് ശുചിമുറിയിലെ വെള്ളം; മധ്യപ്രദേശ് മെഡിക്കൽ കോളേജിനെതിരെ വ്യാപക വിമർശനം; വീഡിയോ
• കുംഭമേളയിലെ വൈറൽ താരം; മൊണാലിസയെ കേരളത്തിലെത്തിക്കാൻ ബോച്ചെ നൽകിയത് 15 ലക്ഷം
• 300 കിലോമീറ്ററോളം ഗതാഗത കുരുക്ക്; കുംഭമേളയിൽ കുടുങ്ങി ലക്ഷങ്ങൾ; വീഡിയോ
• പൊലീസിന് എന്ത് എഡ് ഷീരൻ; ഇതിഹാസ ഗായകന്റെ സർപ്രൈസ് തടഞ്ഞ് ബെംഗളൂരു പൊലീസ്; വീഡിയോ