'പശുവിനെ പോലെയാണല്ലോ കടുവയെ വളർത്തുന്നേ...'; സിമ്പയും ഓണറും വൈറൽ; വീഡിയോ

നായകളും പൂച്ചകളും പക്ഷികളുമെല്ലാം മനുഷ്യരുമായി അടുത്തിടപഴകുന്നതും അവയെ ഇണക്കി വളർത്തുന്നതും നമുക്ക് സുപരിചിതമാണ്. എന്നാല്‍ സിംഹം, കടുവ തുടങ്ങിയ വന്യജീവികളെ വീട്ടില്‍ വളര്‍ത്തുന്നതും അത്തരം വീഡിയോകൾ കാണുന്നതുമെല്ലാം പലർക്കും വലിയ അത്ഭുതമാണ്. ഇപ്പോഴിതാ കേരളത്തിലെ ഒരു വീട്ടിൽ ഭീമൻ കടുവയെ ഓമനിച്ചു വളർത്തുന്ന ഒരു യുവതിയുടെ വീഡിയോ ആണ് സൈബറിടങ്ങളിൽ വൈറലാകുന്നത്.

ആദ്യം ആരുമൊന്ന് അമ്പരക്കുമെങ്കിലും സംഗതി എഐ സൃഷ്ടിയാണ്. ഒറിജിനലിനെ വെല്ലുന്ന മികവോടെ നിർമ്മിച്ച വീഡിയോയിൽ, സ്വന്തം വീട്ടിൽ വളർത്തുന്ന കടുവയെ ആണ് യുവതി പരിചയപ്പെടുത്തുന്നത്. സഹോദരിയുടെ കടുവയ്ക്കൊപ്പം ഒരു ദിവസം എന്ന രീതിയിൽ വ്ലോഗ് രൂപത്തിലാണ് വീഡിയോ പങ്കുവച്ചിരിക്കുന്നത്.

Also Read: "അച്ഛനും മോനും കൂടെ തിയേറ്റർ കത്തിക്കാൻ തീരുമാനിച്ചല്ലേ;" മോഹൻലാലിന്റെ ചിത്രത്തിൽ കമന്റുമായി ആരാധകർ

കടുവയെ കൂട്ടിൽനിന്ന് പുറത്തേക്ക് ഇറക്കുന്നതും വീട്ടിലും സമീപത്തെ പറമ്പിലൂടെയുമെല്ലാം നടക്കുന്നതും വീഡിയോയിൽ കാണാം. കടുവ കുളിക്കുന്നതും ഭക്ഷണം കഴിക്കുന്നതുമെല്ലാം വീഡിയോയിൽ ഉൾപ്പെടുത്തിയിട്ടുണ്ട്. വാഴകളും തെങ്ങുകളുമെല്ലാം ഉൾപ്പെടുത്തി കേരളമെന്നു തന്നെ തോന്നിപ്പിക്കുന്ന തരത്തിലാണ് വീഡിയോ സൃഷ്ടിച്ചിരിക്കുന്നത്.

Also Read: ഇത് എങ്ങനെ? വല്ല അദൃശ്യ ശക്തിയും ആണോ? പരം സുന്ദരി കണ്ട് അന്തംവിട്ട് മലയാളികൾ

യാഥാർത്ഥ്യമെന്ന് തോന്നിപ്പിക്കുന്ന എഐ വീഡിയോകൾ പങ്കുവയ്ക്കാറുള്ള "reel vault" എന്ന ഉപയോക്തവാണ് വീഡിയോ യൂട്യൂബിൽ പങ്കുവച്ചത്. ധാരാളം കാഴ്ചകൾ നേടിയ വീഡിയോയിൽ നിരവധി ആളുകൾ കമന്റ് പങ്കുവച്ചിട്ടുണ്ട്. 'പശുവിനെ പോലെയാണല്ലോ കടുവയെ വളർത്തുന്നേ' എന്നാണ് ഒരാൾ വീഡിയോയിൽ കുറിച്ചത്. യാഥാർത്ഥ്യത്തോട് ഇത്ര അടുത്തു നിൽക്കുന്ന എഐ വീഡിയോകൾ മലയാളത്തിൽ അധികം കണ്ടിട്ടില്ലെന്നും കമന്റ് ബോക്സിൽ കാഴ്ചക്കാർ കുറിക്കുന്നു.

Read More: അല്ല മോനെ! ഇത് ഞാൻ അല്ലേ? വൈറലായി 'ലാൽ പാറ'