കുംഭമേളയിലെ വൈറൽ താരം; ഐഐടി ബാബ കഞ്ചാവുമായി പിടിയിൽ

കുംഭമേളയ്ക്കിടെ സോഷ്യൽ മീഡിയയിൽ വൈറലായ ഐഐടി ബാബ കഞ്ചാവുമായി പൊലീസ് പിടിയിൽ. ഐഐടി ബാബ എന്ന് അറിയപ്പെടുന്ന അഭയ് സിങ്ങിനെ (35) ആണ് ജയ്പൂർ പൊലീസ് കസ്റ്റഡിയിലെടുത്തത്. നാർക്കോട്ടിക് ഡ്രഗ്‌സ് ആൻഡ് സൈക്കോട്രോപിക് ഡ്രഗ്‌സ് ആക്‌ട് പ്രകാരമാണ് ഇയാളെ കസ്റ്റഡിയിലെടുത്തത്.

രാജസ്ഥാനിലെ ജയ്പുരിലെ ഒരു ഹോട്ടലില്‍ നിന്നാണ് അഭയ് സിങ്ങിനെ പൊലീസ് അറസ്റ്റു ചെയ്തത്. ഐഐടി ബാബ ഹോട്ടലിൽ ആത്മഹത്യയ്ക്ക് ശ്രമിക്കുന്നതായി ഷിപ്ര പഥ് പൊലീസ് സ്റ്റേഷനിൽ വിവരം ലഭിച്ചതിന്റെ അടിസ്ഥാനത്തിലാണ് പൊലീസ് സ്ഥലത്തെത്തിയതെന്ന്, ജയ്പൂർ സിറ്റി ഡെപ്യൂട്ടി പൊലീസ് കമ്മീഷണർ ദിഗന്ത് ആനന്ദ് പറഞ്ഞു.

സ്റ്റേഷൻ ഓഫീസർ രാജേന്ദ്ര ഗോദാരയുടെ നേതൃത്തത്തിലുള്ള പൊലീസ് സംഘം സ്ഥലത്തെത്തി ചോദ്യം ചെയ്തപ്പോൾ, കഞ്ചാവ് ഉപയോഗിച്ചിട്ടുണ്ടെന്നും കൈവശം കഞ്ചാവ് ഉണ്ടെന്നും ഇയാൾ പൊലീസിനോട് പറയുകയായിരുന്നു. അബോധാവസ്ഥയിൽ താൻ എന്തെങ്കിലും പറഞ്ഞിട്ടുണ്ടാകാമെന്നും അതൊന്നും അറിയില്ലെന്നും ഇയാൾ പൊലീസിനോട് പറഞ്ഞു.

അഭയ് സിങ്ങിന്റെ കൈവശമുണ്ടായിരുന്ന 1.50 ഗ്രാം കഞ്ചാവും പൊലീസ് പിടിച്ചെടുത്തിട്ടുണ്ട്. കണ്ടെത്തിയ കഞ്ചാവിന്റെ അളവ് കുറവായതിനാൽ ജാമ്യത്തിൽ വിട്ടയച്ചതായി പൊലീസ് ഉദ്യോഗസ്ഥർ അറിയിച്ചു.

പ്രയാഗ്‌രാജിൽ നടന്ന മഹാകുംഭമേളയ്ക്കിടിയാണ് ഐഐടി ബോംബെയിൽ എയ്‌റോസ്‌പേസ് എഞ്ചിനീയറിംഗ് പഠിച്ച അഭയ് സിങ് ഐഐടി ബാബയെന്ന പേരിൽ ശ്രദ്ധേനേടിയത്. എയ്‌റോസ്‌പേസ് എഞ്ചിനീയറിങിൽ ബിരുദവും ഡിസൈനിൽ ബിരുദാനന്തര ബിരുദവും അഭയ് സിങ് കരസ്ഥമാക്കിയിരുന്നു. ആത്മീയതയാണ് ജീവിതത്തിന് അർത്ഥം നൽകുന്നതെന്നെ മനസ്സിലാക്കി അഭയ് സിങ് സന്യാസത്തിലേക്ക് കടക്കുകയായിരുന്നു.

Read More

• 'മോള് വീട്ടിൽപ്പോ, അച്ഛൻ ഇന്ന് പൊളിച്ച് അടുക്കും,' സോഷ്യൽ മീഡിയയുടെ ഹൃദയം കവർന്ന് ഒരു അച്ഛനും മോളും
• 'ഒരുത്തനെ കൊന്നിട്ട് എല്ലാം കൂടി ചിരിച്ചോണ്ട് നിൽക്കുവാ;' മരണമാസ്സിലെ നിഗൂഢത ചികഞ്ഞ് ആരാധകർ
• 'സ്റ്റീഫൻ നെടുമ്പള്ളി ആയാലും പെണ്ണുകെട്ടിയാൽ ഇതാ ഗതി,'
• 'ഭാഗ്യം ഉള്ള കുഞ്ഞാ, പാടി ഉറക്കാൻ ഒരു നാട് മൊത്തം ഉണ്ടല്ലോ,' വീഡിയോ
• കരഞ്ഞ് അലമ്പാക്കണ്ട സീനാണ്; ഒറ്റ പാട്ടിൽ കല്യാണ പെണ്ണിനെയും പയ്യനെയും ചിരിപ്പിച്ച് അച്ഛൻ
• ഒഡീഷ തീരത്തെത്തി ലക്ഷക്കണക്കിന് കടലാമകള്‍; പ്രകൃതിയുടെ വിസ്മയം സോഷ്യൽ മീഡിയയിലും വൈറൽ