Google Trends: വരവറിയിച്ച് ഗുഡ് ബാഡ് അഗ്ലി; ഗൂഗിളിലും 'തലയുടെ വിളയാട്ടം'

വിടാമുയർച്ചിക്ക് ശേഷം അജിത് കുമാർ നായകനാകുന്ന ഏറ്റവും പുതിയ ചിത്രമാണ് ആരാധകർ ആവേശത്തോടെ കാത്തിരുന്ന 'ഗുഡ് ബാഡ് അഗ്ലി.' ആധിക് രവിചന്ദ്രൻ്റെ സംവിധാനത്തിൽ ഒരുങ്ങുന്ന ചിത്രം ഇന്നാണ് ലോകമെമ്പാടും തിയേറ്ററുകളിലെത്തിയത്. 

റിലീസിനു പിന്നാലെ ഗൂഗിളിലും 'ഗുഡ് ബാഡ് അഗ്ലി' ശ്രദ്ധനേടുകയാണ്. ഗൂഗിളിന്റെ ഔദ്യോഗിക കണക്ക് അനുസരിച്ച് ഒരു ലക്ഷത്തിലധികം സെർച്ചുകളാണ് ചിത്രത്തിനു ലഭിച്ചത്. നിലവിൽ ഗൂഗിൾ ട്രെൻഡിങിൽ ഒന്നാം സ്ഥാനത്താണ് ഗുഡ് ബാഡ് അഗ്ലി.

അതേസമയം, വിടാമുയര്‍ച്ചി നേരിട്ട കനത്ത പരാജയത്തിന്റെ ക്ഷീണം 'ഗുഡ് ബാഡ് അഗ്ലി' തീർക്കുമെന്ന പ്രതീക്ഷയിലാണ് ആരാധകർ. അജിത്തിന്റെ 'ആക്ഷൻ ഷോ' തന്നെയാകും ചിത്രമെന്നാണ് സൂചന. അജിത്തിന്റെ കരിയറിലെ 63-ാമത് ചിത്രംകൂടിയാണ് ഗുഡ് ബാഡ് അഗ്ലി.

തൃഷ നായികയാകുന്ന ചിത്രത്തിൽ, വൻ താരനിരയാണ് അണിനിരക്കുന്നത്. മലയാളത്തിലടക്കം ഏറെ ശ്രദ്ധനേടിയ മാര്‍ക്ക് ആന്റണി എന്ന ചിത്രത്തിനു ശേഷം ആദിക് രവിചന്ദ്രന്റെ സംവിധാനത്തില്‍ ഒരുങ്ങുന്ന ചിത്രമാണ് ഗുഡ് ബാഡ് അഗ്ലി. പ്രിയ വാര്യർ, ഷൈൻ ടോം ചാക്കോ, സുനിൽ, പ്രസന്ന എന്നിവരും ചിത്രത്തിൽ സുപ്രധാന വേഷങ്ങളിൽ എത്തുന്നുണ്ട്. 

Read More:

• മലയാളത്തിൽ ഏറ്റവും കൂടുതൽ കളക്ഷൻ നേടിയ സിനിമ എന്ന നേട്ടവുമായി 'എമ്പുരാൻ'
• ഇന്നാ പിടിച്ചോ 100 കോടി തിയേറ്റർ ഷെയർ; കൂട്ടുകാരന്റെ വെല്ലുവിളിക്ക് മോഹൻലാലിന്റെ ചെക്ക്‌മേറ്റ്
• മലയാളത്തിലെ ആദ്യ 100 കോടി; സുവർണ നേട്ടവുമായി എമ്പുരാൻ
• വൻ താരനിരയും ഗംഭീര മേക്കിംഗും, പക്ഷേ അതുമാത്രം മതിയോ? ഹൈപ്പിനൊപ്പം പിടിച്ചു നിൽക്കാനാവാതെ 'എമ്പുരാൻ', റിവ്യൂ