മലയാളത്തിൽ ഏറ്റവും കൂടുതൽ കളക്ഷൻ നേടിയ സിനിമ എന്ന നേട്ടവുമായി 'എമ്പുരാൻ'

Empuraan Box Office Collection: റിലീസ് ചെയ്ത് 10 ദിവസം കൊണ്ട് മലയാളത്തിൽ ഏറ്റവും കൂടുതൽ കളക്ഷൻ നേടിയ ചിത്രമായി എമ്പുരാൻ. വിവാദങ്ങൾക്കിടയിലും അടിപതറാതെ തിയേറ്ററുകളിൽ വിജയ കുതിപ്പ് തുടരുകയാണ് സിനിമ. 2024ലെ മഞ്ഞുമ്മൽ ബോയ്സിൻ്റെ നേട്ടത്തെ മറികടന്നാണ് ലാലേട്ടൻ്റെ എമ്പുരാൻ ഇൻഡസ്ട്രി ഹിറ്റായിരിക്കുന്നത്. 

100, 200 കോടി ക്ലബ്ബുകളിൽ മുൻപും മലയാള ചിത്രങ്ങൾ ഇടംനേടിയിട്ടുണ്ടെങ്കിലും തിയേറ്റർ ഷെയർ 100 കോടി സ്വന്തമാക്കുന്ന ആദ്യ മലയാളം ചിത്രം കൂടിയായിരുന്നു എമ്പുരാൻ. 

10 ദിവസം കൊണ്ട് ഈ നേട്ടത്തിലെത്താനായതിൻ്റെ സന്തോഷം ചിത്രത്തിൻ്റെ അണിയറപ്രവർത്തകർ തന്നെയാണ് സോഷ്യൽ മീഡിയയിലൂടെ അറിയിച്ചത്.  

View this post on Instagram

A post shared by Aashirvad Cinemas (@aashirvadcine)

ചിത്രത്തിലെ ​ഗുജറാത്ത് കലാപവുമായി ബന്ധപ്പെട്ട രം​ഗങ്ങളിൽ വലിയ വിവാദമാണ് ഉയർന്നു വന്നിരിക്കുന്നത്.​ ഇതിനു പിന്നാലെ ചിത്രത്തിലെ ചില രംഗങ്ങൾ നീക്കം ചെയ്ത് റീ- എഡിറ്റഡ് പതിപ്പാണ് പ്രദർശനത്തിനെത്തിയത്. വിവാദങ്ങൾക്കിടയിലും തിയേറ്ററുകളിൽ വലിയ തിരക്കാണ് അനുഭവപ്പെടുന്നത്. ഇന്ത്യയില്‍ കേരളത്തിനു പുറത്തു നിന്ന് 30 കോടി രൂപയാണ് എമ്പുരാൻ നേടിയത്. മലയാള സിനിമ ചരിത്രത്തിൽ അതിവേഗം 100, 200 കോടി ക്ലബ്ബുകളിൽ ഇടംനേടിയ ചിത്രമാണിത്.

ലൂസിഫറിന്റെ രണ്ടാം ഭാഗമായ എമ്പുരാനിൽ മോഹന്‍ലാലിനൊപ്പം പൃഥ്വിരാജ്, മഞ്ജു വാര്യര്‍, ടൊവിനോ തോമസ്, ഇന്ദ്രജിത് സുകുമാരന്‍, സുരാജ് വെഞ്ഞാറമൂട്, ജെറോം ഫ്ലിന്‍, ബൈജു, സായ്കുമാര്‍, ആന്‍ഡ്രിയ ടിവാടര്‍, അഭിമന്യു സിങ്, സാനിയ അയ്യപ്പന്‍, ഫാസില്‍, സച്ചിന്‍ ഖേഡ്കര്‍, നൈല ഉഷ, ജിജു ജോണ്‍, നന്ദു, മുരുകന്‍ മാര്‍ട്ടിന്‍, ശിവജി ഗുരുവായൂര്‍, മണിക്കുട്ടന്‍, അനീഷ് ജി. മേനോന്‍, ശിവദ, അലക്സ് ഒനീല്‍, എറിക് എബണി, കാര്‍ത്തികേയ ദേവ്, മിഹയേല് നോവിക്കോവ്, കിഷോര്‍, സുകാന്ത്, ബെഹ്‌സാദ് ഖാന്‍, നിഖാത് ഖാന്‍, സത്യജിത് ശര്‍മ, നയന്‍ ഭട്ട്, ശുഭാംഗി, ജൈസ് ജോസ് തുടങ്ങി വലിയ താരനിരയാണ് അണിനിരക്കുന്നത്.

Read More:

• നടൻ പൃഥ്വിരാജിന് ആദായനികുതി വകുപ്പ് നോട്ടിസ്; പ്രതിഫല വിവരങ്ങൾ തേടി
• ഇന്നാ പിടിച്ചോ 100 കോടി തിയേറ്റർ ഷെയർ; കൂട്ടുകാരന്റെ വെല്ലുവിളിക്ക് മോഹൻലാലിന്റെ ചെക്ക്‌മേറ്റ്
• മലയാളത്തിലെ ആദ്യ 100 കോടി; സുവർണ നേട്ടവുമായി എമ്പുരാൻ
• വൻ താരനിരയും ഗംഭീര മേക്കിംഗും, പക്ഷേ അതുമാത്രം മതിയോ? ഹൈപ്പിനൊപ്പം പിടിച്ചു നിൽക്കാനാവാതെ 'എമ്പുരാൻ', റിവ്യൂ