കളിപ്പാട്ടം പോലെ കാറ് വലിച്ച് കരക്കിട്ട് ആന; വെറുതേ തുമ്പിക്കൈയ്ക്ക് പണിയുണ്ടാക്കരുതെന്ന് കമന്റ്

നദീ തീരത്ത് ചെളിയിൽ പൂണ്ടുപോയ എസ്‌യുവി വാഹനം അനായാസമായി വലിച്ചു കരക്കുകയറ്റുന്ന ഒരു ആനയുടെ വീഡിയോയാണ് സോഷ്യൽ മീഡിയയിൽ ഇപ്പോൾ വൈറലാകുന്നത്. ഭാരമേറിയ ടൊയോട്ട ഫോർച്യൂണർ വാഹനമാണ് കളിപ്പാട്ടം പോലെ ആന വലിച്ചു കയറ്റുന്നത്.

വാഹനത്തിന്റെ മൂന്നു ചക്രങ്ങളും നദിയിൽ കുടുങ്ങിക്കിടക്കുന്നത് കാണിച്ചുകൊണ്ടാണ് വീഡിയോ ആരംഭിക്കുന്നത്. വാഹനത്തിൽ കെട്ടിയ കയറുപയോഗിച്ചാണ് ആന വാഹനം വലിക്കുന്നത്. വലിയുടെ ശക്തിയിൽ വാഹനത്തിന്റെ മുൻഭാഗം വായുവിലേക്ക് ഉയരുന്നതും വീഡിയോയിൽ കാണാം.

View this post on Instagram

A post shared by Said Alavikoya (@saidkoya90)

Also Read:ആനയെക്കാൾ വലിയ ഉറുമ്പ്, ഭീമൻ ഒച്ച്; ഭീതിനിറച്ച് അത്ഭുതദ്വീപ് രണ്ടാം ഭാഗം; വീഡിയോ വൈറൽ

തിരുവേഗപ്പുറ ശങ്കരനാരായണൻ എന്ന ആനയാണ് വീഡിയോയിലുള്ളത്. ഭാരമേറിയ വാഹനം നിസ്സാരമായി ആന വലിക്കുന്നതു കണ്ട അമ്പരപ്പിലാണ് കാണികളിൽ പലരും. നിരവധി  കമന്റുകളാണ് വീഡിയോയ്ക്ക് ലഭിക്കുന്നത്.

Also Read: ഈ വല വീശൽ കണ്ട് മീനുകൾ പോലും ചിരിച്ചു കാണും;" വൈറലായൊരു മീൻപിടിത്തം; വീഡിയോ

"വെറുതേ എന്റെ തുമ്പിക്കൈയ്ക്ക് പണി ഉണ്ടാക്കല്ലേ," "ഒരു നാലെണ്ണം കൂടെ വലിക്കാൻ കൊടുക്ക്, അവന് ഇതൊന്നും ഒന്നും അല്ല," "ബസ് വരെ പൊക്കി നിർത്തുന്ന ഇവനോടോ..." എന്നിങ്ങനെയാണ് വീഡിയോയിലെ കമന്റുകൾ. 2.4 മില്യണിലധികം കാഴ്ചകളാണ് വീഡിയോയ്ക്ക് ലഭിച്ചത്.

Read More: "നമ്മളില്ലേ..." എന്ന് മനോജ് കെ. ജയൻ; ചത്തൊടുങ്ങേണ്ടി വന്നാലും തിരിഞ്ഞുനോക്കില്ലെന്ന് ആരാധകർ