ഭൂകമ്പത്തില്‍ കെട്ടിമൊന്നാകെ കുലുങ്ങി; കുഞ്ഞുങ്ങളെ ചേർത്തുപിടിച്ച് നഴ്സുമാർ; വീഡിയോ

അസമിലാകെ പരിഭ്രാന്തി പരത്തിയ ഭൂചലനമായിരുന്നു ഞായറാഴ്ച വൈകീട്ടോടെ സംസ്ഥാനത്തിന്റെ വിവിധ ഭാഗങ്ങളിലും വടക്കൻ പശ്ചിമ ബംഗാളിലെ ചിലയിടങ്ങളിലും ഉണ്ടായത്. 5.8 തീവ്രത രേഖപ്പെടുത്തിയ ഭൂകമ്പമാണ് വൈകീട്ട് 4.41-ഓടെ അനുഭവപ്പെട്ടത്. 90 മിനിറ്റിനുള്ളിൽ മൂന്നു തുടർചലനങ്ങൾ ഉണ്ടായതായാണ് വിവരം. 

ഭൂചലനത്തിൽ, രണ്ടു പേർക്ക് പരിക്കേൽക്കുകയും നിരവധി വീടുകൾക്ക് നാശനഷ്ടമുണ്ടാവുകയും ചെയ്തതായാണ് റിപ്പോർട്ട്. ഇപ്പോഴിതാ, ഭൂചലനത്തിൽ കെട്ടിടം ആടിയുലയുമ്പോൾ നവജാത ശിശുക്കളെ സംരക്ഷിക്കുന്ന നഴ്സുമാരുടെ വിഡിയോയാണ് സൈബറിടങ്ങളിൽ വൈറലാകുന്നത്. 

Also Read: അസമിൽ ഭൂചലനം; റിക്ടർ സ്‌കെയിലിൽ 5.8 തീവ്രത

VIDEO | As an earthquake of 5.8 magnitude shook parts of the northeast region and West Bengal on Sunday, nurses from a hospital in Assam's Nagaon acted heroically, ensuring the safety of newborns as tremors hit the region.

(Source: Third Party)

(Full video available on PTI… pic.twitter.com/MOFUmU93QY

— Press Trust of india (@PTI_News) September 15, 2025

അസമിലെ ഒരു നഴ്‌സിങ് ഹോമിൽനിന്നുള്ള വീഡിയോയാണിതെന്നാണ് വിവരം. ഭൂകമ്പത്തിൽ മുറിയിലെ വസ്തുക്കളെല്ലാം ആടിയുലയുന്നതിനിടെ, കുട്ടികൾ നിലത്തുവീഴാതെ നഴ്സുമാർ ചേർത്തുപിടിക്കുന്നതിന്റെ സിസിടിവി ദൃശ്യങ്ങളാണ് സമൂഹ മാധ്യമങ്ങളിൽ പ്രചരിക്കുന്നത്. 

Also Read: 'ജയിച്ചവർ തോറ്റവരെ കളിയാക്കരുത്'; മൂന്നാം ക്ലാസ്സുകാരന്റെ ഉത്തരക്കടലാസ്സ് പങ്കുവച്ച് വിദ്യാഭ്യാസ മന്ത്രി

അതേസമയം, ഗുവാഹത്തിയിൽ നിന്ന് 110 കിലോമീറ്റർ അകലെയുള്ള ഉഡൽഗുരി ജില്ലയാണ് ഭൂകമ്പത്തിന്റെ പ്രഭവകേന്ദ്രമെന്ന് കാലാവസ്ഥാ വകുപ്പ് അറിയിച്ചു. തുടർചലനങ്ങളിൽ ഒന്നിന്റെ പ്രഭവകേന്ദ്രം സോണിത്പൂരാണെന്നും ഉദ്യോഗസ്ഥർ പറഞ്ഞു.

Read More: 'ഇജ്ജ് സുലൈമാനല്ല ഹനുമാനാണ്;' സ്രാവിനെയും തോളിലിട്ടുള്ള ആ വരവ് കണ്ടോ?