സിദ്ധാർത്ഥുമായുള്ള വിവാഹം, ഗൂഗിൾ ട്രെൻഡിങ്ങിൽ ഇടംപിടിച്ച് അദിതി റാവു ഹൈദരലി

ഏറെ നാളത്തെ പ്രണയത്തിനുശേഷം സിദ്ധാർത്ഥും അദിതി റാവു ഹൈദരലിയും വിവാഹിതരായി. ഹിന്ദു ആചാരപ്രകാരം ലളിതമായ ചടങ്ങുകളോടെയാണ് വിവാഹം നടന്നത്. വിവാഹ വാർത്ത പുറത്തുവന്നതോടെ ഗൂഗിൾ ട്രെൻഡിങ്ങിൽ ഇടംപിടിച്ചിരിക്കുകയാണ് അദിതി. കഴിഞ്ഞ 24 മണിക്കൂറിനിടെ ഗൂഗിൾ ട്രെൻഡിങ് ടോപ്പിൽ ഇടം പിടിച്ചവരിൽ അദിതിയുമുണ്ട്.

ട്രെൻഡ് ഡോട് ഗൂഗിൾ പ്രകാരം 200,000 പേരാണ് അദിതിയെ ഗൂഗിളിൽ സെർച്ച് ചെയ്തത്. സിദ്ധാർത്ഥുമായുള്ള വിവാഹത്തെക്കുറിച്ചുള്ള സൂചനകളൊന്നും തന്നെ താരം നൽകിയിരുന്നില്ല. ഇന്നലെ വിവാഹ ചിത്രങ്ങൾ ഇരുവരും പങ്കുവച്ചതോടെയാണ് വിവാഹത്തെക്കുറിച്ച് ലോകം അറിഞ്ഞത്. 

മിസ്സിസ് & മിസ്റ്റർ അദു-സിദ്ധു എന്നാണ് ചിത്രങ്ങളിൽ ഇരുവരും വിശേഷിപ്പിച്ചത്. മഹാ സമുദ്രം (2021) എന്ന സിനിമയുടെ സെറ്റിൽ വെച്ചാണ് അദിതിയും സിദ്ധാർത്ഥും പ്രണയത്തിലായത്. അദിതി മുമ്പ് നടൻ സത്യദീപ് മിശ്രയെ വിവാഹം കഴിച്ചിരുന്നു. ഇരുവരും പിന്നീട് വേർപിരിയുകയും സത്യദീപ് ഫാഷൻ ഡിസൈനർ മസാബയെ വിവാഹം കഴിക്കുകയും ചെയ്തു.

ചിറ്റയിലാണ് സിദ്ധാർത്ഥ് അവസാനം അഭിനയിച്ചത്. ചിത്രം വലിയ ഹിറ്റായിരുന്നു. അദിതി റാവു ഹൈദാരി കഴിഞ്ഞ രണ്ട് വർഷമായി പുതിയ ചിത്രങ്ങളിലൊന്നിലും അഭിനയിച്ചിട്ടില്ല. 'ഗാന്ധി ടോക്‌സ്', ഇംഗ്ലീഷ് സിനിമയായ 'ലയണസ്' എന്നിവയാണ് അദിതിയുടെ വരാനിരിക്കുന്ന ചിത്രങ്ങൾ.

Read More

• 152 മനുഷ്യ വയസ്സിനു സമം; പൂച്ച മുത്തശി റോസി ഇനി ഓർമ്മ
• സത്യമാണോ എന്നറിയാൻ നുള്ളി നോക്കിയ നിമിഷം; നയൻതാരയെ ആദ്യം കണ്ട സന്തോഷം പങ്കിട്ട് പേളി മാണി
• ഞങ്ങൾ വിവാഹിതരായി; ചിത്രങ്ങളുമായി അദിതി റാവുവും സിദ്ധാർത്ഥും
• ഇനി മിസ്സിസ് & മിസ്റ്റർ അദു-സിദ്ധു; അദിതി- സിദ്ധാർത്ഥ് വിവാഹചിത്രങ്ങൾ
• ഓണക്കാലത്ത് ഒടിടിയിൽ കാണാൻ ഏറ്റവും പുതിയ ചിത്രങ്ങൾ