Waqf Amendment: വഖഫ് നിയമ ഭേദഗതി; വഖഫ് ഇസ്ലാം മതത്തിൽ അനിവാര്യമായ ആചാരമല്ലെന്ന് കേന്ദ്രസർക്കാർ സുപ്രീം കോടതിയിൽ

Waqf Amendment Act Updates: ന്യൂഡൽഹി: വഖഫ് ഭേദഗതി നിയമത്തിനെതിരെ സമർപ്പിച്ച ഹർജികളിൽ സുപ്രീംകോടതി ഇടക്കാല ഉത്തരവ് പുറപ്പെടുവിക്കരുതെന്ന് കേന്ദ്ര സർക്കാർ. വഖഫ് ഇസ്ലാം മതത്തിൽ അനിവാര്യമായ ഒരു ആചാരമല്ലെന്നും സോളിസിറ്റർ ജനറൽ തുഷാർ മെഹ്ത കേന്ദ്ര സർക്കാരിന് വേണ്ടി കോടതിയിൽ അറിയിച്ചു. 

വഖഫ് ബൈ യൂസർ എന്ന വ്യവസ്ഥ വഖഫ് ബോർഡിൽ വന്നത് 1954-ലെ നിയമത്തിലൂടെയാണ്. ഇതിൽ ചില ഭേദഗതികൾ മാത്രമാണ് നിലവിലെ ഭേദഗതിയിലൂടെ വരുത്തിയത്. അതിനാൽ ഹർജികളിൽ തിരക്കിട്ട് ഇടക്കാല ഉത്തരവ് പുറപ്പെടുവിക്കരുത് എന്നും സോളിസിറ്റർ ജനറൽ സുപ്രീംകോടതിയിൽ ആവശ്യപ്പെട്ടു.

എല്ലാ മതങ്ങളിലുമുള്ള ദാനത്തിന് സമാനമാണ് മുസ്ലീം മതവിശ്വാസം പറയുന്ന വഖഫ്. ഹിന്ദു, ക്രിസ്ത്യൻ, സിഖ് മതങ്ങളിലും ദാന സംവിധാനം നിലനിൽക്കുന്നുണ്ടെന്നും കേന്ദ്രം ചൂണ്ടിക്കാട്ടുന്നു. വഖഫ് ഒരു പള്ളിയോ ദർഗയോ പോലൊരു മത സ്ഥാപനമല്ല, സ്‌കൂളുകൾ അനാഥാലയങ്ങൾ എന്നിവയും ഉൾപ്പെടുന്നു. മുസ്ലിംകളല്ലാത്തവർക്കും വഖഫ് ചെയ്യാം എന്നാണ് വ്യവസ്ഥ. അതിനാലാണ് മുസ്ലിം മതവിശ്വാസികൾ അല്ലാത്തവർക്ക് വഖഫ് ബോർഡിൽ പ്രാതിനിധ്യം നൽകാമെന്ന വ്യവസ്ഥ ഉൾപ്പെടുത്തിയത് എന്നും കേന്ദ്ര സർക്കാർ വിശദീകരിക്കുന്നു.

വഖഫ് നിയമഭേദഗതി സ്റ്റേ ചെയ്യണമെന്ന് ആവശ്യപ്പെട്ട് സമർപ്പിക്കപ്പെട്ട ഒരു കൂട്ടം ഹർജികളാണ് സുപ്രീം കോടതിയുടെ മുന്നിലുള്ളത്. ഹർജികളിൽ ചീഫ് ജസ്റ്റിസ് ബി ആർ ഗവായ്, ജസ്റ്റിസ് അഗസ്റ്റിൻ ജോർജ് മാസി എന്നിവർ ഉൾപ്പെട്ട ബെഞ്ചാണ് വാദം കേൾക്കുന്നത്.

Read More

• വഖഫ് നിയമഭേദഗതി നിയമം; വാദം കേൾക്കുന്നത് സുപ്രീം കോടതി പുനരാംരംഭിച്ചു
• വഖഫ് ഭേദഗതി; നിയമം ഭാഗികമായി സ്റ്റേ ചെയ്യാന്‍ സുപ്രീം കോടതിക്ക് അധികാരമില്ല; സത്യവാങ്മൂലം സമർപ്പിച്ച് കേന്ദ്രം
• Waqf Amendment: വഖഫ് ഭേദഗതി; തൽസ്ഥിതി തുടരണമെന്ന് സുപ്രീം കോടതി; മറുപടി നൽകാൻ കേന്ദ്രത്തിന് 7 ദിവസം സമയം
• Waqf Amendment വഖഫ് നിയമഭേദഗതി; മുസ്ലീം ജനവിഭാഗത്തിനിടയിൽ പ്രചാരണവുമായി ബി.ജെ.പി.
• Waqf Amendment Bill: വഖഫ് നിയമഭേദഗതി; സുപ്രീംകോടതി ഇന്ന് ഇടക്കാല ഉത്തരവിറക്കിയേക്കും
• Waqf Amendment Bill: മുസ്ലീങ്ങളെ ഹിന്ദു ട്രസ്റ്റുകളുടെ ഭാഗമാക്കാൻ അനുവദിക്കുമോ? കേന്ദ്രത്തോട് സുപ്രീം കോടതി