യുപിയിൽ റെയിൽവേ സ്റ്റേഷൻ കെട്ടിടം തകർന്ന് അപകടം; നിരവധി പേർ കുടുങ്ങി

ഡൽഹി: ഉത്തർപ്രദേശിൽ നിര്‍മാണപ്രവര്‍ത്തനങ്ങള്‍ക്കിടെ റെയിൽവേ സ്റ്റേഷൻ കെട്ടിടം തകർന്ന് അപകടം. കനൗജ് റെയിൽവേ സ്റ്റേഷനിലാണ് സംഭവം. തകർന്നു വീണ കെട്ടിടാവശിഷ്ടങ്ങൾക്കടിയിൽ നിരവധി തൊഴിലാളികൾ കുടുങ്ങിക്കിടക്കുന്നതായാണ് വിവരം.

പരിക്കേറ്റ ആറു തൊഴിലാളികളെ രക്ഷപ്പെടുത്തി ആശുപത്രിയിൽ പ്രവേശിപ്പിച്ചതായി പൊലീസ് അറിയിച്ചു. നിർമ്മാണത്തിലിരിക്കുന്ന മേൽക്കൂര തകർന്നതാണ് അപകടമുണ്ടായതെന്ന്, രക്ഷാപ്രവർത്തനത്തിന് മേൽനോട്ടം വഹിക്കുന്ന ജില്ലാ മജിസ്‌ട്രേറ്റ് ശുഭ്രാന്ത് കുമാർ ശുക്ല പറഞ്ഞു.

At a railway station in #UttarPradesh's #Kannauj, a partially built lintel suddenly gave way, trapping several workers beneath the rubble. The workers were busy with station renovation work when disaster struck.

Rescue efforts have successfully pulled 11 people from the… pic.twitter.com/gBsqtWK7si

— Hate Detector 🔍 (@HateDetectors) January 11, 2025

കുടുങ്ങിക്കിടക്കുന്ന തൊഴിലാളികളെ രക്ഷിക്കുകയാണ് പ്രഥമ പരിഗണനയെന്നും അദ്ദേഹം കൂട്ടിച്ചേർത്തു. എസ്‌ഡിആർഎഫ്, ആർപിഎഫ്, ജിആർപി സംഘങ്ങളുടെയും ലോക്കൽ പൊലീസിന്റെയും സാനിധ്യത്തിൽ മണ്ണൂമാന്തിയന്ത്രങ്ങൾ ഉൾപ്പെടെയെത്തിച്ചാണ് രക്ഷാപ്രവർത്തനം നടത്തുന്നത്.

നവീകരണ പ്രവർത്തനങ്ങൾ നടക്കുകയായിരുന്ന രണ്ടുനില കെട്ടിടത്തിന്റെ മേൽക്കൂരയാണ് തകർന്ന് വീണത്. മേൽക്കൂരയുടെ സ്ലാബ് തകരുമ്പോൾ 40 ഓളം പേർ നിർമ്മാണ സ്ഥലത്ത് ഉണ്ടായിരുന്നുവെന്നാണ് റിപ്പോർട്ട്. പ്രദേശത്ത് അത്യാഹിത മെഡിക്കൽ സംഘങ്ങളെ വിന്യസിച്ചിട്ടുണ്ട്.

Read More

• തെറ്റുകൾ സംഭവിച്ചിട്ടുണ്ടാകാം, ഞാനും മനുഷ്യനാണ് ദൈവമല്ല: പ്രധാനമന്ത്രി മോദി
• നിമിഷപ്രിയയുടെ മോചനം; മരിച്ച തലാലിന്റെ കുടുംബവുമായി ഇറാൻ പ്രതിനിധികൾ സംസാരിച്ചു
• ലോസ് ഏഞ്ചൽസിലെ കാട്ടുതീയിൽ അഞ്ചു മരണം; ഹോളിവുഡ് മലനിരകളേയും തീ വിഴുങ്ങി
• ചരിത്രത്തിലാദ്യമായി താലിബാനുമായി ചർച്ച നടത്തി ഇന്ത്യ; കാരണങ്ങൾ ഇതാണ്
• ടിബറ്റിൽ ഭൂചലനം; മരണം 95ആയി
• മതവികാരം വ്രണപ്പെടുത്തി; സാഹിത്യകാരൻ ദത്ത ദാമോദറിനെതിരെ കേസ്