തമിഴ്‌നാട്ടിൽ ട്രെയിനുകൾ കൂട്ടിയിടിച്ചു; തീപിടിത്തം: കോച്ചുകൾ പാളം തെറ്റി

ചെന്നൈ: തമിഴ്‌നാട്ടിൽ ട്രെയിനുകൾ കൂട്ടിയിടിച്ച് അപകടം. ഗുഡ്‌സ് ട്രെയിനും മൈസൂരു - ദർഭംഗ എക്‌സ്പ്രസുമാണ് (12578) കൂട്ടിയിടിച്ചത്. തിരുവള്ളൂരിന് സമീപം കാവേരിപേട്ടയിൽ രാത്രി 8.21-ഓടെയായിരുന്നു അപകടം.ചെന്നെ സെൻട്രൽ സ്റ്റേഷനിൽ നിന്ന് 40 കിലോമീറ്റർ അകലെയാണ് അപകടം നടന്ന സ്ഥലം.

ചരക്ക് തീവണ്ടിയുടെ പിൻവശത്ത് ദർഭംഗ എക്‌സ്പ്രസ് വന്ന് ഇടിക്കുകയായിരുന്നുവെന്നാണ് വിവരം. ഇടിയുടെ ആഘാതത്തിൽ ആറ്കോച്ചുകൾ പാളം തെറ്റി. മൂന്ന് കോച്ചുകൾക്ക് തീപിടിച്ചതായും റിപ്പോർട്ടുകളുണ്ട്.അപകടത്തിൽ ആളപായമില്ലെന്ന് ദക്ഷിണ റെയിൽവേ അധികൃതർ അറിയിച്ചു. ആർക്കും പരിക്ക് ഗുരുതരമല്ലെന്നാണ് പുറത്തുവരുന്ന വിവരങ്ങൾ. 

An Mysuru-Darbhanga Express train collided with a #goods train in Tiruvallur, Tamil Nadu, leading to a fire in two coaches of the passenger train. #Trainaccident#chennai#trainpic.twitter.com/15abfDEMCN

— Madhuri Adnal (@madhuriadnal) October 11, 2024

ഇടിയുടെ ആഘാതത്തിലാണ് ട്രെയിനിന് തീപിടിച്ചതെന്നാണ് വിവരം. അപകടത്തിന് കാരണം തെറ്റായ സിഗ്നലാണെന്നാണ് പുറത്തുവരുന്ന റിപ്പോർട്ട്. സംഭവത്തിൽ റെയിൽവേ അന്വേഷണത്തിന് ഉത്തരവിട്ടു. രക്ഷാപ്രവർത്തനത്തിന് എൻഡിആർഎഫിന്റെ രണ്ട് ടീമുകൾ പ്രദേശത്തേക്ക് തിരിച്ചിട്ടുണ്ട്. അപകടത്തിൽ ആളപായമില്ലെന്ന് ദക്ഷിണ റെയിൽവേ അധികൃതർ അറിയിച്ചു.

റെയിൽവേയുടെ ഉന്നതഉദ്യോഗസ്ഥർ സംഭവ സ്ഥലത്ത് ക്യാമ്പ് ചെയ്യുന്നുണ്ട്. തമിഴ്നാട് മുഖ്യമന്ത്രി എംകെ സ്റ്റാലിൻറ നിർദേശ പ്രകാരം മന്ത്രി എം നാസർ സ്ഥലത്ത് ക്യാമ്പ് ചെയ്ത് രക്ഷാപ്രവർത്തനം ഏകോപിപ്പിക്കുന്നുണ്ട്‌.

അപകടത്തെ തുടർന്ന്‌ ദക്ഷിണ റെയിൽവേ ചെന്നൈ ഡിവിഷൻ ഹെൽപ്പ് ലൈൻ നമ്പറുകൾ തുടങ്ങിയിട്ടുണ്ട്. ഫോൺ- 044 25354151, 044 24354995

വഴിതിരിച്ചുവിടുന്ന ട്രെയിനുകൾ

1. 12621 ചെന്നൈ ന്യൂ ഡൽഹി എക്സ്പ്രസ്
2. 13352 ആലപ്പുഴ ധൻബാദ് എക്സ്പ്രസ്
3. 18190 എറണാകുളം ടാറ്റ എക്സ്പ്രസ്
4. 12664 തിരുച്ചിറപ്പള്ളി ഹൗറ എക്സ്പ്രസ്
5. 07696 രാമഗുണ്ടം സെക്കന്തരാബാദ് സ്പെഷ്യൽ
6. 06063 കോയമ്പത്തൂർ ധൻബാദ് എക്സ്പ്രസ് പ്രത്യേക ട്രെയിൻ
7. 13351 ധൻബാദ് ആലപ്പുഴ എക്സ്പ്രസ്
8. 02122 ജബൽപൂർ മധുര എക്സ്പ്രസ്

Read More

• ആശ്വാസം; ട്രിച്ചി-ഷാർജ വിമാനം സുരക്ഷിതമായി തിരിച്ചിറക്കി
• Noel Tata:ടാറ്റയെ ഇനി നോയൽ നയിക്കും
• രത്തൻ ടാറ്റ: മനുഷ്യ സ്‌നേഹിയായ വ്യവസായ ഇതിഹാസം
• രത്തൻ ടാറ്റ ഇനി ഓർമ്മ
• രത്തൻ ടാറ്റയുടെ ആരോഗ്യ നില ഗുരുതരമെന്ന് റിപ്പോർട്ട്