Nobel Prize Chemistry: മെറ്റൽ-ഓർഗാനിക് ഫ്രെയിം വർക്ക് വികസനം; മൂന്നു ശാസ്ത്രജ്ഞർക്ക് രസതന്ത്ര നൊബേൽ

Nobel Prize Winners in Chemistry 2025: ഡൽഹി: 2025 ലെ രസതന്ത്ര നൊബേൽ പുരസ്‌കാരം മൂന്ന് ശാസ്ത്രജ്ഞർക്ക്. സുസുമു കിറ്റഗാവ, റിച്ചാർഡ് റോബ്സൺ, ഒമർ എം. യാഗി എന്നിവർക്കാണ് പുരസ്കാരം. മെറ്റൽ-ഓർഗാനിക് ഫ്രെയിം വർക്കുകളുടെ വികസനത്തിന് തുടക്കമിട്ടതിനാണ് അംഗീകാരമെന്ന് റോയൽ സ്വീഡിഷ് അക്കാദമി ഓഫ് സയൻസസ് ചൊവ്വാഴ്ച പ്രഖ്യാപിച്ചു. 

ജപ്പാനിലെ ക്യോട്ടോ സർവകലാശാലയിൽ നിന്ന് പിഎച്ച്ഡി നേടിയ സുസുമു കിറ്റഗാവ ക്യോട്ടോ സർവകലാശാലയിൽ പ്രൊഫസറാണ്. യുകെയിലെ ഓക്സ്ഫോർഡ് സർവകലാശാലയിൽ നിന്ന് പിഎച്ച്ഡിയെടുത്ത റിച്ചാർഡ് റോബ്‌സൺ, ഓസ്‌ട്രേലിയയിലെ മെൽബൺ സർവകലാശാലയിൽ പ്രൊഫസറാണ്. യുഎസിലെ ബെർക്ക്‌ലിയിലെ കാലിഫോർണിയ സർവകലാശാലയിലെ പ്രൊഫസറാണ് ഒമർ എം. യാഗി.

Through the development of metal–organic frameworks, 2025 chemistry laureates Susumu Kitagawa, Richard Robson and Omar Yaghi have provided chemists with new opportunities for solving some of the challenges we face.

Following the laureates’ groundbreaking discoveries, researchers… pic.twitter.com/xaB998h3bD

— The Nobel Prize (@NobelPrize) October 8, 2025

11 ദശലക്ഷം സ്വീഡിഷ് ക്രൗൺ (ഏകദേശം 1.2 ദശലക്ഷം ഡോളർ) സമ്മാനത്തുകയാണ് വിജയികൾക്ക് ലഭിക്കുക. ആൽഫ്രഡ് നോബലിന്റെ ചരമവാർഷികത്തോടനുബന്ധിച്ച് ഡിസംബർ 10 ന് സ്റ്റോക്ക്ഹോമിൽ നടക്കുന്ന ചടങ്ങിൽ സ്വീഡിഷ് രാജാവ് നൊബേൽ ജേതാക്കൾക്ക് മെഡലുകൾ സമ്മാനിക്കും.

Also Read: ക്വാണ്ടം ഗവേഷണം; മൂന്ന് ഭൗതിക ശാസ്ത്രജ്ഞർക്ക് നൊബേൽ

ഈ വർഷത്തെ ഭൗതികശാസ്ത്ര നൊബേൽ പുരസ്‌കാരം ഇന്നലെ പ്രഖ്യാപിച്ചിരുന്നു. ജോൺ ക്ലാർക്ക്, മൈക്കൽ എച്ച് ഡെവോറെറ്റ്, ജോൺ എം മാർട്ടിനിസ് എന്നിവരാണ് പുരസ്‌കാരത്തിന് അർഹരായത്. മാക്രോസ്‌കോപ്പിക് ക്വാണ്ടം മെക്കാനിക്കൽ ടണലിംഗും ഇലക്ട്രിക് സർക്യൂട്ടുകളിലെ ഊർജ്ജ ക്വാണ്ടൈസേഷനും സംബന്ധിച്ച ഗവേഷണത്തിനാണ് അംഗീകാരം. 

Also Read: ട്രംപിന് നോബൽ സമ്മാനം നേടണമെങ്കിൽ ഗാസ യുദ്ധം അവസാനിപ്പിക്കണം: ഇമ്മാനുവൽ മാക്രോൺ

നേരത്തെ വൈദ്യശാസ്ത്രത്തിനുള്ള നൊബേൽ അമേരിക്കൻ ശാസ്ത്രജ്ഞരായ മേരി ഇ ബ്രൻകോവ്, ഫ്രെഡ് റാംസ്‌ഡെൽ, ജപ്പാനിലെ ഒസാക സർവകലാശാലയിലെ ഷിമോൺ സകാഗുച്ചി എന്നിവർ പങ്കിട്ടിരുന്നു.  വ്യാഴാഴ്ച ഈ വർഷത്തെ സാഹിത്യത്തിനുള്ള നോബേൽ പ്രഖ്യാപിക്കും. സമാധാന നൊബേൽ പത്താം തീയതിയും സാമ്പത്തിക ശാസ്ത്ര നൊബേൽ ഒക്ടോബർ പതിമൂന്നിനും പ്രഖ്യാപിക്കും.

Read More: ഏഴ് യുദ്ധങ്ങൾ അവസാനിപ്പിച്ചു, നോബൽ സമ്മാനത്തിന് താൻ അർഹൻ: ഡൊണാൾഡ് ട്രംപ്