ഏഴ് യുദ്ധങ്ങൾ അവസാനിപ്പിച്ചു, നോബൽ സമ്മാനത്തിന് താൻ അർഹൻ: ഡൊണാൾഡ് ട്രംപ്

ന്യൂയോർക്ക്: ഇന്ത്യ-പാക് വെടിനിർത്തലിൽ വീണ്ടും അവകാശവാദവുമായി യുഎസ് പ്രസിഡന്റ് ഡൊണാൾഡ് ട്രംപ്. ഇന്ത്യയും പാക്കിസ്ഥാനും തമ്മിലുള്ള സംഘർഷങ്ങൾ അവസാനിപ്പിക്കുന്നതിൽ താൻ നിർണായക പങ്കുവഹിച്ചെന്നും ട്രംപ് പറഞ്ഞു. നേരത്തെ ട്രംപിന്റെ ഇത്തരം അവകാശവാങ്ങളെ പൂർണമായി തള്ളി ഇന്ത്യ രംഗത്തെത്തിയിരുന്നു.

Also Read:പോളണ്ടിൻ്റെ വ്യോമാതിർത്തിയിൽ റഷ്യൻ ഡ്രോണുകൾ; പ്രതിരോധിക്കാൻ ബ്രിട്ടീഷ് വ്യോമസേന

താൻ ഇടപെട്ട് ലോകത്ത് ഏഴ് യുദ്ധങ്ങൾ അവസാനിപ്പിച്ചു. സമാധാനത്തിനുള്ള നോബൽ സമ്മാനത്തിന് താൻ അർഹനാണെന്നും ശനിയാഴ്ച അമേരിക്കൻ കോർണര്‍‌സ്റ്റോൺ ഇൻസ്റ്റിറ്റ്യൂട്ടിന്റെ അത്താഴവിരുന്നിൽ സംസാരിക്കവേ ട്രംപ് പറഞ്ഞു.

Also Read:ന്യൂയോർക്ക് ടൈംസിനെതിരെ മാനനഷ്ടകേസ് നൽകി ട്രംപ്

ഇന്ത്യയെയും പാക്കിസ്ഥാനെയും കുറിച്ച് ചിന്തിക്കൂ. ഇരുരാജ്യങ്ങൾക്കും ഇടയിലുള്ള സംഘർഷം ഞാൻ എങ്ങനെ നിർത്തിയെന്ന് നിങ്ങൾക്കറിയാം.രണ്ട് രാജ്യങ്ങളുടെ നേതാക്കൻമാരോടും എനിക്ക് ബഹുമാനമുണ്ട്. നിലവിൽ രണ്ട് രാജ്യങ്ങളും വ്യാപാര ബന്ധത്തിന് ആഗ്രഹിക്കുന്നു-ട്രംപ് പറഞ്ഞു. ഒന്നിലധികം സംഘർഷങ്ങൾ പരിഹരിക്കുന്നതിൽ വ്യാപാരം നിർണായക പങ്ക് വഹിച്ചിട്ടുണ്ടെന്ന് അദ്ദേഹം കൂട്ടിച്ചേർത്തു.

Also Read:അനധികൃത കുടിയേറ്റത്തിനോട് ഇനി മൃദൂസമീപനമില്ല; ഇന്ത്യൻ വംശജന്റെ കൊലയ്ക്ക് പിന്നാലെ നിലപാട് കടുപ്പിച്ച് ട്രംപ്

ഇന്ത്യ, പാകിസ്ഥാൻ, തായ്ലൻഡ്, കംബോഡിയ, അർമേനിയ, അസർബൈജാൻ, കൊസോവോ, സെർബിയ, ഇസ്രായേൽ, ഇറാൻ, ഈജിപ്ത്, എത്യോപ്യ, റുവാണ്ട, കോംഗോ തുടങ്ങിയ രാജ്യങ്ങൾ തമ്മിലുള്ള സംഘർഷങ്ങൾ താൻ ഇടപെട്ട് ഒഴിവാക്കിയെന്നാണ് ട്രംപിന്റെ അവകാശവാദം. ഈ സംഘർഷങ്ങളിൽ 60 ശതമാനവും വ്യാപാരം മൂലമാണ് നിർത്തിയതെന്നും ട്രംപ് പറഞ്ഞു.

Read More:ഗാസയിൽ വ്യോമാക്രണം കടുപ്പിച്ച് ഇസ്രയേൽ; ഹമാസ് കമാൻഡറെ വധിച്ച് ഐഡിഎഫ്