സ്റ്റാർട്ടപ്പിൽ ആകാശം മുട്ടുന്ന നേട്ടവുമായി അഗ്നികുൽ; ആദ്യത്തെ ത്രീഡി പ്രിന്റഡ് റോക്കറ്റ് വിക്ഷേപണം വിജയകരം

ശ്രീഹരിക്കോട്ട: ബഹിരാകാശ രംഗത്ത് ചരിത്രപരമായ നേട്ടവുമായി ഇന്ത്യൻ സ്റ്റാർട്ടപ്പായ അഗ്നികുൽ കോസ്‌മോസ്. ലോകത്തിലെ തന്നെ ആദ്യത്തെ സിംഗിൾ-പീസ് ത്രീഡി പ്രിന്റ് റോക്കറ്റ് എഞ്ചിൻ ഉപയോഗിച്ച് പ്രവർത്തിക്കുന്ന ആദ്യത്തെ ഉപ-ഭ്രമണപഥ പരീക്ഷണ വാഹനം വിജയകരമായി പരീക്ഷിച്ചുകൊണ്ടാണ് അഗ്നികുൽ കോസ്മോസ് ബഹിരാകാശ രംഗത്തെ നേട്ടം കൈവരിച്ചിരിക്കുന്നത്. മുമ്പ് നാല് തവണ ശ്രമിച്ചിരുന്നെങ്കിലും വിക്ഷേപണം വിജയകരമായിരുന്നില്ല. 

അഗ്നിബാൻ SOrTeD (സബ്-ഓർബിറ്റൽ ടെക്നോളജി ഡെമോൺസ്‌ട്രേറ്റർ) വ്യാഴാഴ്ച രാവിലെ 7.15 നാണ് പറന്നുയർന്നത്. ഇന്ത്യയിലെ ഒരു സ്വകാര്യ സ്റ്റാർട്ടപ്പിന്റെ രണ്ടാമത്തെ വിക്ഷേപണമാണിതെങ്കിൽ, ശ്രീഹരിക്കോട്ടയിലെ രാജ്യത്തെ ഏക പ്രവർത്തന സ്‌പേസ്‌പോർട്ടിൽ കമ്പനി സ്ഥാപിച്ചിട്ടുള്ള ഒരു സ്വകാര്യ ലോഞ്ച്പാഡ് ആദ്യമായി ഉപയോഗിക്കുന്നു എന്ന പ്രത്യേകത അഗ്നികുലിന്റെ ദൗത്യത്തിനുണ്ട്. 

അഗ്നികുൽ കോസ്മോസിന്റെ അഗ്നിബാൻ SOrTeD വിജയകരമായി വിക്ഷേപിച്ചതിൽ സന്തോഷിക്കുന്നുവെന്ന് ഇന്ത്യയുടെ ബഹിരാകാശ മേഖലയ്ക്ക് ഒരു ചരിത്ര നിമിഷമാണിതെന്നും ഇൻ-സ്‌പേസ് ചെയർമാൻ ഡോ. പവൻ ഗോയങ്ക പറഞ്ഞു. . ലോകത്തിലെ ആദ്യത്തെ സിംഗിൾ പീസ് 3D പ്രിൻ്റഡ് സെമി-ക്രയോജനിക് എഞ്ചിൻ ഉപയോഗിച്ച് പ്രവർത്തിക്കുന്ന ഈ നേട്ടം നമ്മുടെ യുവ കണ്ടുപിടുത്തക്കാരുടെ മികവ് തെളിയിക്കുന്നതാണെന്നും അദ്ദേഹം കൂട്ടിച്ചേർത്തു. 

നേട്ടത്തിൽ സ്റ്റാർട്ടപ്പ് കമ്പിനിയെ അഭിനന്ദിച്ചുകൊണ്ട് ഐഎസ്ആർഒയും രംഗത്തെത്തി. "അഡിറ്റീവ് നിർമ്മാണത്തിലൂടെ ആദ്യമായി ഒരു സെമി-ക്രയോജനിക് ലിക്വിഡ് എഞ്ചിന്റെ നിയന്ത്രിത വിമാനം എന്ന നിലയിൽ ഇതൊരു പ്രധാന നാഴികക്കല്ലാണ്" ഐഎസ്ആർഒ എക്സിൽ കുറിച്ചു. 

എഞ്ചിൻ ഭാഗങ്ങൾ പ്രത്യേകം നിർമ്മിക്കുകയും പിന്നീട് കൂട്ടിച്ചേർക്കുകയും ചെയ്യുന്നതാണ് സാധാരണയുള്ള പ്രവർത്തനരീതി. എന്നാൽ 3D പ്രിന്റഡ് നിർമ്മാണ പ്രക്രിയ ഉപയോഗിക്കുന്നതിലൂടെ ലോഞ്ച് ചെലവ് കുറയ്ക്കാനും വാഹന അസംബ്ലി സമയം കുറയ്ക്കാനും സഹായിക്കും. ചെറിയ ഉപഗ്രഹങ്ങൾക്ക് താങ്ങാനാവുന്ന വിക്ഷേപണ സേവനങ്ങൾ നൽകാനാണ് കമ്പനി ലക്ഷ്യമിടുന്നതെന്നും അഗ്നികുൽ വ്യക്തമാക്കി. 

"ഇന്ത്യയുടെ ആദ്യത്തെ സെമി-ക്രയോ റോക്കറ്റ് എഞ്ചിൻ അവതരിപ്പിക്കുന്നതിൽ ഞങ്ങൾ അഭിമാനിക്കുന്നു, ഇത് ലോകത്തിലെ ഏറ്റവും സംയോജിത സിംഗിൾ ഷോട്ട് 3D പ്രിന്റഡ് പീസ് കൂടിയാണ്. സമാനതകളില്ലാത്ത റോക്കറ്റുകൾ വേഗത്തിൽ കൂട്ടിച്ചേർക്കാനുള്ള കഴിവാണ് ഇതിന്റെ പ്രത്യേകത". സ്ഥാപക ഉപദേഷ്ടാവായ അഗ്നികുൽ കോസ്മോസും മദ്രാസ് ഐഐടിയിലെ നാഷണൽ സെന്റർ ഫോർ കംബഷൻ റിസർച്ച് ആൻഡ് ഡെവലപ്‌മെന്റ് തലവനുമായ പ്രൊഫ സത്യനാരായണൻ ആർ ചക്രവർത്തി പറഞ്ഞു.

ഐഐടി മദ്രാസ് ഇൻകുബേറ്റഡ് സ്റ്റാർട്ടപ്പ് വികസിപ്പിച്ച വിക്ഷേപണ വാഹനം ഇന്ത്യയിലെ ആദ്യത്തെ സെമി ക്രയോജനിക് എഞ്ചിനാണ്. അഗ്‌നിലെറ്റ് എന്ന് വിളിക്കുന്ന എഞ്ചിനിൽ സബ്-കൂൾഡ് ഓക്‌സിജനാണ് ഇന്ധനമായി ഉപയോഗിക്കുന്നത്. ഇന്ത്യയിലെ ഏറ്റവും ഭാരമേറിയ വിക്ഷേപണ വാഹനമായ എൽവിഎം3യുടെ മുകൾ ഘട്ടങ്ങളിൽ ഉപയോഗിച്ചത് പോലെയുള്ള ക്രയോജനിക് എഞ്ചിനുകൾ, വളരെ കുറഞ്ഞ താപനിലയിൽ ദ്രവീകരിക്കപ്പെട്ട വാതകങ്ങളെ ഇന്ധനമായി ഉപയോഗിക്കുന്നവയാണ്.

ധനുഷ് എന്ന് പേരിട്ടിരിക്കുന്ന മൊബൈൽ ലോഞ്ച്പാഡിൽ നിന്ന് ഏത് സ്ഥലത്തുനിന്നും വിക്ഷേപിക്കാവുന്ന തരത്തിലാണ് വിക്ഷേപണ വാഹനം രൂപകൽപ്പന ചെയ്തിരിക്കുന്നത്. ഇത് ഒരു സബോർബിറ്റൽ ലോഞ്ച് ആയിരുന്നെങ്കിലും, വാഹനത്തിന് 30 കിലോ മുതൽ 300 കിലോഗ്രാം വരെ പേലോഡുകൾ പറക്കാൻ കഴിയും.

കടലിൽ തെറിച്ചു വീഴുന്നതിന് മുമ്പ് ഏകദേശം 8 കിലോമീറ്റർ ഉയരത്തിൽ എത്താനാണ് ദൗത്യം രൂപകൽപ്പന ചെയ്തിരിക്കുന്നത്. സാമ്പത്തിക വർഷം അവസാനത്തോടെ ഭൂമിക്ക് ചുറ്റുമുള്ള ഒരു ഭ്രമണപഥത്തിലേക്ക് ഉപഗ്രഹങ്ങളെ കൊണ്ടുപോകാൻ കഴിയുന്ന ആദ്യത്തെ പരിക്രമണ വിക്ഷേപണം നടത്താൻ കമ്പനി ലക്ഷ്യമിടുന്നു. 2022-ൽ ആദ്യ ഉപ ഭ്രമണപഥ വിക്ഷേപണം നടത്തിയ മറ്റൊരു സ്വകാര്യ വിക്ഷേപണ ദാതാക്കളായ സ്കൈറൂട്ടും ഈ വർഷം അതിന്റെ ആദ്യ പരിക്രമണ വിക്ഷേപണം നട്ടത്താൻ സാധ്യതയുണ്ട്.

“ടീമിന്റെ 1000 മണിക്കൂർ നീണ്ട അവലോകനങ്ങളുടെയും കഠിനാധ്വാനത്തിന്റെയും ഫലമാണിത്. ഇന്ത്യയിൽ യഥാർത്ഥ ബഹിരാകാശ യോഗ്യമായ ഹാർഡ്‌വെയർ രൂപകൽപ്പന ചെയ്യാനും നിർമ്മിക്കാനും ഇൻ-സ്‌പേസിന്റേയും ഐഎസ്ആർഒയുടെയും പൂർണ്ണ പിന്തുണയും അവസരവും ലഭിച്ചതിൽ ഞങ്ങൾ അനുഗ്രഹീതരാണ്, ”അഗ്നികുൽ കോസ്‌മോസിന്റെ സഹസ്ഥാപകനും സിഇഒയുമായ ശ്രീനാഥ് രവിചന്ദ്രൻ പറഞ്ഞു.

Read More

• മോദിയെ മഹാവിഷ്ണുവിന്റെ അവതാരമാക്കാൻ ശ്രമിക്കുന്നു; ബിജെപിക്കെതിരെ മല്ലികാർജ്ജുൻ ഖാർഗെ
• 'ഏകാധിപത്യം,' പഞ്ചാബ് സർക്കാരിനെ താഴെയിറക്കുമെന്ന് അമിത് ഷാ ഭീഷണിപ്പെടുത്തി: അരവിന്ദ് കെജ്രിവാൾ
• ഇൻഡിഗോ വിമാനത്തിൽ ബോംബ് ഭീഷണി, യാത്രക്കാരെ ഒഴിപ്പിച്ചു
• പ്രജ്വല്‍ രേവണ്ണ നാട്ടിലേക്ക്; ഉടൻ കീഴടങ്ങുമെന്ന് വീഡിയോ സന്ദേശം
• അടുത്ത സർക്കാർ രൂപീകരിക്കും; ഇതിനകം തന്നെ ഭൂരിപക്ഷം സീറ്റുകൾ ഉറപ്പിച്ച് കഴിഞ്ഞെന്ന് അമിത് ഷാ