ജമ്മു കശ്മീരിൽ നിയന്ത്രണ രേഖയിൽ കുഴിബോംബ് സ്ഫോടനം; സൈനികന് വീരമൃത്യു

പൂഞ്ച്: ജമ്മു കശ്മീരിലെ പൂഞ്ചിൽ നിയന്ത്രണ രേഖയിൽ കുഴിബോംബ് സ്ഫോടനം. വെള്ളിയാഴ്ച ഉണ്ടായ സ്ഫോടനത്തിൽ ഒരു സൈനികൻ വീരമൃത്യു വരിക്കുകയും രണ്ടു പേർക്ക് പരിക്കേൽക്കുകയും ചെയ്തതായി അധികൃതർ അറിയിച്ചു.

കൃഷ്ണ ഘാട്ടിയിലെ ജനറൽ ഏരിയയിൽ പട്രോളിംഗ് നടത്തുന്നതിനിടെയാണ് സ്ഫോടനം ഉണ്ടായത്. അഗ്നിവീർ ജവാനാണ് കൊല്ലപ്പെട്ടത്. 7 ജെഎടി റെജിമെന്റിലെ അഗ്നിവീർ ലളിത് കുമാറാണ് കൊല്ലപ്പെട്ടതെന്ന് വൈറ്റ് നൈറ്റ് കോർപ്സ് എക്‌സിൽ കുറിച്ചു. "ദുഃഖകരമായ ഈ അവസരത്തിൽ അദ്ദേഹത്തിന്റെ കുടുംബത്തോടൊപ്പം നിലകൊള്ളുന്നുവെന്നും ആദരാഞ്ജലി അർപ്പിക്കുന്നതായും കുറിപ്പിൽ പറയുന്നു.

Also Read: അശ്ലീല ഉള്ളടക്കം; 25 ഒടിടി പ്ലാറ്റ്ഫോമുകൾ നിരോധിച്ച് കേന്ദ്രം

#GOC#WhiteKnightCorps and all ranks pay solemn tribute to Agniveer Lalit Kumar, who made the supreme sacrifice, while on an area domination patrol in general area of #Krishna Ghati brigade on 25 July 2025, following a mine blast.
We stand with the bereaved family in this hour of… pic.twitter.com/kA0VSNl5Qp

— White Knight Corps (@Whiteknight_IA) July 25, 2025

അതേസമയം, സ്ഫോടനത്തിൽ പരിക്കേറ്റ രണ്ടു ഉദ്യോഗസ്ഥരെയും സൈനിക ആശുപത്രിയിലേക്ക് മാറ്റിയതായി അധികൃതർ അറിയിച്ചു. ഇരുവരുടെയും ആരോഗ്യനില തൃപ്തികരമാണെന്നാണ് വിവരം. പരിക്കേറ്റവരിൽ ഒരാൾ ജൂനിയർ കമ്മീഷൻഡ് ഓഫീസർ ആണെന്ന് അധികൃതർ കൂട്ടിച്ചേർത്തു.

Read More:

• മണിപ്പൂരിൽ രാഷ്ട്രപതി ഭരണം നീട്ടും
• രാജസ്ഥാനിൽ സ്‌കൂൾ കെട്ടിടം തകർന്നുവീണു; ആറു കുട്ടികൾക്ക് ദാരൂണാന്ത്യം
• പലസ്തീനെ രാജ്യമായി അംഗീകരിക്കും; നിർണായക പ്രഖ്യാപനവുമായി ഫ്രാൻസ്