രാംനാഥ് ഗോയങ്ക പുരസ്‌കാരങ്ങൾ കേന്ദ്രമന്ത്രി നിതിൻ ഗഡ്കരി സമ്മാനിക്കും

മികച്ച മാധ്യമ പ്രവർത്തനത്തിനുള്ള രാംനാഥ് ഗോയങ്ക പുരസ്‌കാരങ്ങൾ ചൊവ്വാഴ്ച സമ്മാനിക്കും. 2021-22 വർഷങ്ങളിൽ ലോകം കടന്നുപോയ മഹാമാരികാലഘട്ടത്തിൽ പ്രസിദ്ധീകരിച്ച സ്റ്റോറികളെ ആദരിച്ചാണ് പുരസ്കാരങ്ങൾ നൽകുന്നത്. ന്യൂഡൽഹിയിൽ നടക്കുന്ന ചടങ്ങിൽ കേന്ദ്ര റോഡ് ഗതാഗത, ഹൈവേ മന്ത്രി നിതിൻ ഗഡ്കരി അവാർഡുകൾ നൽകും.

അന്വേഷണാത്മക പത്രപ്രവർത്തനം, കായികം, രാഷ്ട്രീയം, സർക്കാർ, പുസ്തകങ്ങൾ, ഫീച്ചർ രചന, പ്രാദേശിക ഭാഷ എന്നിവയുൾപ്പെടെ 13 വിഭാഗങ്ങളിലായാണ് പുരസ്കാരങ്ങൾ സമ്മാനിക്കുന്നത്. അച്ചടി, ഡിജിറ്റൽ, ബ്രോഡ്കാസ്റ്റ് മാധ്യമപ്രവർത്തകരിൽ നിന്നുള്ള 37 മികച്ച സംഭാവനകൾക്കാണ് അവാർഡുകൾ നൽകി ആദരിക്കുന്നത്. രാംനാഥ് ഗോയങ്ക ഫൗണ്ടേഷന്റെ നേതൃത്വത്തിലാണ് പുരസ്കാരം നൽകുന്നത്.

ജസ്റ്റിസ് ബി.എൻ. ശ്രീകൃഷ്ണ (സുപ്രീം കോടതി മുൻ ജഡ്ജി), പ്രൊഫ. ഡോ സി. രാജ് കുമാർ, ഡോ.എസ്.വൈ. ഖുറൈഷി (മുൻ മുഖ്യ തിരഞ്ഞെടുപ്പ് കമ്മീഷണർ), കെ.ജി സുരേഷ് (ഭോപ്പാൻ എംസിഎൻ യൂണിവേഴ്സിറ്റി ഓഫ് ജേർണലിസം ആൻഡ് കമ്മ്യൂണിക്കേഷൻ വൈസ് ചാൻസലർ), എന്നിവരടങ്ങിയ ജൂറിയാണ് 17-മത് എക്‌സലൻസ് അവാർഡുകൾ തിരഞ്ഞെടുക്കുന്നത്. 

പ്രധാനമന്ത്രി നരേന്ദ്ര മോദി, ചീഫ് ജസ്റ്റിസ് ഡി.വൈ ചന്ദ്രചൂഡ്, മുൻ രാഷ്ട്രപതിമാരായ പ്രതിഭാ പാട്ടീൽ, എ.പി.ജെ അബ്ദുൾ കലാം, രാംനാഥ് കോവിന്ദ്, മുൻ ഉപരാഷ്ട്രപതി വെങ്കയ്യ നായിഡു തുടങ്ങിയ പ്രമുഖർ, മുൻ വർഷങ്ങളിലെ രാംനാഥ് ഗോയങ്ക എക്‌സലൻസ് ഇൻ ജേർണലിസം അവാർഡിൽ മുഖ്യാതിഥിയായിട്ടുണ്ട്.

Read More:

• 'പ്രധാനമന്ത്രി ഗുണ്ടാ പിരിവ് യോജന': ഇലക്ടറൽ ബോണ്ടിൽ ബിജെപിക്കെതിരെ കോൺഗ്രസ്
• ലോക്സഭാ തിരഞ്ഞെടുപ്പ് ഏപ്രിൽ 19 മുതൽ ഏഴ് ഘട്ടങ്ങളിലായി ; കേരളത്തിൽ ഏപ്രിൽ 26 ന്
• ഇലക്ടറൽ ബോണ്ടുകൾ മോദിയുടെ 'ഗുണ്ടാ' പിരിവെന്ന് രാഹുൽ ഗാന്ധി
• തൊഴിലാളിയിൽനിന്നും ലോട്ടറി രാജാവായി മാറിയ സാന്റിയാഗോ മാർട്ടിൻ; തിരഞ്ഞെടുപ്പ് ബോണ്ട് വാങ്ങിയവരിൽ നമ്പർ 1
• ഇലക്ട്രൽ ബോണ്ട്; ആദ്യ അഞ്ചിൽ മൂന്നു കമ്പനികളും ബോണ്ട് വാങ്ങിയത് ഇഡി- ഐടി അന്വേഷണം നേരിടുമ്പോൾ