LPG Cylinder Price Hike: പാചകവാതക വില കൂടി; സിലണ്ടറിന് 50 രൂപ വർധിക്കും

LPG Cylinder Price Hike:ഡൽഹി: രാജ്യത്തെ, ഗാർഹിക ആവശ്യത്തിന് ഉപയോഗിക്കുന്ന പാചകവാതക വില കൂട്ടി. സിലിണ്ടറിന് 50 രൂപ വർധിപ്പിച്ചതായി കേന്ദ്രമന്ത്രി ഹർദീപ് സിങ് പുരി തിങ്കളാഴ്ച അറിയിച്ചു. ഉജ്ജ്വല, പൊതുവിഭാഗം ഉപഭോക്താക്കൾക്ക് പാചക വാതക വില വർധിപ്പിച്ചതായി മന്ത്രി പറഞ്ഞു.

പ്രധാനമന്ത്രി ഉജ്ജ്വല യോജന പദ്ധതിയിലുള്ളവർക്ക് 14.2 കിലോഗ്രാം എൽപിജി സിലിണ്ടറിന് 503 രൂപയിൽ നിന്ന് 553 രുപ വർധിക്കും. മറ്റു ഉപഭോക്താക്കൾക്ക് 14.2 കിലോഗ്രാം സിലിണ്ടറിന് 803 രൂപയിൽ നിന്ന് 853 രൂപ വില വർധിക്കും.

അതേസമയം, പെട്രോളിനും ഡീസലിനും എക്സൈസ് തീരുവ ലിറ്ററിന് രണ്ട് രൂപ വീതം വർധിപ്പിച്ചിട്ടുണ്ട്. പെട്രോളിന് 13 രൂപയായും ഡീസലിന് 10 രൂപയായും എക്സൈസ് തീരുവ വർധിപ്പിച്ചതായി ധനമന്ത്രാലയം തിങ്കളാഴ്ച വിജ്ഞാപനത്തിൽ അറിയിച്ചു. ചൊവ്വാഴ്ച മുതൽ മാറ്റം പ്രാബല്യത്തിൽ വരും.

അതേസമയം, നികുതി വര്‍ധന സാധാരണക്കാരെ ബാധിക്കില്ല. തീരുവ ചില്ലറ വിൽപ്പനയെ ബാധിക്കില്ലെന്ന് പെട്രോളിയം മന്ത്രാലയം അറിയിച്ചു. അന്താരാഷ്ട്ര വിപണിയിലെ അസംസ്‌കൃത എണ്ണ വിലയിലുണ്ടായ ഇടിവ് അനുസരിച്ചു ക്രമീകരിക്കുമെന്നതിനാൽ ചില്ലറ വില്‍പ്പന വിലയില്‍ മാറ്റമുണ്ടാവില്ലെന്ന് മന്ത്രാലയം വ്യക്തമാക്കി.

Read More

• പെട്രോളിനും ഡീസലിനും എക്‌സൈസ് തീരുവ കൂട്ടി കേന്ദ്രം; ചില്ലറ വിൽപ്പനയെ ബാധിക്കില്ലെന്ന് മന്ത്രാലയം
• Waqf Amendment Bill: വഖഫ് നിയമഭേദഗതി ബില്ലിനെതിരെ പ്രതിഷേധം; യു.പി.യിൽ 24 പേർക്ക് രണ്ട് ലക്ഷം വീതം ബോണ്ട് കെട്ടാൻ നോട്ടീസ്
• Waqf Amendment Bill: വഖഫിന് ശേഷം ആർ.എസ്.എസിന്റെ ലക്ഷ്യം ക്രിസ്ത്യാനികളെന്ന് രാഹുൽ ഗാന്ധി
• ചോദിക്കുന്നതിൽ അധികം നൽകിയിട്ടും തമിഴ്‌നാട്ടിൽ ചിലർ ഫണ്ടിനായി കരയുന്നു: നരേന്ദ്ര മോദി