ITR Filing Deadline 2025: ഐടിആർ റിട്ടേൺ സമർപ്പിക്കാൻ ഇനി ദിവസങ്ങൾ മാത്രം; വൈകിയാൽ വൻ പിഴ

ITR Filing Deadline Extension 2025: 2024-25 സാമ്പത്തിക വർഷത്തിലെ വരുമാനം ഓഡിറ്റിന് വിധേയമാക്കണമെന്ന് ആദായ നികുതി വകുപ്പ്. വരുമാന നികുതി റിട്ടേൺ (ഐടിആർ) സമർപ്പിക്കാന്‍ ഇനി മൂന്ന് ദിവസങ്ങൾ മാത്രമെ ശേഷിക്കുന്നുള്ളുവെന്നും ആദായ നികുതി വകുപ്പ് മുന്നറിയിപ്പ് നല്‍കി. ഇതു സംബന്ധിച്ച് ആദായ നികുതി വകുപ്പ് നികുതി ദായകര്‍ക്ക് എസ്എംഎസ് അയച്ചു തുടങ്ങിയിട്ടുണ്ട്.

Also Read:കൃത്യ സമയത്ത് ഐടിആർ ഫയൽ ചെയ്തില്ലെങ്കിൽ എന്ത് സംഭവിക്കും

ഐടിആർ ഫയൽ ചെയ്യുന്നതിനുള്ള അവസാന തീയതി സെപ്‌റ്റംബര്‍ 15 ആണ്. “ഇതുവരെ 3 കോടിയിലധികം ഐടിആറുകൾ ഫയൽ ചെയ്‌തിട്ടുണ്ട്. 15.09.25 ന് മുമ്പ് ഇ-ഫയലിങ് പോർട്ടലിൽ 2025-26 വർഷത്തേക്കുള്ള നിങ്ങളുടെ ഐടിആർ ഫയൽ ചെയ്‌ത് ഇ-വെരിഫൈ ചെയ്യുക”. 3 ലക്ഷം വരെ വാർഷിക ശമ്പളമുള്ള വ്യക്തികൾ ആദായനികുതി റിട്ടേൺ ഫയൽ ചെയ്യുന്നത് നിർബന്ധമാണോ എന്ന് നോക്കാം.

Also Read:ഐടിആർ ഫയൽ ചെയ്തിട്ടും ആദായനികുതി റീഫണ്ട് ലഭിച്ചില്ലേ? കാരണമിതാവാം

ആദായനികുതി റിട്ടേൺ സമർപ്പിക്കേണ്ടതിൻ്റെ ആവശ്യകത നികുതിദായകരുടെ മൊത്തം വരുമാനത്തെയും തെരഞ്ഞെടുത്ത നികുതി വ്യവസ്ഥയേയും ആശ്രയിച്ചിരിക്കുന്നുവെന്ന് നംഗിയ ആന്‍ഡ് കമ്പനി എൽഎൽപിയുടെ എക്‌സിക്യൂട്ടീവ് ഡയറക്‌ടര്‍ സഞ്ജോളി മഹേശ്വരി മാധ്യമങ്ങളോട് പറഞ്ഞു. ഒരു നികുതിദായകൻ്റെ ആകെ വരുമാനം അടിസ്ഥാന ഇളവ് പരിധി കവിയുന്നുവെങ്കിൽ, അവർ ഒരു ഐടിആർ ഫയൽ ചെയ്യണമെന്ന് സഞ്ജോളി മഹേശ്വരി പറഞ്ഞു. പുതിയ നികുതി വ്യവസ്ഥയ്ക്ക് അടിസ്ഥാന ഇളവ് പരിധി മൂന്ന് ലക്ഷവും പഴയ നികുതി വ്യവസ്ഥയ്ക്ക് ഇത് 2.5 ലക്ഷവുമാണ്.

സഹജ്, സുഗം

ചെറുകിട, ഇടത്തരം നികുതിദായകരുടെ ആവശ്യങ്ങൾ നിറവേറ്റുന്നതിനായി രൂപകൽപ്പന ചെയ്‌ത ലളിതമായ ഫോമുകളാണ് ഐടിആർ ഫോം 1 (സഹജ്), ഐടിആർ ഫോം 4 (സുഗം) എന്നിവ. വാർഷിക വരുമാനം 50 ലക്ഷം വരെ ഉള്ള വ്യക്തിക്ക് സഹജ് ഫയൽ ചെയ്യാൻ കഴിയും.ഏതെങ്കിലും സ്രോതസുകളില്‍ നിന്നുള്ള പലിശ, കാർഷിക വരുമാനം, 5,000 വരെ വാർഷിക വരുമാനം എന്നിവയിൽ നിന്ന് വരുമാനം നേടുന്ന വ്യക്തിക്ക് സഹജ് ഫയൽ ചെയ്യാം.

Also Read:ഐടിആർ ഫയൽ ചെയ്ത് റീഫണ്ടിനായി കാത്തിരിക്കുകയാണോ? ഒരു പ്രശ്നമുണ്ട്

വാർഷിക വരുമാനം 50 ലക്ഷം വരെ ഉള്ളതും ബിസിനസിൽ നിന്നോ ഏതെങ്കിലും പ്രൊഫഷണൽ സ്രോതസുകളിൽ നിന്നോ വരുമാനമുള്ളതുമായ വ്യക്തികൾ, ഹിന്ദു അവിഭക്ത കുടുംബങ്ങൾ, കമ്പനികൾ എന്നിവർക്ക് സുഗം ഫയൽ ചെയ്യാം.ബിസിനസ് അല്ലെങ്കിൽ പ്രൊഫഷണൽ ലാഭമോ നേട്ടങ്ങളോ വരുമാനത്തിൽ ഉൾപ്പെടാത്ത വ്യക്തികളും എച്ച്യുഎഫ്‌കളുമാണ് ഐറ്റിആര്‍-2 ഫയൽ ചെയ്യുന്നത്.

2025-ലെ ഐടിആർ ഫയലിങ് അവസാന തീയതികൾ

• 15 സെപ്റ്റംബർ 2025 –ഓഡിറ്റ് ആവശ്യമില്ലാത്ത വ്യക്തികൾ, എച്ച്‌യു‌എഫ്, എ‌ഒ‌പി, ബി‌ഒ‌ഐകൾ എന്നിവർക്ക്
• 31 ഒക്ടോബർ 2025 –അക്കൗണ്ടുകൾക്ക് ഓഡിറ്റ് ആവശ്യമുള്ള നികുതിദായകർക്ക്
• 30 നവംബർ 2025 –ട്രാൻസ്‌ഫര്‍ പ്രൈസിങ് റിപ്പോർട്ടുകൾ ഉൾപ്പെടുന്ന കേസുകൾക്ക്
• 31 ഡിസംബർ 2025 –പിഴയോടുകൂടിയ വൈകിയതോ പുതുക്കിയതോ ആയ റിട്ടേണുകൾക്ക്
• 31 മാർച്ച് 2030 –ധനകാര്യ നിയമപ്രകാരം പുതുക്കിയ റിട്ടേണുകൾക്കുള്ള അവസാന തീയതി

റിട്ടേൺ വൈകിയാൽ പിഴ

റിട്ടേൺ വൈകി സമർപ്പിക്കുമ്പോൾ നികുതി അടയ്ക്കാനുണ്ടെങ്കിൽ, ബാക്കിയുള്ള നികുതിയിൽ ഒരു ശതമാനം വീതം പലിശ ഈടാക്കപ്പെടും. ഈ പലിശ, റിട്ടേൺ സമർപ്പിക്കേണ്ട അവസാന തീയതിക്കു ശേഷം വരുന്ന മാസം മുതൽ കണക്കാക്കും. ഇതിനു പുറമേ, വൈകിയ റിട്ടേണിലെ മൊത്തവരുമാനം അഞ്ച് ലക്ഷം രൂപയിൽ താഴെയാണെങ്കിൽ 1,000 രൂപയും, അഞ്ച് ലക്ഷത്തിന് മുകളാണെങ്കിൽ 5,000 രൂപയും പിഴയടയ്ക്കണം.

Also Read:ഐടിആർ ഓൺലൈനായി ഫയൽ ചെയ്യാം

റിട്ടേൺ, സമയത്ത് സമർപ്പിച്ചില്ലെങ്കിൽ ദീർഘകാല മൂലധന നഷ്ടമോ വ്യാപാര നഷ്ടമോ വരുംകാല ലാഭവുമായി തട്ടിക്കിഴിക്കാനാവില്ല. 2015ലെ കള്ളപ്പണ നിയമപ്രകാരം, ഇന്ത്യയിൽ സ്ഥിരതമമുള്ളവർ, ആദായ നികുതി റിട്ടേണിൽ വിദേശ ആസ്തികളോ വിദേശ വരുമാനമോ വെളിപ്പെടുത്താതിരിക്കുകയോ തെറ്റായ രീതിയിൽ വെളിപ്പെടുത്തുകയോ ചെയ്താൽ ഓരോ വർഷവും 10 ലക്ഷം രൂപ പിഴ ചുമത്താം. 

ബാങ്ക് അക്കൗണ്ടുകൾ, ഓഹരികൾ, കടപ്പത്രം പോലുള്ള വിദേശത്തെ ജംഗമ അസ്ഥികൾക്കും നിയമം ബാധകമാണ്. ആസ്തികളുടെ മൊത്തവില 20 ലക്ഷം രൂപയ്ക്കുമേലും മനഃപൂർവമായ മറച്ചുവയ്ക്കലും തെളിഞ്ഞാൽ പിഴയ്ക്കു പുറമെ, ആറ് മാസം മുതൽ ഏഴ് വർഷം വരെ തടവുശിക്ഷ ലഭിക്കാം.

Read More: സിപി രാധാകൃഷ്‌ണന്‍ ഉപരാഷ്ട്രപതിയായി സത്യപ്രതിജ്ഞ ചെയ്തു