സാൻഡ്‌വിച്ചിൽ 'സ്ക്രൂ'; കഴിച്ച് കഴിഞ്ഞതിനാൽ പരാതിക്ക് വിലയില്ലെന്ന് ഇൻഡിഗോ

ബെംഗളൂരുവിൽ നിന്നും ചെന്നൈയിലേക്കുള്ള ഇൻഡിഗോ വിമാനത്തിൽ നൽകിയ സാൻഡ്‌വിച്ചിൽ  സ്‌ക്രൂ കണ്ടെത്തിയെന്ന പരാതിയുമായി യാത്രക്കാരൻ. സാൻഡ്‌വിച്ചിലെ സ്ക്രൂവിന്റെ ചിത്രമടക്കം സോഷ്യൽ മീഡിയയിൽ പങ്കുവെച്ചുകൊണ്ടാണ് യാത്രക്കാരൻ പരാതിയുമായി രംഗത്തെത്തിയിരിക്കുന്നത്. ഭക്ഷണത്തിൽ പുഴുക്കളെയും പ്രാണികളെയും കണ്ടെത്തിയ നിരവധി സംഭവങ്ങൾ ഉണ്ടായിട്ടുണ്ടെങ്കിലും ഇത്തരത്തിൽ ഒന്നിത് ആദ്യമാണ്. അതിനാൽ തന്നെ സംഭവം വ്യോമയാന ഭക്ഷണ സേവനങ്ങളെക്കുറിച്ച് ആശങ്ക ഉയർത്തുന്നതാണ്. 

തന്റെ 'സാൻഡ്‌വിച്ചിന്റെ ചിത്രങ്ങൾ പങ്കിട്ടുകൊണ്ട്, റെഡിറ്റ് ഉപയോക്താവ് @MacaroonI13601, ഫെബ്രുവരി 1-ന്  ബെംഗളൂരു- ചെന്നൈ വിമാനത്തിൽ ചീരയും കോൺ സാൻഡ്‌വിച്ചും വിളമ്പിയതായി അറിയിച്ചു. യാത്രയ്ക്കിടെ അദ്ദേഹം സാൻഡ്‌വിച്ച് തൊടാതെ ഉപേക്ഷിച്ചു. ഡീബോർഡ് ചെയ്ത ശേഷം പാക്കറ്റ് തുറന്നപ്പോഴാണ് അതിൽ സ്‌ക്രൂ കണ്ടെത്തിയതെന്നും വ്യക്തമാക്കുന്നു. 

ഇതിനെത്തുടർന്ന്, അദ്ദേഹം പരാതിയുമായി ഇൻഡിഗോയെ സമീപിച്ചെങ്കിലും  ഭക്ഷണം കഴിച്ചതിനാൽ പരാതി അസാധുവാണെന്നായിരുന്നു അധികൃതരുടെ മറുപടി. 

“അടുത്തിടെ 01/02/24 ന് BNG-യിൽ നിന്ന് ചെന്നൈയിലേക്ക് ഇൻഡിഗോ യാത്ര ചെയ്യുമ്പോൾ എന്റെ സാൻഡ്‌വിച്ചിൽ ഒരു സ്ക്രൂ വ്യക്തമാണ്!!!! #indigo ഞാൻ ഇതിനെ എങ്ങനെ സമീപിക്കണം, അതിനാൽ ഇൻഡിഗോയ്ക്ക് കുറഞ്ഞത് പ്രതികരിക്കാനാകും," യാത്രക്കാരൻ എഴുതി.

പോസ്റ്റ് വൈറലായതിന് തൊട്ടുപിന്നാലെ കമന്റ് സെക്ഷനിൽ ഇൻഡിഗോയ്ക്കെതിരെ പൊങ്കാലയുമായി നെറ്റിസൺസും എത്തി.  ഒരു ഉപയോക്താവ് എഴുതി, “WTF!? അവർ ശരിയായി പ്രതികരിക്കുന്നില്ലെങ്കിൽ. നിങ്ങൾക്ക് ഉപഭോക്തൃ കോടതിയിൽ ഒരു പരാതി ഉന്നയിക്കാം! ഇത് സാധാരണ കോടതികളെപ്പോലെ ബുദ്ധിമുട്ടുള്ള ഒരു പ്രക്രിയയല്ല. നിങ്ങളുടെ പരാതിയെക്കുറിച്ച് ചോദിക്കാൻ ഒരു ഹിയറിംഗിനായി ഹാജരാകാൻ അവർ നിങ്ങളോട് ആവശ്യപ്പെട്ടേക്കാം, ഇൻഡിഗോയും ഹാജരാകണം. പരമാവധി 2 ഹിയറിംഗുകൾക്കുള്ളിൽ കേസ് അവസാനിപ്പിക്കും!  "ആളുകളെ തകർക്കാൻ ഇൻഡിഗോ പുതിയ വഴികൾ കണ്ടെത്തുന്നു." എന്നായിരുന്നു മറ്റൊരു ഉപയോക്താവിന്റെ അഭിപ്രായം.

Read More

• സഭ 'മാറാൻ' സോണിയ; റായ്ബറേലിയിൽ പ്രിയങ്കക്ക് നറുക്ക് വീണേക്കും
• നരേന്ദ്ര മോദിയുമായുള്ള കൂടിക്കാഴ്ച്ച; തിരഞ്ഞെടുപ്പിന് മുൻപ് ബിജെപിയുമായി അടുക്കാൻ ജഗൻ മോഹൻ റെഡ്ഡി
• നരസിംഹ റാവു, ചൗധരി ചരൺ സിംഗ്, എം എസ് സ്വാമിനാഥൻ എന്നിവർക്ക് ഭാരതരത്‌ന
• അഴിമതിക്കേസുകളുടെ കൂട്ടം മുതൽ പണപ്പെരുപ്പവും കിട്ടാക്കടങ്ങളും വരെ; ധവളപത്രത്തിന്റെ രാഷ്ട്രീയം