ഇന്ദിരയുടെ മൂന്നാമത്തെ മകൻ പാർട്ടി വിടുമോ? കമൽനാഥിന്റെ പാർട്ടി മാറ്റം തള്ളി മധ്യപ്രദേശ് കോൺഗ്രസ് അദ്ധ്യക്ഷൻ

മുൻ മധ്യപ്രദേശ് മുഖ്യമന്ത്രിയും മുതിർന്ന കോൺഗ്രസ് നേതാവുമായ കമൽനാഥ് ബിജെപിയിലേക്കെന്ന വാർത്തകൾ തള്ളി മധ്യപ്രദേശ് കോൺഗ്രസ് അദ്ധ്യക്ഷൻ ജിതു പട്വാരി. ഇന്ദിരാ ഗാന്ധിയുടെ മൂന്നാമത്തെ മകന് എങ്ങനെ കോൺഗ്രസ് വിടാൻ കഴിയുമെന്നാണ് കമൽനാഥിന്റെ നെഹ്റു കുടുംബവുമായുള്ള ബന്ധം എടുത്തുപറഞ്ഞുകൊണ്ട് പട്വാരി മാധ്യമപ്രവർത്തകരോട് പ്രതികരിച്ചത്. 

“ഇന്ദിരാജിയുടെ (ഗാന്ധി) മൂന്നാമത്തെ മകൻ ബിജെപിയിൽ ചേരുമെന്ന് നിങ്ങൾക്ക് സ്വപ്നം കാണാൻ കഴിയുമോ? ” പട്വാരി മാധ്യമപ്രവർത്തകരോട് പറഞ്ഞു. 2020 മാർച്ചിൽ ബിജെപിയിൽ ചേർന്നതിന് ശേഷം ജ്യോതിരാദിത്യ സിന്ധ്യ കമൽനാഥിന്റെ  നേതൃത്വത്തിലുള്ള സർക്കാരിനെ താഴെയിറക്കിയപ്പോൾ മോശം അവസ്ഥയിലും നാഥ് ഒരു പാറ പോലെ കോൺഗ്രസിന് പിന്നിൽ ഉറച്ച് നിന്നുവെന്ന് അദ്ദേഹം പറഞ്ഞു. അഭ്യൂഹങ്ങൾ കണ്ട് ആവേശഭരിതരാകരുതെന്നും മാധ്യമപ്രവർത്തകരോട് പട്വാരി വ്യക്തമാക്കി. 

പാർട്ടിയിൽ കമൽനാഥിന്റെ സഹപ്രവർത്തകനും മധ്യപ്രദേശ് മുൻ മുഖ്യമന്ത്രിയുമായ ദിഗ്‌വിജയ് സിംഗും കമൽനാഥിന്റെ ബിജെപി പ്രവേശനം സംബന്ധിച്ച കിംവദന്തികളെ തള്ളിക്കളയുകയും അവയെ "മാധ്യമ സൃഷ്ടി" എന്ന് വിശേഷിപ്പിക്കുകയും ചെയ്തു. നെഹ്‌റു-ഗാന്ധി കുടുംബത്തിനൊപ്പം രാഷ്ട്രീയ ഇന്നിംഗ്‌സ് ആരംഭിച്ച കമൽനാഥിന് ഒരിക്കലും പാർട്ടി വിടാനാകില്ലെന്ന് ദിഗ്‌വിജയ് സിംഗ് അഭിപ്രായപ്പെട്ടു.

“ബ്രേക്കിംഗ് ബിസിനസ്സിൽ ഏർപ്പെടരുത്. ഇന്നലെ രാത്രി 10.30-ഓ 11-ഓടെ ഞാൻ കമൽനാഥ്ജിയുമായി സംസാരിച്ചു. അദ്ദേഹം ചിന്ദ്വാരയിലാണ്. ഗാന്ധിക്കും നെഹ്‌റു കുടുംബത്തിനും ഒപ്പം തന്റെ രാഷ്ട്രീയ ഇന്നിംഗ്‌സ് ആരംഭിച്ച വ്യക്തി..മുഴുവൻ ജനതാ പാർട്ടിയും അന്നത്തെ സർക്കാരും (മുൻ പ്രധാനമന്ത്രി) ഇന്ദിരാജിയെ ജയിലിലേക്ക് അയയ്ക്കുമ്പോൾ അദ്ദേഹം പാർട്ടിക്ക് പിന്നിൽ നിന്നു, ”സിംഗ് ജബൽപൂരിൽ മാധ്യമപ്രവർത്തകരോട് പറഞ്ഞു.

അങ്ങനെയൊരാൾ കോൺഗ്രസിനെയും സോണിയാജിയെയും ഇന്ദിരാജി കുടുംബത്തെയും വിട്ടുപോകുമെന്ന് വിശ്വസിക്കാമോ? നിങ്ങളോരോരുത്തരും അതിനെക്കുറിച്ച് ചിന്തിക്കരുത്, ”അദ്ദേഹം കൂട്ടിച്ചേർത്തു.

ഗാന്ധി കുടുംബത്തിലെ മൂന്ന് തലമുറകളോടൊപ്പം പ്രവർത്തിച്ച ഒരു സമർത്ഥനായ രാഷ്ട്രീയക്കാരൻ, നാഥിന്റെ മധ്യപ്രദേശുമായുള്ള ബന്ധം 1979-ലാണ്, മുൻ പ്രധാനമന്ത്രി ഇന്ദിരാഗാന്ധി അദ്ദേഹത്തെ തന്റെ "മൂന്നാമത്തെ മകൻ" എന്ന് വിശേഷിപ്പിച്ചത്.

അതേ സമയം ബിജെപിയിലേക്ക് കടക്കുമെന്ന അഭ്യൂഹങ്ങൾക്കിടെ, ശനിയാഴ്ച ഉച്ചയോടെ കമൽനാഥ് ന്യൂഡൽഹിയിലെത്തി, അങ്ങനെ എന്തെങ്കിലും ഉണ്ടായാൽ ആദ്യം മാധ്യമങ്ങളെ അറിയിക്കുമെന്ന് പറഞ്ഞു. എന്നാൽ കമൽനാഥിന്റെ ഡൽഹി യാത്രയ്ക്ക് തൊട്ടുമുൻപ് മകൻ നകുൽനാഥിന്റെ സോഷ്യൽ മീഡിയ പ്രൊഫൈലിൽ നിന്നും കോൺഗ്രസ് അംഗം എന്ന രേഖപ്പെടുത്തൽ മാറ്റിയെന്ന റിപ്പോർട്ടുകൾ പുറത്തുവന്നിരുന്നു.

Read More:

• ഇന്ത്യയുടെ കാലാവസ്ഥാ നിരീക്ഷണ ഉപഗ്രഹം വിജയകരമായി വിക്ഷേപിച്ച് ഐഎസ്ആർഒ
• റബ്ബർ ബുള്ളറ്റുകൾ സുരക്ഷിതമോ? കാഴ്ചനഷ്ടപ്പെടുന്നത് തുടർക്കഥ
• പ്രസിഡന്റ് സ്ഥാനത്ത് തുടരണം; പാലോട് രവിയുടെ രാജി തള്ളി ഡിസിസി
• പശുവിന്റെ ജഡം ജീപ്പിനു മുകളിൽ കെട്ടി; പുൽപ്പള്ളിയിൽ ജനരോഷം