സ്ഥിരം അശ്ലീല സന്ദേശം അയച്ച് എഐഡിഎംകെ നേതാവ്; സഹികെട്ട് ചൂലെടുത്ത് യുവതികൾ

ചെന്നൈ: അശ്ലീലസന്ദേശം അയച്ച അറുപതുകാരനായ എഐഎഡിഎംകെ നേതാവിനെ ചൂല് കൊണ്ടുതല്ലി യുവതികൾ. കാഞ്ചീപുരം കുന്ത്രത്തൂരിലെ പാർട്ടി ജോയിന്റ് സെക്രട്ടറി ആയിരുന്ന എം പൊന്നമ്പലത്തിനാണ് ചൂല് കൊണ്ട് തല്ല് കിട്ടിയത്.

ഇയാൾ വാടകയ്ക്ക് നൽകിയ വീട്ടിൽ താമസിച്ചിരുന്ന യുവതികൾ ആണ് തല്ലിയത്. അപമര്യാദയായി പെരുമാറിയതോടെ മൂന്നാഴ്ച മുൻപ് ഈ യുവതികൾ വീടൊഴിഞ്ഞിരുന്നു. പിന്നീടും വാട്‌സ്ആപ്പിൽ അശ്ലീല സന്ദേശം അയക്കാൻ തുടങ്ങിയതോടെ വിളിച്ചുവരുത്തി കൈകാര്യം ചെയ്യുകയായിരുന്നു.

യുവതികൾ തന്നെയാണ് നേതാവിനെ മർദ്ദിച്ച വിവരം പൊലീസിനെ അറിയിച്ചത്. യുവതികളുടെ പരാതിയിൽ സ്ഥലത്ത് എത്തിയ പൊലീസ് നേതാവിനെ അറസ്റ്റ് ചെയ്തിട്ടുണ്ട്. ഇയാളെ എല്ലാ ചുമതലയിൽ നിന്ന് നീക്കിയതായും പാർട്ടിയിൽ നിന്ന് പുറത്താക്കിയതായും എഐഎഡിഎംകെ നേതൃത്വം വിശദമാക്കി.

Read More

• പാർലമെന്റ് സമ്മേളനത്തിന് ഇന്ന് തുടക്കം; നാളെ കേന്ദ്ര ബജറ്റ്
• കേന്ദ്ര ബജറ്റ് ശനിയാഴ്ച; കുന്നോളം പ്രതീക്ഷയിൽ കേരളം
• കേന്ദ്ര ബജറ്റ്; ട്രാക്കിലാകുമോ കേരളത്തിന്റെ റെയിൽ പ്രതീക്ഷകൾ ?
• സംസ്ഥാനത്ത് ബസുകളിൽ ഇനി ക്യാമറ നിർബന്ധം
• Gold Rate: എന്റെ പൊന്നേ... സർവ്വകാല റെക്കോർഡിൽ സ്വർണവില
• കൊച്ചിയിൽ വീടിനുള്ളിൽ അവശനിലയിൽ പെൺകുട്ടി; കഴുത്തിൽ ഷാൾ മുറുകിയ നിലയിൽ