നടൻ ഷാരൂഖ് ഖാനെ ആശുപത്രിയിൽ പ്രവേശിപ്പിച്ചു

ബോളിവുഡ് സൂപ്പർതാരം ഷാരൂഖ് ഖാനെ അഹമ്മദാബാദിലെ ആശുപത്രിയിൽ പ്രവേശിപ്പിച്ചതായാണ് റിപ്പോർട്ട്. ചൊവ്വാഴ്ച കൊൽക്കത്ത നൈറ്റ് റൈഡേഴ്‌സും സൺറൈസേഴ്‌സ് ഹൈദരാബാദും തമ്മിലുള്ള ഐപിഎൽ മത്സരത്തിൽ താരം പങ്കെടുക്കാൻ എത്തിയപ്പോഴായിരുന്നു സംഭവം.

ഐപിഎൽ സീസണിലെ ആദ്യ പ്ലേ ഓഫ് മത്സരമായിരുന്നു ഇത്. നടൻ ഷാരൂഖ് ഖാനെ അഹമ്മദാബാദിലെ ആശുപത്രിയിൽ പ്രവേശിപ്പിച്ചത് ഉഷ്ണാഘാതത്തെ തുടർന്നാണെന്ന് പൊലീസ് അറിയിച്ചതായി പിടിഐ റിപ്പോർട്ട് ചെയ്തു.

മക്കളായ അബ്രാം, സുഹാന എന്നിവർക്കൊപ്പമാണ് താരം മത്സരത്തിനെത്തിയത്. താരങ്ങളായ അനന്യ പാണ്ഡെയും ഷനായ കപൂറും മത്സരം കാണാനെത്തിയിരുന്നു. അഹമ്മദാബാദിലെ നരേന്ദ്ര മോദി സ്റ്റേഡിയത്തിലായിരുന്നു മത്സരം.

MashaAllah @iamsrk 🫠💖#ShahRukhKhan#IPL2024Finalpic.twitter.com/EhGuxMKSt1

— 𝐒𝐡𝐚𝐡'𝐬𝐒𝐚𝐢𝐫𝐮🥀 (@ShahkiSaira) May 22, 2024

ചൊവ്വാഴ്ച, സൺറൈസേഴ്‌സ് ഹൈദരാബാദിനെതിരായ മത്സരത്തിൽ ഷാരൂഖിന്റെ ഉടമസ്ഥതയിലുള്ള കെകെആർ വിജയിച്ച് ഫൈനലിന് യോഗ്യത നേടിയിരുന്നു. വിജയത്തിന് ശേഷം താരം ആവേശഭരിതനായി കാണികളെ അഭിവാദ്യം ചെയ്തിരുന്നു. മക്കളായ അബ്രാം, സുഹാന എന്നിവർക്കൊപ്പമാണ് താരം ഗ്രൌണ്ട് വലം വച്ചത്.

That incredible feeling when SRK's smile lights up the world. Seeing him happy, brings happiness to us all! ❤️🫶🏻@iamsrk@KKRiders@KKRUniverse#ShahRukhKhan#SRHvsKKR#KKR#IPL2024#IPL#KingKhan#SRK#KorboLorboJeetbo#KolkataKnightRiderspic.twitter.com/u7s4HDIXTS

— Shah Rukh Khan Universe Fan Club (@SRKUniverse) May 22, 2024

മൈതാനത്ത് ഷൂട്ട് ചെയ്ത മത്സരത്തിന് ശേഷമുള്ള ഷോയുടെ ഫ്രെയിമിലേക്ക് ഷാരൂഖ് നടന്നു കയറിയിരുന്നു. തങ്ങൾ ഫ്രെയിമിലേക്ക് നടക്കുകയാണെന്ന് സുഹാനയും അബ്രാമും മനസ്സിലാക്കിയപ്പോൾ ഷാരൂഖ് തൻ്റെ ആരാധകരെ കൈവീശിക്കാണിച്ചു മുന്നോട്ട് പോവുകയായിരുന്നു. എന്നാൽ താൻ ഷോ തടസ്സപ്പെടുത്തിയെന്ന് മനസിലായതോടെ ഷാരൂഖ് കൈകൂപ്പി ക്ഷമാപണം നടത്തി.

Read More

• 'നുണയന്മാരുടെ രാജാവ്'; പ്രധാനമന്ത്രിക്കെതിരെ മല്ലികാർജ്ജുൻ ഖാർഗെ
• 'രാജ്യത്തെ ജനങ്ങളാണ് തന്റെ പിൻഗാമികൾ'; ഇന്ത്യാ സഖ്യത്തിന് സനാതന വിരുദ്ധ മനസ്സെന്നും നരേന്ദ്ര മോദി
• ഇറാൻ പ്രസിഡൻ്റ് ഇബ്രാഹിം റൈസി ഹെലികോപ്റ്റർ അപകടത്തിൽ മരണപ്പെട്ടു
• അപകടത്തിൽ കുറ്റപ്പെടുത്തൽ; നാലാം നിലയില്‍നിന്ന് താഴെവീണ കുഞ്ഞിന്‍റെ അമ്മ ജീവനൊടുക്കി