ദക്ഷിണ കൊറിയയിൽ വിമാനം തകർന്ന് അപകടം; 179 മരണം

ഡൽഹി: ദക്ഷിണ കൊറിയയിൽ വിമാനം തകർന്നുണ്ടായ അപകടത്തിൽ മരണ സംഘ്യ ഉയരുന്നു. ഏറ്റവും പുതിയ വിവരം അനുസരിച്ച് 179 പേർക്കാണ് ധാരുണ സംഭവത്തിൽ ജീവൻ നഷ്ടപ്പെട്ടത്. 175 യാത്രക്കാരും ആറ് ജീവനക്കാരുമായി യാത്ര തിരിച്ച ജെജു എയർലൈൻസിന്റെ വിമാനമാണ് കൊറിയയിലെ മുവാൻ അന്താരാഷ്ട്ര വിമാനത്താവളത്തിൽ തകർന്നത്. 

തായ്‌ലൻഡിൽ നിന്ന് മടങ്ങിയ വിമാനം, തലസ്ഥാനമായ സിയോളിൽ നിന്ന് ഏകദേശം 288 കിലോമീറ്റർ അകലെയുള്ള സൗത്ത് ജിയോല്ല പ്രവിശ്യയിലെ വിമാനത്താവളത്തിൽ ലാൻഡു ചെയ്യുന്നതിനിടെയാണ് അപകടത്തിൽപെട്ടത്. രക്ഷാപ്രവർത്തനം പുരോഗമിക്കുന്നതായി മുവാൻ വിമാനത്താവള അധികൃതർ അറിയിച്ചു. 

A plane with 181 people on board has crashed in South Korea.

The first footage from the site of the Jeju Air Flight 2216 crash in South Korea shows 181 people on board, with 23 fatalities reported so far. pic.twitter.com/K3ajezxvwh

— ZAMZAM NEWS (@zamzamafg) December 29, 2024

തീ അണച്ചതായി അഗ്നിശമനസേന അറിയിച്ചു. ലാൻഡിങ് ഗിയർ തകർന്ന വിമാനം റൺവേയിൽ നിന്ന് തെന്നി മാറിയതാണ് അപകട കാരണമെന്ന് അഗ്നിശമനസേനയെ ഉദ്ധരിച്ച് സിഎൻഎൻ റിപ്പോർട്ട് ചെയ്തു. പ്രാദേശിക സമയം രാവിലെ 9 മണിയോടെയായിരുന്നു അപകടം.

BREAKING: Video shows crash of Jeju Air Flight 2216 in South Korea. 181 people on board pic.twitter.com/9rQUC0Yxt8

— BNO News (@BNONews) December 29, 2024

തകർന്ന വിമാനത്തൽ നിന്ന് തീയും പുകയും ഉയരുന്ന ദൃശ്യങ്ങൾ പ്രാദേശിക മാധ്യമങ്ങൾ പുറത്തുവിട്ടിട്ടുണ്ട്. രണ്ടുപേരെ ജീവനോടെ രക്ഷിക്കാനായെന്ന് അഗ്നിശമനസേന അറിയിച്ചു.

Read More

• അസർബൈജാൻ വിമാനാപകടം; ക്ഷമാപണവുമായി പുടിൻ
• പ്രായപൂർത്തിയാകാത്ത പെൺകുട്ടിയെ പീഡിപ്പിച്ചു; മുത്തച്ഛനും അച്ഛനും അമ്മാവനും അറസ്റ്റിൽ
• മൻമോഹൻ സിങ്ങിന് വിട നൽകാനൊരുങ്ങി രാജ്യം
• ചെരുപ്പ് ഉപേക്ഷിച്ചതിന് പിന്നാലെ സ്വയം ചാട്ടവാറടിച്ച് അണ്ണാമലൈ
• യെമൻ വിമാനത്താവളത്തിൽ ആക്രമണം; ലോകാരോഗ്യ സംഘടന തലവൻ രക്ഷപ്പെട്ടത് തലനാരിഴയ്ക്ക്