ഡൽഹി രോഹിണിയിൽ വൻ തീപിടുത്തം; രണ്ടു കുട്ടികൾ വെന്തുമരിച്ചു

ഡൽഹി: ഡൽഹിയിലെ രോഹിണിയിൽ ഉണ്ടായ തീപിടുത്തത്തിൽ രണ്ടു കുട്ടികൾ വെന്തുമരിച്ചു. സെക്ടർ 17 ലെ ചേരിയിലാണ് അഗ്നിബാധയുണ്ടായത്. ആയിരത്തോളം കുടിലുകൾ കത്തി നശിച്ചതായി അഗ്നിശമനസേന ഉദ്യോഗസ്ഥർ അറിയിച്ചു.

ഇന്നു രാവിലെ 11. 30 ഓടെയാണ് തീപിടുത്തമുണ്ടായത്.  3നും 4നും ഇടയിൽ പ്രായമുള്ള രണ്ടു കുട്ടികൾക്കാണ് ദാരുണാന്ത്യം സംഭവിച്ചത്. ഉച്ചയ്ക്ക് രണ്ടു മണിയോടെയാണ് കുട്ടികളുടെ മൃതദേഹങ്ങൾ കണ്ടെത്തിയതെന്ന് ഉദ്യോഗസ്ഥർ പറഞ്ഞു. കുട്ടികളെ ഇതുവരെ തിരിച്ചറിഞ്ഞിട്ടില്ല. കാണാതായ മറ്റുള്ളവർക്കായുള്ള തിരച്ചിൽ തുടരുകയാണ്.

തീപിടിത്തത്തിന്റെ കാരണം ഇതുവരെ കണ്ടെത്തിയിട്ടില്ല. കുടിലുകളിലേക്ക് അതിവേഗം തീ പടരുകയായിരുന്നെന്ന് അഗ്നിശമനസേന ഉദ്യോഗസ്ഥർ പറഞ്ഞു. താല്കാലിക വീടുകളിലെ ഗ്യാസ് സിലണ്ടറുകൾ പൊട്ടിത്തെറിച്ചത് തീ കൂടുതൽ പടർത്തിയിരിക്കാമെന്ന് ഉദ്യോഗസ്ഥർ പറഞ്ഞു.

ഉച്ചകഴിഞ്ഞ് മൂന്നരയോടെ തീ ഭൂരിഭാഗവും അണച്ചതായാണ് വിവരം. പ്രദേശത്തെ കുടിലുകളും മരങ്ങളും കത്തി നശിച്ചതിന്റെ ചിത്രങ്ങളും വീഡിയോ ദൃശ്യങ്ങൾ പുറത്തുവന്നിട്ടുണ്ട്. രക്ഷാപ്രവർത്തനം ഇപ്പോഴും തുടരുകയാണ്.

Read More

• Jammu Kashmir Terror Attack: പഹൽഗാം ഭീകരാക്രമണം; ഇന്ത്യ മറുപടി നൽകും, നീതി നടപ്പാക്കപ്പെടും: നരേന്ദ്ര മോദി
• Jammu Kashmir Terror Attack: കശ്മീരിൽ വീണ്ടും ആക്രമണം; ഒരാൾ കൊല്ലപ്പെട്ടു
• Jammu Kashmir Terror Attack: പഹൽഗാം ഭീകരാക്രമണം; പ്രത്യേക പാർലമെന്റെ് സമ്മേളനം വിളിക്കണമെന്ന് കോൺഗ്രസ്
• Jammu Kashmir Terror Attack: ഭീകരർക്ക് ഇന്ത്യയുടെ മറുപടി; പഹൽഗാം ആക്രമണവുമായി ബന്ധുള്ള തീവ്രവാദികളുടെ വീട് തകർത്തു
• Jammu Kashmir Terror Attack: ഇനി വിട്ടുവീഴ്ചയില്ല; പാക്കിസ്ഥാന് ഒരുതുള്ളി വെള്ളം കൊടുക്കില്ലെന്ന് കേന്ദ്രം