ഒരു സ്പൂൺ പഞ്ചസാര മതി, ഇനി അഴകുള്ള ചുണ്ടുകൾ ഒറ്റ ഉപയോഗത്തിൽ സ്വന്തമാക്കാം

മുഖ സൗന്ദര്യം എന്നതിൽ കുരുക്കളും, കറുത്ത പാടുകളും ടാനും മാത്രമല്ല ഉൾപ്പെടുന്നത്. വരണ്ടതും നിറം മങ്ങിയതുമായ ചുണ്ടുകൾ ആത്മവിശ്വാസത്തെ തന്നെ ബാധിച്ചേക്കാം. പോഷകാഹാരങ്ങളുടെ കുറവ് മുതൽ ഉപയോഗിക്കുന്ന ലിപ്സ്റ്റിക്കുകളുടെ നിലവാരമില്ലായ്മ വരെ ഇതിനു പിന്നിലെ കാരണമാകാം. പോഷകാഹാര കുറവ് പരിഹരിക്കാൻ സമീകൃതമായ ആഹാരം കഴിക്കുക.

Also Read: ഇൻസ്റ്റൻ്റ് ഗ്ലോ നേടാൻ ഇനി ബ്ലീച്ച് വാങ്ങി സമയം കളയേണ്ട, കടലമാവ് ഇങ്ങനെ മുഖത്ത് പുരട്ടൂ

ഇതിനൊപ്പം ചുണ്ടുകളുടെ പരിപാലനത്തിനായി സ്വയം ചെയ്യാവുന്ന ചില വിദ്യകളുണ്ട്. അതിനായി പാൽപ്പാട, വെളിച്ചെണ്ണ, ഒലിവ് ഓയിൽ എന്നിവ ഉപയോഗിക്കാവുന്നതാണ്

ചുണ്ടുകൾ സംരക്ഷിക്കാൻ ഇതാ ചില ടിപ്സുകൾ

• അൽപം പാൽപ്പാടയിലേക്ക്, നാരങ്ങാ നീരും ഗ്ലിസറിനും ചേർത്തിളക്കി യോജിപ്പിക്കുക. രാത്രി ഉറങ്ങുന്നതിനു മുമ്പായി ഇത് ചുണ്ടിൽ പുരട്ടാം. ചുണ്ടിൻ്റെ നിറം വർധിപ്പിക്കുന്നതിന് സഹായിക്കും.
• ഒരു ടീസ്പൂൺ ബദാം എണ്ണയിലേക്ക് അര ടീസ്പൂൺ ആവണക്കെണ്ണ ചേർത്തിളക്കി യോജിപ്പിക്കുക. ശേഷം ഉറങ്ങുന്നതിനു മുമ്പായി ചുണ്ടുകളിൽ പുരട്ടുക.

Also Read: അരിപ്പൊടി ഒരു സ്പൂൺ ഉണ്ടെങ്കിൽ ഗ്ലാസ് സ്കിൻ സ്വന്തമാക്കാം, ഇനി ഫെയ്സ്പാക്കും സ്ക്രബറും വേണ്ട

• ദിവസവും രാവിലെയും, രാത്രി ഉറങ്ങുന്നതിന് മുമ്പും വെള്ളരിക്ക നീരും റോസ് വാട്ടറും ചേർത്ത് ചുണ്ടിൽ പുരട്ടുന്നത് ചുണ്ടിന് നിറം നൽകുകയും വരൾച്ച തടയാനും സഹായിക്കും.
• ഒരു സ്പൂൺ പഞ്ചസാരയിലേക്ക് മൂന്നോ നാലോ തുള്ളി ഒലിവ് എണ്ണയും അരസ്പൂൺ തേനും ചേർത്തിളക്കി ചുണ്ടിൽ പുരട്ടാം. ശേഷം വിരലുകൾ ഉപയോഗിച്ച് മൃദുവായി മസാജ് ചെയ്യുക. ഇത് ചുണ്ടിലെ മൃതചർമ്മം നീക്കം ചെയ്യുന്നതിന് സഹായിക്കും. 
• നെയ്യ് ഉപയോഗിച്ച് മൃദുവായി ചുണ്ടുകൾ മസാജ് ചെയ്യുന്നത് വരൾച്ച തടയാൻ സഹായിച്ചേക്കാം. ഇതുപോലെ തന്നെ വെളിച്ചെണ്ണയും ഉപയോഗിക്കാവുന്നതാണ്. 

Also Read: നെയ്യോ പാൽപ്പാടയോ? ദിവസവും ഇവയിൽ ഏത് ചർമ്മത്തിൽ പുരട്ടുന്നതാണ് ഗുണകരം

ഇക്കാര്യങ്ങൾ ശ്രദ്ധിക്കാം

• വാസലിൻ, ലിപ്ബാം എന്നിവയൊക്കെ സ്ഥിരമായി ഉപയോഗിക്കുന്നതിലൂടെ ഒരു പരിധി വരെ ചുണ്ടിലെ വിണ്ടു കീറൽ തടയാൻ സാധിക്കാം. ധാരാളം വെള്ളം കുടിക്കുക എന്നതും പ്രധാനമാണ്. 
• സ്ഥിരമായി ലിപ്സ്റ്റിക് ഉപയോഗിക്കുന്നവരാണെങ്കിൽ നിലവാരമില്ലാത്ത ബ്രാൻഡുകൾ ഒഴിവാക്കുക. പുറത്തു പോയി വന്നയുടൻ ടിഷ്യൂ പേപ്പർ ഉപയോഗിച്ച് അത് പൂർണ്ണമായും തുടച്ചു നീക്കുക.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: പലഹാരങ്ങളിൽ ചേർക്കാൻ മാത്രമല്ല ചർമ്മ സംരക്ഷണത്തിനും പഞ്ചസാര ഉപയോഗിക്കാം; ഇതാ ചില പൊടിക്കൈകൾ