ഇൻസ്റ്റൻ്റ് ഗ്ലോ നേടാൻ ഇനി ബ്ലീച്ച് വാങ്ങി സമയം കളയേണ്ട, കടലമാവ് ഇങ്ങനെ മുഖത്ത് പുരട്ടൂ

കാലങ്ങളായി ചർമ്മ പരിചരണത്തിന് ഉപയോഗിക്കുന്ന ഒന്നാണ് കടലമാവ്. ഇതിൻ്റെ ആൻ്റി ഏജിങ് ഗുണങ്ങൾ ചർമ്മത്തിലെ മൃതകോശങ്ങൾ നീക്കം ചെയ്യും. എണ്ണ മയമുള്ള ചർമ്മമുള്ളവർക്ക് ഇത് വളരെ അനുയോജ്യമാണ്. ചർമ്മ സുഷിരങ്ങൾ വൃത്തിയാക്കി അധിക എണ്ണ, അഴുക്ക്, ബാക്ടീരിയ തുടങ്ങിയവ നശിപ്പിക്കും. ഇത് വ്യത്യസ്ത തരത്തിൽ നിങ്ങളുടെ പരിചരണത്തിൽ ഉൾപ്പെടുത്താം. കടമാവിനൊപ്പം കറ്റാർവാഴയുടെ ജെൽ കൂടി ചേർക്കുന്നത് ചർമ്മം കൂടുതൽ തിളക്കമുള്ളതു മൃദുവുമാകാൻ സഹായിക്കും.

Also Read: ചുളിവുകളും പാടുകളും ഇല്ലാത്ത ചർമ്മം സ്വന്തമാക്കാം, ഈ രണ്ട് വിത്തുകൾ ചേർത്ത വെള്ളം ദിവസവും കുടിക്കൂ

ചേരുവകൾ

• കടലമാവ്
• കറ്റാർവാഴ
• വിറ്റാമിൻ ഇ ക്യാപ്സൂൾ

Also Read: അടുക്കളയിൽ നിസാരമെന്നു കരുതുന്ന ഈ ചേരുവ മതി തിളക്കമുള്ള ചർമ്മം സ്വന്തമാക്കാൻ; ദിവസവും ഇത് കഴിക്കൂ, പുരട്ടൂ

തയ്യാറാക്കുന്ന വിധം

രണ്ട് ചെറിയ സ്പൂൺ കടലമാവിലേയ്ക്ക് ഒരു സ്പൂൺ കറ്റാർവാഴ ജെൽ ചേർത്തിളക്കി യോജിപ്പിക്കാം. ഇതിലേയ്ക്ക് വിറ്റാമിൻ ഈ ക്യാപ്സൂൾ പൊട്ടിച്ചൊഴിക്കാം. ശേഷം ക്ലെൻസ് ചെയ്ത മുഖത്ത് വിരലുകളോ ബ്രെഷോ ഉപയോഗിച്ച് പുരട്ടാം. 20 മിനിറ്റിനു ശേഷം മൃദുവായി മസാജ് ചെയ്യാം. ഇത് തണുത്ത വെള്ളത്തിൽ കഴുകി കളയാം. 

Also Read: ഒരു സ്പൂൺ വെളിച്ചെണ്ണ ഉണ്ടെങ്കിൽ മികച്ച സൺസ്ക്രീൻ തിരഞ്ഞ് നടക്കേണ്ട, ഇങ്ങനെ ചെയ്തു സൂക്ഷിക്കാം

ഇക്കാര്യങ്ങൾ ശ്രദ്ധിക്കാം

• അമിതമായി വരണ്ട ചർമ്മുള്ളവർ കടലമാവ് സ്ഥിരമായി ഉപയോഗിക്കുമ്പോൾ വളരെ കുറച്ച് അളവെടുക്കാൻ ശ്രദ്ധിക്കുക. അതിലേയ്ക്ക് തേൻ ചേർക്കുന്നത് ചർമ്മത്തിൽ ഹൈഡ്രേഷൻ നിലനിർത്താൻ സഹായിക്കും.
• കടലമാവിൽ തക്കാളി നീര്, ഒലിവ് എണ്ണ, തൈര് എന്നിവയൊക്കെ ചേർത്തുപയോഗിക്കാവുന്നതാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More:വെളിച്ചെണ്ണയിലേയ്ക്ക് ഈ​ പൊടി ചേർത്ത് മുഖത്ത് പുരട്ടൂ, ഒറ്റ ഉപയോഗത്തിൽ തിളക്കമുള്ള ചർമ്മം സ്വന്തമാക്കാം