കഴുത്തിനു ചുറ്റുമുള്ള കറുപ്പ് നിറം അകറ്റാൻ ഒരു നുറുങ്ങു വിദ്യ

ചർമ്മ സംരക്ഷണം എന്നു പറയുമ്പോൾ മുഖം മാത്രമാണോ ശ്രദ്ധിക്കേണ്ടത? പലപ്പോഴും കഴുത്തിലെ ചർമ്മത്തിൻ്റെ സംരക്ഷണവും വിട്ടു പോകാറുണ്ട്. അമിതമായി വെയിൽ കൊള്ളുന്നതും ഹോർമോണൽ വ്യതിയാനങ്ങളും,അമിതവണ്ണവും കഴുത്തിലെ ചർമ്മത്തിന് നിറ വ്യത്യാസം ഉണ്ടാകുന്നതിന് കാരണമാകും. അത് പരിഹരിക്കാൻ കറ്റാർവാഴയും, പഞ്ചസാരയും, മഞ്ഞൾപ്പൊടിയും ഉപയോഗിച്ചു നോക്കൂ. 

ചേരുവകളുടെ ഗുണം

കറ്റാർവാഴ

വിറ്റാമിനുകൾ, എൻസൈമുകൾ, ധാതുക്കൾ എന്നിവയാൽ കറ്റാർവാഴ സമ്പന്നമാണ്. ഇത് ചർമ്മത്തെ പോഷിപ്പിക്കുന്നു. ഇതിൻ്റെ ആൻ്റി ഇൻഫ്ലമേറ്ററി കൂളിങ് സവിശേഷതകൾ ചർമ്മത്തിലെ ചുവപ്പ്, നിറവ്യത്യാസം എന്നിവ കുറയ്ക്കാൻ ഗുണകരമാണ്. കറ്റാർവാഴയിൽ അലോസിൻ എന്ന സംയുക്തം അടങ്ങിയിട്ടുണ്ട്, ഇത് ചർമ്മം കറുപ്പിക്കുന്നതിന് കാരണമാകുന്ന എൻസൈമിനെ തടയുന്നു. 

കാപ്പിപ്പൊടി

കാപ്പിപ്പൊടിയിലേയ്ക്ക് കഫേൻ, ആൻ്റി ഓക്സിഡൻ്റുകൾ എന്നിവ അടങ്ങിയിട്ടുണ്ട്. ഇവ രക്ത ചംക്രമണം മെച്ചപ്പെടുത്തുകയും കൊളാജൻ ഉത്പാദനം നിയന്ത്രിച്ചു നിർത്തുകയും ചെയ്യും. കാപ്പിപ്പൊടിക്ക് എക്സ്ഫോളിയേറ്റിങ് സവിശേഷതകളുണ്ട്. മൃതകോശങ്ങൾ നീക്കം ചെയ്യാൻ അത് ഗുണം ചെയ്യും. സ്ഥിരമായി കാപ്പിപ്പൊടി ഉപയോഗിക്കുന്നത് ചർമ്മത്തിലെ ചുളിവുകളും പാടും അകറ്റും. 

പഞ്ചസാര

പഞ്ചസാര, പ്രത്യേകിച്ച് ബ്രൗൺ ഷുഗർ നാച്വറൽ എക്സ്ഫോളിയൻ്റായി പ്രവർത്തിക്കുന്നു. ഇത് ചർമ്മത്തിൽ അടിഞ്ഞു കൂടിയ അഴുക്കും എണ്ണ മയവും, മൃത കോശങ്ങളും പ്രകൃതിദത്തമായി നീക്കം ചെയ്യും. 

മഞ്ഞൾപ്പൊടി

ചർമ്മത്തിൻ്റെയും ശരീരത്തിൻ്റെയും ആരോഗ്യത്തിനായി വളരെ കാലങ്ങളായി മഞ്ഞൾപ്പൊടി ഉപയോഗത്തിലുണ്ട്. മഞ്ഞൾപ്പൊടിയിൽ അടങ്ങിയിരിക്കുന്ന കുർക്കുമിൻ ശക്തമായ ആൻ്റി ഓക്സിഡൻ്റാണ്. ഇതിൻ്റെ ആൻ്റി ഇൻഫ്ലമേറ്ററി സവിശേഷതകൾ ചർമ്മത്തിലെ നിറം വ്യത്യാസം കുറയ്ക്കുന്നു. 

കഴുത്തിലെ കറുപ്പ് നിറം അകറ്റാൻ ഈ പാക്ക് ഉപയോഗിക്കൂ

ചേരുവകൾ

• കറ്റാർവാഴ- 2 ടേബിൾസ്പൂൺ
• കാപ്പിപ്പൊടി- 1 ടേബിൾസൂൺ
• പഞ്ചസാര- 1 ടേബിൾസ്പൂൺ
• മഞ്ഞൾപ്പൊടി- 1 ടീസ്പൂൺ

തയ്യാറാക്കുന്ന വിധം

കറ്റാർവാഴ ജെല്ലിലേയ്ക്ക് കാപ്പിപ്പൊടിയും, പഞ്ചസാരയും, മഞ്ഞൾപ്പൊടിയും ചേർത്തിളക്കി യോജിപ്പിക്കാം. അത് കഴുത്തിൽ പുരട്ടാം. 5 മുതൽ 10 മിനിറ്റു വരെ മൃദുവായി മസാജ് ചെയ്യാം. 15 മിനിറ്റിനു ശേഷം വീര്യം കുറഞ്ഞ സോപ്പ് ഉപയോഗിച്ച് കഴുകി കളയാം.  

ആഴ്ചയിൽ രണ്ട് മുതൽ മൂന്ന് തവണ വരെ ഇത് ഉപയോഗിക്കാം. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ബ്യൂട്ടി പാർലറിൽ പോയി സമയം കളയേണ്ട, ഹെയർ സ്പാ ജെൽ വീട്ടിൽ തയ്യാറാക്കാം
• ഫെയ്സ് മാസ്ക് മുതൽ ടോണർ വരെ, റോസ്‌വാട്ടർ ഈ 5 രീതിയിൽ ഉപയോഗിക്കൂ
• കക്ഷത്തിലെ കറുപ്പ് നിറമാണോ പ്രശ്നം? ഇവ ഉപയോഗിക്കൂ
• ഉള്ളിയും വെളിച്ചെണ്ണയും ഉണ്ടെങ്കിൽ ഹെയർ സെറം ഇനി കടയിൽ നിന്നും വാങ്ങേണ്ട