ബ്യൂട്ടി പാർലറിൽ പോയി സമയം കളയേണ്ട, ഹെയർ സ്പാ ജെൽ വീട്ടിൽ തയ്യാറാക്കാം

DIY Hair Spa: മുടിയുടെ പരിചരണത്തിനായി ഹെയർ സ്പാ ചെയ്യുന്നത് ഇപ്പോൾ ട്രെൻഡാണ്. എന്നാൽ അത് പാർലറുകളിൽ മാത്രമാണ് ലഭിക്കുക എന്നാണ് അധികം ആളുകളും കരുതാറുള്ളത്. അതൊരു തെറ്റിദ്ധാരണയാണ്. വളരെ പെട്ടെന്ന് ലഭ്യമായ സാധാരണ ചേരുവകൾ ഉപയോഗിച്ച് സ്പാ ചെയ്യാനുള്ള സൗകര്യം വീട്ടിൽ  റെഡിയാക്കാം. ഹെയർ സ്പാ ചെയ്യുന്നതിന് വേണ്ട ഏറ്റവും പ്രധാനപ്പെട്ട ഘടകമാണ് ഹെയർ ജെൽ. അത് കടകളിൽ നിന്നും വൻതുക നൽകി വാങ്ങുന്നതിനു പകരം വീട്ടിൽ തയ്യാറാക്കിയാലോ?

ഹെയർ ജെൽ വീട്ടിൽ തയ്യാറാക്കുന്ന വിധം

ഒരു ബൗളിലേയ്ക്ക് ഒരു ടേബിൾസ്പൂൺ കോൾഡ് പ്രസ്ഡ് വെളിച്ചെണ്ണയെടുക്കാം. അതിലേയ്ക്ക് ഒരു ടേബിൾസ്പൂൺ കറ്റാർവാഴജെൽ ചേർക്കാം. രണ്ട് വിറ്റാമിൻ ഇ ക്യാപ്സൂളും ഇതിലേയ്ക്കു ചേർത്തിളക്കി യോജിപ്പിക്കാം. പ്രകൃതിദത്ത കെമിക്കൽ രഹിത ഹെയർ ജെൽ തയ്യാറായിരിക്കുന്നു. 

ഹെയർ ജെൽ ഉപയോഗിക്കേണ്ട വിധം

മുടി ചീകി മൂന്ന് ഭാഗങ്ങളാക്കി മാറ്റാം. ഹെയർ ജെൽ കൈയ്യിൽ എടുത്ത് ഓരോ ഭാഗങ്ങളിലായി പുരട്ടാം. 30 മുതൽ 35 മിനിറ്റ് വരെ വിശ്രമിക്കാം. ശേഷം വീര്യം കുറഞ്ഞ ഷാമ്പൂ ഉപയോഗിച്ച് തണുത്ത വെള്ളത്തിൽ കഴുകി കളയാം. 

ഹെയർ സ്പാ കൂടാതെ തലമുടിയുടെ ആരോഗ്യം നിലനിർത്തുന്നതിന് സ്ഥിരമായി ഉപയോഗിക്കാവുന്ന ഹെയർ ജെല്ലുകൾ ഏതൊക്കെയെന്ന് പരിചയപ്പെടാം

ചണവിത്ത് ജെൽ

ഒരു കപ്പ് വെള്ളത്തിൽ നാല് ടേബിൾസ്പൂൺ ചണവിത്ത് ചേർത്ത് 10 മിനിറ്റ് തിളപ്പിച്ചെടുക്കാം. ഇത് തലമുടിയിൽ ഉപയോഗിക്കൂ. കരുത്തുറ്റ തലമുടി നേടാൻ ചണവിത്ത് സഹായിക്കും.

ചിയാവിത്ത് ജെൽ

ഒരു കപ്പ് വെള്ളത്തിലേയ്ക്ക് അഞ്ചോ ആറോ ടേബിൾസ്പൂൺ ചിയാവിത്ത് ചേർത്ത് തിളപ്പിക്കാം. ഈ​ വെള്ളം അരിച്ചെടുത്ത് ഉപയോഗിക്കാം.

കറിവേപ്പില

വെള്ളത്തിലേയ്ക്ക് 10 മുതൽ 15 വരെ കറിവേപ്പില ചേർക്കാം. ഇതിലേയ്ക്ക് ഉലുവ വിത്ത് ചേർത്തിളക്കി യോജിപ്പിക്കാം. ഈ​ വെള്ളം അരിച്ചെടുത്ത് ഉപയോഗിക്കാവുന്നതാണ്.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• ഫെയ്സ് മാസ്ക് മുതൽ ടോണർ വരെ, റോസ്‌വാട്ടർ ഈ 5 രീതിയിൽ ഉപയോഗിക്കൂ
• കക്ഷത്തിലെ കറുപ്പ് നിറമാണോ പ്രശ്നം? ഇവ ഉപയോഗിക്കൂ
• ഉള്ളിയും വെളിച്ചെണ്ണയും ഉണ്ടെങ്കിൽ ഹെയർ സെറം ഇനി കടയിൽ നിന്നും വാങ്ങേണ്ട
• തേങ്ങാപ്പാലും കറ്റാർവാഴയുമുണ്ടോ? എങ്കിൽ വരണ്ടതും കട്ടി കുറഞ്ഞതുമായ തലമുടിക്ക് വിട