മുഖത്തെ കരിമംഗല്യം മാറി നിറവും തിളക്കവും കിട്ടാൻ ഇങ്ങനെ ചെയ്തു നോക്കൂ

പിഗ്മെന്റേഷൻ, ഹൈപ്പർ പിഗ്മെന്റേഷൻ, കറുത്ത പാടുകൾ, മുഖക്കുരു പാടുകൾ തുടങ്ങിയവയൊക്കെ നിരവധി പേരെ അലട്ടുന്ന പ്രശ്നങ്ങളാണ്. മുഖത്തെ കരുവാളിപ്പ് മാറ്റി നിറവും തിളക്കവും നൽകാൻ ചില ഫെയ്സ് പാക്കുകൾ സഹായിക്കും. ഇവയൊക്കെ വളരെ എളുപ്പത്തിൽ കുറഞ്ഞ സമയത്തിനുള്ളിൽ വീട്ടിൽ തയ്യാറാക്കാവുന്നതാണ്.

പാചക വിദഗ്ധയും ബ്യൂട്ടി ബ്ലോഗറുമായ ലക്ഷ്മി നായർ മുഖത്തെ കരിമംഗല്യം മാറി നിറവും തിളക്കവും നൽകുന്ന ഒരു ഫെയ്സ് പാക്കിനെക്കുറിച്ച് യൂട്യൂബ് വീഡിയോയിൽ വിശദീകരിച്ചിട്ടുണ്ട്. ഉരുളക്കിഴങ്ങും ഇരട്ടി മധുരവും മസൂർ ദാലുമാണ് ഈ പാക്ക് തയ്യാറാക്കാൻ ആവശ്യമായിട്ടുള്ളത്. മുഖത്തെ കരുവാളിപ്പ് മാറ്റാൻ മികച്ചതാണ് ഉരുളക്കിഴങ്ങെന്ന് അവർ പറയുന്നു. ഉരുളക്കിഴങ്ങിൽ പ്രകൃതിദത്ത ബ്ലീച്ചിങ് ഘടകങ്ങളുണ്ട്. ഇതുപോലെ ഇരട്ടിമധുരവും മസൂർ ദാലും ചർമ്മത്തിന് തിളക്കം നൽകുമെന്ന് അവർ അഭിപ്രായപ്പെട്ടു.

തയ്യാറാക്കുന്ന വിധം

ഒരു ഉരുളക്കിഴങ്ങ് തൊലി കളഞ്ഞ് കഴുകി വൃത്തിയാക്കിയശേഷം നന്നായി അരച്ചെടുക്കുക. ഇത് കുറച്ച് സമയത്തേക്ക് മാറ്റിവയ്ക്കുക. അതിനുശേഷം ഇതിൽനിന്നും വെള്ളം വേർതിരിച്ചെടുക്കുക. ഇത് ഫ്രിഡ്ജിൽ സൂക്ഷിച്ച് മുഖത്ത് ദിവസവും പുരട്ടുന്നത് വളരെ നല്ലതാണ്. വെള്ളം മാറ്റിയശേഷം കിട്ടുന്ന ഉരുളക്കിഴങ്ങിലേക്ക് ഇരട്ടി മധുരത്തിന്റെ പൊടിയും മസൂർ ദാൽ പൊടിയും ഉരുളക്കിഴങ്ങ് ജ്യൂസും ചേർത്ത് പേസ്റ്റ് രൂപത്തിലാക്കുക. ഇത് മുഖത്തും കഴുത്തിലും പുരട്ടുക. ഉണങ്ങിയശേഷം കഴുകി കളയുക. ആഴ്ചയിൽ മൂന്നു തവണയെങ്കിലും ചെയ്യുക.

Read More

• വരണ്ട ചർമ്മക്കാരോണോ? മുഖം തിളങ്ങാൻ വെള്ളരിക്ക ഫെയ്സ് പാക്ക്
• ചർമ്മത്തിലെ വലിച്ചിൽ ഇല്ലാതാക്കാം, ഈ മുട്ട ഫെയ്സ് മാസ്ക് പരീക്ഷിക്കൂ
• കരുത്തുറ്റ തലമുടിക്കായി ട്രൈ ചെയ്യൂ ഈ ഹെയർ മാസ്ക്കുകൾ
• തിളക്കമുള്ള മുടിക്ക് ബെസ്റ്റാണ് ഈ പഴം