വരണ്ട ചർമ്മക്കാരോണോ? മുഖം തിളങ്ങാൻ വെള്ളരിക്ക ഫെയ്സ് പാക്ക്

ചർമ്മ സംരക്ഷണത്തിൽ ഫെയ്സ് പാക്കുകൾക്ക് വളരെ പ്രാധാന്യമുണ്ട്. ചർമ്മത്തെ മൃദുലമാക്കാനും തിളക്കം നൽകാനും ഇവ സഹായിക്കും. ഫെയ്സ് പാക്കുകൾ പലതും വളരെ എളുപ്പത്തിൽ വീട്ടിൽ തയ്യാറാക്കാവുന്നതാണ്. അത്തരത്തിൽ ചർമ്മത്തെ തിളക്കമുള്ളതാക്കാൻ സഹായിക്കുന്ന ഒന്നാണ് വെള്ളരിക്ക കൊണ്ടുള്ള ഫെയ്സ് പാക്ക്.

ശരീരത്തിന് ജലാംശം നൽകാൻ മാത്രമല്ല, ചർമ്മത്തിനും ഗുണകരമാണ് വെള്ളരിക്ക. ജലാംശം, വിറ്റാമിനുകൾ, ആന്റിഓക്‌സിഡന്റുകൾ എന്നിവയാൽ സമ്പന്നമായതാണ് വെള്ളരിക്ക. ഇതിലെ ഉയർന്ന ജലാംശം മികച്ചൊരു ഹൈഡ്രേറ്റിങ് ഏജന്റായി പ്രവർത്തിച്ച് വരണ്ട ചർമ്മത്തിൽ ഈർപ്പം നിറയ്ക്കാൻ സഹായിക്കുന്നു. കൂടാതെ, വെള്ളരിക്കയിൽ വിറ്റാമിൻ സി അടങ്ങിയിട്ടുണ്ട്. ഇത് ചർമ്മത്തിന് തിളക്കം നൽകുകയും കൊളാജൻ ഉൽപാദനത്തെ പ്രോത്സാഹിപ്പിക്കുകയും ചെയ്യുന്നു.

ചേരുവകൾ

• വെള്ളരിക്ക - 1
• തൈര് - 1 ടേബിൾ‌സ്പൂൺ
• തേൻ - 1 ടേബിൾസ്പൂൺ

തയ്യാറാക്കുന്ന വിധം

വെള്ളരിക്ക കഴുകി വൃത്തിയാക്കിയശേഷം തൊലി കളഞ്ഞ് ചെറിയ കഷ്ണങ്ങളാക്കി മുറിക്കുക. മിക്സി ജാറിലാക്കി പേസ്റ്റ് രൂപത്തിൽ അരച്ചെടുക്കുക. ഒരു പാത്രത്തിലേക്ക് മാറ്റിയശേഷം, ഇതിലേക്ക് തൈരും തേനും ചേർത്ത് നന്നായി യോജിപ്പിക്കുക. മുഖം വൃത്തിയാക്കിയശേഷം ഈ ഫെയ്സ് പാക്ക് തേച്ചു പിടിപ്പിക്കുക. 15-20 മിനിറ്റുകൾക്കുശേഷം കഴുകി കളയുക. 

Read More

• ചർമ്മത്തിലെ വലിച്ചിൽ ഇല്ലാതാക്കാം, ഈ മുട്ട ഫെയ്സ് മാസ്ക് പരീക്ഷിക്കൂ
• കരുത്തുറ്റ തലമുടിക്കായി ട്രൈ ചെയ്യൂ ഈ ഹെയർ മാസ്ക്കുകൾ
• തിളക്കമുള്ള മുടിക്ക് ബെസ്റ്റാണ് ഈ പഴം
• മുടി പനങ്കുലപോലെ വളരണോ? ഈ ടെക്നിക് പരീക്ഷിച്ചു നോക്കൂ