പ്രിയാമണി ധരിച്ച കലംകാരി സാരിയുടെ വില അറിയാമോ?

ബോളിവുഡിലെ തന്റെ പുതിയ ചിത്രമായ 'മെയ്ദാ'ന്റെ പ്രൊമോഷൻ തിരക്കുകളിലാണ് പ്രിയാമണി. അജയ് ദേവ്ഗൺ നായകനാവുന്ന ചിത്രത്തിൽ പ്രിയാമണി ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഫുട്ബോളിലൂടെ രാജ്യത്തിന്റെ അഭിമാനം ഉയർത്തിയ സയ്യിദ് അബ്ദുൾ റാഹിമിന്റെ ജീവിത കഥ പറയുന്ന ചിത്രമാണ് മെയ്ദാൻ. ഏപ്രിൽ 10 നാണ് ചിത്രം തിയേറ്ററുകളിലെത്തുക.

ചിത്രത്തിന്റെ പ്രൊമോഷൻ സമയത്തുള്ള ചിത്രങ്ങൾ ഇൻസ്റ്റഗ്രാമിൽ പോസ്റ്റ് ചെയ്തിരിക്കുകയാണ് പ്രിയാമണി. കലംകാരി സാരിയിലുള്ള മനോഹര ചിത്രങ്ങളാണ് താരം ഷെയർ ചെയ്തത്. സാരിക്ക് ഇണങ്ങുന്ന ആഭരണങ്ങളാണ് പ്രിയാമണി തിരഞ്ഞെടുത്തത്.

View this post on Instagram

A post shared by Priya Mani Raj (@pillumani)

അർച്ചന ജാജു ഡിസൈനർ ബ്രാൻഡിന്റെ കളക്ഷനിൽനിന്നുള്ളതാണ് ഈ ഓർണമെന്റൽ കലംകാരി സാരി. സർദോസി വർക്കുകളും ഹാൻഡ് പെയിന്റഡ്, ഹാൻഡ് എംബ്രോയിഡറി വർക്കുകളും നിറഞ്ഞതായിരുന്നു സാരി. 1,44,999 രൂപയാണ് ഈ സാരിയുടെ വില. 

തെന്നിന്ത്യയിലും ബോളിവുഡിലുമായി അഭിനയത്തിൽ നിറഞ്ഞുനിൽക്കുകയാണു പ്രിയാമണി.  'ഫാമിലിമാൻ' എന്ന സീരീസാണ് പ്രിയാമണിക്ക് ബോളിവുഡിൽ ഒരു ഇടം നേടിക്കൊടുത്തത്. അടുത്തിടെ പുറത്തിറങ്ങിയ ഷാരൂഖ് ഖാൻ ചിത്രം 'ജവാനി'ലും പ്രിയാമണി ശ്രദ്ധേയ വേഷം ചെയ്തിരുന്നു. അഭിനയത്തിനൊപ്പം മോഡലിങ്ങിലും മിനിസ്ക്രീനിലും താരം സജീവമാണ്.

Read More

• സ്കൾപ്റ്റഡ് കോസ്മിക് ഗൗണിൽ ഗ്രീക്ക് ദേവതയെപ്പോൽ തമന്ന
• സ്ലീവ്‌ലെസ് ഗൗണിനൊപ്പം ആലിയ അണിഞ്ഞത് 20 കോടിയുടെ വജ്രാഭരണങ്ങള്‍
• തമന്നയുടെ ഡാർക്ക് ഗ്രീൻ ട്രികോൺ ഡ്രാപ്ഡ് സാരിയുടെ വില അറിയേണ്ടേ?
• 30 വർഷം പഴക്കമുള്ള സാരിയിൽ സ്റ്റൈലിഷായി ആലിയ ഭട്ട്