സ്ലീവ്‌ലെസ് ഗൗണിനൊപ്പം ആലിയ അണിഞ്ഞത് 20 കോടിയുടെ വജ്രാഭരണങ്ങള്‍

തികച്ചുമൊരു ഫാഷൻ ഗേളാണ് ആലിയ ഭട്ട് എന്നു പറഞ്ഞാൽ അദ്ഭുതപ്പെടാനൊന്നുമില്ല. കാലത്തിനൊത്ത ഫാഷൻ ട്രെൻഡുകൾ എപ്പോഴും ആലിയ ഫോളോ ചെയ്യാറുണ്ട്. ഫാഷൻ പ്രേമികളെ തന്റെ ലുക്കിൽ ഒരിക്കലും ആലിയ നിരാശപ്പെടുത്താറില്ല. 

ലണ്ടനിൽ നടന്ന ഹോപ് ഗാലെയിൽ പങ്കെടുക്കാനും ആലിയ സ്റ്റൈലിഷ് ലുക്കിലാണ് എത്തിയത്. ഇന്ത്യയിലെ പാർശ്വവത്കരിക്കപ്പെട്ട കൗമാരക്കാരുടെ ഉന്നമനം ലക്ഷ്യമിട്ടുള്ള ധനസമാഹരണ പരിപാടിയുടെ അവതാരകയായിരുന്നു​ ആലിയ.

രണ്ട് വ്യത്യസ്ത ഔട്ട്ഫിറ്റുകളിലാണ് താരം പരിപാടിക്ക് എത്തിയത്. ഒരു ദിവസം ക്രീം നിറത്തിലുള്ള സാരിയും രണ്ടാമത്തെ ദിവസം വൈന്‍ നിറത്തിലുള്ള ഗൗണുമായിരുന്നു ആലിയയുടെ വേഷം. ആലിയയുടെ ഔട്ട്ഫിറ്റിനെക്കാൾ ഏറെ ശ്രദ്ധേ നേടിയത് താരം അണിഞ്ഞ ആഭരണങ്ങളായിരുന്നു.

വൈന്‍ നിറത്തിലുള്ള സ്ലീവ്‌ലെസ് ഗൗണിനൊപ്പം ഒരു ചോക്കറും മോതിരവുമായിരുന്നു ആലിയ അണിഞ്ഞത്. ഇന്ദ്രനീലവും വജ്രവും ചേർന്ന ഈ നെക്ലേസിന്റെയും മോതിരത്തിന്റെയും വില 20 കോടിയെന്നാണ് റിപ്പോർട്ടുകൾ. 

പ്രശസ്ത ഇറ്റാലിയൻ ജുവലറി ബ്രാൻഡായ ബുൾഗറിയുടെ ആഭരണശേഖരത്തിൽനിന്നുള്ളവയാണിത്. ആഭരണങ്ങള്‍ കൂടാതെ വാച്ചുകള്‍, പെര്‍ഫ്യൂം, തുകല്‍ ഉത്പന്നങ്ങള്‍ എന്നിവയും ബ്രാൻഡിന്റേതായി പുറത്തിറങ്ങുന്നുണ്ട്.

‘ജിഗ്‌റ’ ആണ് ആലിയയുടേതായി റിലീസിനൊരുങ്ങുന്ന പുതിയ ചിത്രം. സഹോദരനും സഹോദരിയും തമ്മിലെ ആത്മബന്ധത്തെക്കുറിച്ചുള്ളതാണ് സിനിമ. 

Read More

• തമന്നയുടെ ഡാർക്ക് ഗ്രീൻ ട്രികോൺ ഡ്രാപ്ഡ് സാരിയുടെ വില അറിയേണ്ടേ? 
• പ്രിയാമണി ധരിച്ച ഈ മനോഹര അനാർക്കലി സെറ്റിന്റെ വില അറിയാമോ?
• പ്രിയാമണി ധരിച്ച ഫ്ലോറൽ പ്രിന്റഡ് ഓർഗൻസ സാരിയുടെ വില അറിയാമോ?
• അനിഖ സുരേന്ദ്രൻ ധരിച്ച ഈ ഖാദി സാരിയുടെ വില അറിയാമോ?