അനിഖ സുരേന്ദ്രൻ ധരിച്ച ഈ ഖാദി സാരിയുടെ വില അറിയാമോ?

ബാലതാരമായിട്ടാണ് അനിഖ സുരേന്ദ്രന്റെ കരിയർ തുടങ്ങുന്നത്. 'ഛോട്ടാ മുംബൈ' എന്ന സിനിമയിലൂടെയാണ് മലയാള സിനിമയിലേക്ക് അനിഖ എത്തിയതെങ്കിലും 'കഥ തുടരുന്നു' എന്ന ചിത്രത്തിലൂടെയാണ് ശ്രദ്ധിക്കപ്പെട്ടത്. ചിത്രത്തിൽ ആസിഫ് അലിയുടെയും മംമ്ത മോഹൻദാസിന്റെയും മകളുടെ വേഷമാണ് അനിഖ ചെയ്തത്. 

പിന്നീട് ഇങ്ങോട്ട് നിരവധി സിനിമകളിൽ അഭിനയിച്ചു. 'ബുട്ടബൊമ്മ' എന്ന തെലുങ്ക് സിനിമയിലൂടെ നായികയായും മാറി. 'കപ്പേള' എന്ന മലയാള ചിത്രത്തിന്റെ റീമേക്കാണിത്. അഭിനയത്തിനൊപ്പം മോഡലിങ്ങിലും താരം സജീവമാണ്. 

സാരിയിലുള്ള ചിത്രങ്ങൾ ഇൻസ്റ്റഗ്രാമിൽ പോസ്റ്റ് ചെയ്തിരിക്കുകയാണ് അനിഖ. ഓറഞ്ച് ബോർഡറിലുള്ള ഖാദി സാരിക്കൊപ്പം ഫുൾ സ്ലീവ് ബ്ലൗസും അണിഞ്ഞുള്ള ചിത്രങ്ങളാണ് താരം പങ്കിട്ടത്. നെറ്റിയിലെ പൊട്ടും കയ്യിലെ കുപ്പിവളകളും കേരള തനിമയുള്ള നാടൻ പെൺകുട്ടിയെ ഓർമിപ്പിക്കുന്നതായിരുന്നു. 

View this post on Instagram

A post shared by Anikha surendran (@anikhasurendran)

ബൈഹാൻഡ് ഡിസൈനർ ബ്രാൻഡിന്റേതാണ് അനിഖ ധരിച്ച ഈ ഖാദി കോട്ടൺ ഹാൻഡ്‌ലൂം സാരി. 3,950 രൂപയാണ് ഈ സാരിയുടെ വില. 

'കിങ് ഓഫ് കൊത്ത'യാണ് അനിഖയുടെ അവസാനമായി റിലീസ് ചെയ്ത ചിത്രം. സിനിമയിൽ ദുൽഖർ സൽമാന്റെ അനിയത്തിയുടെ വേഷമാണ് അനിഖ ചെയ്തത്. തമിഴിൽ അടക്കം ഏതാനും ചിത്രങ്ങൾ താരത്തിന്റേതായി റിലീസിന് ഒരുങ്ങുന്നുണ്ട്. .

Read More

• എന്തൊരു സിംപിളാണ്, തമന്നയുടെ എയർപോർട്ട് ലുക്കിൽ അമ്പരന്ന് ആരാധകർ
• പട്ടിയാല സൽവാർ കമ്മീസിനൊപ്പം റെഡ് ദുപ്പട്ട; ഫാഷൻ പ്രേമികളുടെ ഹൃദയം കവർന്ന് പ്രീതി സിന്റ
• സിംപിൾ സെറ്റ് മുണ്ടിൽ ശാലീന സുന്ദരിയായി അനുശ്രീ
• പ്രിയങ്ക ചോപ്ര ധരിച്ച യെല്ലോ സാരിയുടെ വില അറിയാമോ?